كرسى الاعتراف (sasoo )

تذكير بمساهمة فاتح الموضوع :

[

النهارده ياشباب انا جايبموضوع مش جديد ...لا هو موضوعقديم ومتكرر فى منتديات كتيره اوى

بس نااجح جدااااااااااااااا

الموضوع اسمه كرسى الاعترااف

ايه فكره الموضوع ..

فكره الموضوع ان كل فتره هيكونفى ضيف على كرسى الاعترااف .

وباقى الاعضاء كل واحد فيهميساله كل الاسئله اللى كانو يتمنو او يحبو يعرفو اجابتها منه

على سبيل المثال

يعرفنا بشخصيته ... هوايته .. حكمه مفضله ليه ومؤمن بيها اوى

حكمه مشهوره هو معارض عليهاا .. ورده معاه يهديها لمين فى المنتدى

يتمنى ايه لمنتدى افندينا.. وكدهمثلا ..

وأى اسئله تانيه ..

ملحوظة مهمة: كل عضو او مشرف مسموح ليه بعدد مفتوح من الاسئلة

اتمنى الموضوع يكون لذيذويعجبكو وتوافقو عليه ...

وعلى فكره الموضوع ده واللهبشوف فى باقى المنتديات الردود فيه بتعدى ال100 لكل عضو

والاسئله بتكون كتيره اووووووى

وانا اللى عجبنى فيه انى حسيتانه بيقرب الاعضاء من بعض .. بحيث ان كل عضو بيكون عارف عن غيره حاجات كتيره اوى

عشان كده اتمنى تشاركو فىالموضوع ونختار مين هيكون اول عضو معاناا .. على كرسى الاعتراف

ويلا مستني ردودكو عشان اعرفالموضوع هيلاقى قبول ولا .........

سمسم

منورة الكرسي . ومنورة الدنيا كلها ....

ممكن أعزمك علي حاجة تشربيها ...؟

يلاه نبدأ الاسئلة .

1- سمسم .................... من أنت ؟

2- أيه اللي فكراه من ذكريات طفولتك . ؟

3- مكان ميلادك ..؟

4- عدد أصدقائك البنات ..... المقربين كام بالظبط ...؟

5- لو أنتي تاجرة .... أيهما تختاري .... ربح قليل مع تجارة سريعة .... أم ربح كثير مع بطئ في التجارة ... ؟

6- أيهما تختاري ...... شعر باللغة العربية الفصح ....... أم شعر بالعامية .؟

7- لو قابلتي رئيس الوزراء دلوقتي ... تقوليله أيه .... وتكلميه عن أيه ..؟

8- الكلية اللي أنتي فيها ... أختارتيها برغبتك ... ولا جت بسبب المجموع .؟

9- كم عدد السور في القرآن الكريم تحفظينها ....؟

10- ماهو شكل الترابط الاسري في رأيك ...؟

شكرا سمسم ... ولي عودة أخري في الاسئلة .

يلا يا سمسم
جهزى نفسك
يلا
نبدء الاسئلة
طبعا قبل مابدء انتى عارفة انتى غالية عندنا قد ايه
فلازم نحط اسئلة كتيييييييييير
هههههههههههه

يلا نبدء الاسئلة

1-من هو ممثلك المفضل؟
2-ماهى اكلتك المفضلة؟
3-من هو مغنيك المفضل؟
4-ماهى اتعس لحظات حياتك؟
5-ماهى اسعد لحظات حياتك؟
6-متى احسست بالظلم؟
7-متى احسست انك ظالمة؟
8-متى تبكى سمسمة؟
9-ماهو الموقف المحرج التى تعرضتى اليه؟
10-متى احسست بالندم؟
11-متى تتكبيرين وتتعالين على من امامك؟
12-اكملى الاسئلة الاتية
والاسئلة دى هتكون داخل المنتدى
عضو لافت .........
عضو نشيط ........
عضو مضبط الدنيا بجد ...........
عضو تقرائين مواضيعه باستمرار ............
عضو لاتعرفين عنه شيئ ...........
عضو توجهين له العتاب واللوم ........

وكفاية عليكى كدة النهاردة
مع انه فى اسئلة كنت محضرها اكتر
بس جاوبى دول الاول
ولينا كام قعدة كمان

1- سمسم .................... من أنت ؟

انسانة عادية زي اي انسان بيحلم وبيعيش وبيتمنى وبيسعى لتحقيق احلامه واهدافه

2- أيه اللي فكراه من ذكريات طفولتك . ؟

طفولة هادية مفعمة بالنشاط والتفاؤل واللمرح

3- مكان ميلادك ..؟

السعودية

4- عدد أصدقائك البنات ..... المقربين كام بالظبط ...؟

4 دول اقرب صديقاتي

5- لو أنتي تاجرة .... أيهما تختاري .... ربح قليل مع تجارة سريعة .... أم ربح كثير مع بطئ في التجارة ... ؟

سؤال محير...ولكن هي مش شرط تبقى ربح قليل وتجارة سريعة او ربح كتير وتجارة بطيئة

يعني على حسب السوق وشطارة التجارة ولكن افتكر ان التأني في الشئ احسن

6- أيهما تختاري ...... شعر باللغة العربية الفصح ....... أم شعر بالعامية .؟
اختار شعر يوصل بسرعة ويكون احساسه عالي وكلماته بتشع معاني ووضوح

7- لو قابلتي رئيس الوزراء دلوقتي ... تقوليله أيه .... وتكلميه عن أيه ..؟

عن كل المشاكل والصعوبات اللي كلنا بنواجهها...اهمهم البطالة لانها هي اللي بتؤدي لسكك تانية غلط...بتخلي اللي مش لاقي شغل يسرق ويقتل ويخطف.....الخ...توفير فرص للشغل والعمل على الارتقاء بمستوى المعيشة

8- الكلية اللي أنتي فيها ... أختارتيها برغبتك ... ولا جت بسبب المجموع .؟

هقولك حاجة انا كان ادامي اكتر من اختيار ..كان ممكن ادخل علم نفس لاني حبت درجة نهائية فيه او تربية فنية لاني امتحنت قدرات ونجحت...دول بالنسبة للمسموح في مجموعي وهي تخصصات حلوة بس اولا هي كدراسة مش سهلة ثانيا طبعا انا مش عارفة اذا كنت هشتغل ولالا بس عملت حسابي برضه احتياطي للشغل لقين انه مدرسة في النهاية ...فقلت اشوف حاجة تانية خارج نطاق التدريس...كان ممكن اعلام وحاجات تانية كتير ودي بقى اللي بعيد عن المجموع ومنهم سياحة وفنادق...مالقتش نفسي في اعلام..حسيت ان سياحة وفنادق ممكن تكون فيها فرص اكبر كتعليم وشغل

9- كم عدد السور في القرآن الكريم تحفظينها ....؟

على قد مايقدرني ربنا

10- ماهو شكل الترابط الاسري في رأيك ...؟

اسمى المعاني ...فيها حب ومودة واخلاص وتعاون وصلة رحم وووو الخ

وطبعا ده شئ جميل لا يقدر بثمن

مرسيه ديزل للاسئلة وفي انتظارك

ههههه اكيد ماهو الاسئلة بتدل على المعزة اهي

1-من هو ممثلك المفضل؟

هو ممكن احمد حلمي كريم عبد العزيز لانهم بيمثلوا حلو وبيعملوا افكار حلوة وعامة اي حد يمثل كويس ويعمل افكار جديدة ويوصل المعنى والاحساس يعني ماتحسش انه ممثل

2-ماهى اكلتك المفضلة؟

ممكن البطاطس المحمرة ولو جنبها بانيه يبقى تمام اوي

3-من هو مغنيك المفضل؟

محمد فؤاد

4-ماهى اتعس لحظات حياتك؟

لما احس اني كنت عايزة اعمل حاجة ومعرفتش اوصلها

5-ماهى اسعد لحظات حياتك؟

لما اوصل لحاجة كنت عايزاها واكيد تجربة النجاح بتخليني سعيدة

6-متى احسست بالظلم؟

كتير من ناس كتير اكيد كل واحد فنيا بيقابل ناس بياخد منهم ظلم في القول او الفعل

7-متى احسست انك ظالمة؟

لا دي ماعرفهاش بس مافتكرش اني ظلمت حد في يوم بل بالعكس انا بدافع عن ناس كتير

لما يكون لهم حق وضايع منهم فمافتكرش اني اكون ظلمت في يوم

8-متى تبكى سمسمة؟

في اي موقف حزين او لما احس بظلم واكيد في مواقف كتير بتعدي بتزعل وممكن تخليني ابكي

9-ماهو الموقف المحرج التى تعرضتى اليه؟

عندي دكتورة الماني ساعات ساعات كان في لخبطة في الجدول بعد كده قلتلها ان في دكتورة واجلت محاضرتها يعني الجدول اتظبط واننا هناخد عادي في معادنا وللعلم انا بس اللي بحضر معاها..لما قلت كده حسيت اني شتمتها مثلا وبتشدني ونازلة للعميدة..ليه..عشان تقولي ان الجدول ملخبط..فنزلنا مالقناش العميدة دخلتني للوكيل فبقول اللي حصل..مع ان مفيش مشكلة الموضوع اتحل اصلا والمواعيد اتظبطت ...فطبعا الوكيل بصلي وقالي ايه المشكلة ولقيت ورايا الدكتورة اللي اجلت محاضرتها وبتقولي هو مش انا اجلتها...طبعا ضربت 6000 لون قلتلها اه والاغرب ان الدكتورة لقيتها بتقول اه ايه المشكلة بقى؟؟؟؟

10-متى احسست بالندم؟

هو في الغالب انا بحسب تصرفاتي وكلامي عشان ماندمش على حاجة

بس ممكن اندم لو اديت ثقة لحد وماكنش يستاهلها

11-متى تتكبيرين وتتعالين على من امامك؟

التكبر والتعالي مالهمش معنى عندي

12-اكملى الاسئلة الاتية
والاسئلة دى هتكون داخل المنتدى
عضو لافت .........سحر
عضو نشيط ........زيزي واسماء
عضو مضبط الدنيا بجد ...........ماتركث وادمن
عضو تقرائين مواضيعه باستمرار ............مش حد معين
عضو لاتعرفين عنه شيئ ...........ريهام بوتا
عضو توجهين له العتاب واللوم ........محدش

كفاية فعلا انا بقول كده برضه...اهلا بيك ومرسيه للاسئلة

انتظرى المزيد والمزيد من الاسئلة سمسمة

في الانتظار

هالو ...

سمسم

عندك شوية أسئلة .:

1- ايهما افضل ..... مواضيع منقولة من المنتديات . أم مواضيع من أفكار الاعضاء ؟

2- رأيك في مستوي الشباب والشابات الفكري . والأنيهيار الذوقي في الشكل العام
والانهيار في آداب الحديث والحوار . والاستهتار السائد في التعامل بين طبقة الجيل الجديد . والاستيل العام في سلوكيات الشعب المصري ؟

3- لو تم تعيينك وزيرة الثقافة .... ماهي افكارك الجديدة .؟

4- رأيك في التناقض والصراع القائم الآن بين الولد ... والبنت . والاتهامات المتبادلة بينهما في أيهما الافضل ...؟

5- معاكي كرافته ..... مين تربطيها له بأناقة ... ومين تربطيه بيها وتشنقيه ....؟
( السؤال عام )

6- عدد الساعات اللي بتقضيها علي النت ..؟

7- فوائد النت ...... وسلبياته ..... من وجهة نظرك ....؟

8- نظرتك الخاصة في المنتدي المثالي ..؟

9- ماذا يعني الفن بكل وجوهه لك . وخصوصا الأغاني ....؟

10- سمسم ...... هل هي مثالية أوي كدة زي مانعرفها من خلال حواراتها في المنتدي ...... ولا لها وجه آخر .....؟

11- كلمة تقف لها سمسم أحتراما ..... وكلمة تقف لها من شدة الغضب ....؟

شكرا أختي سمسم ..........

أنتظر أجابات أتعلم منها ماهو لم يعد موجودا الآن .....

تحياتي لك سمسم .

هلا ديزل

1- ايهما افضل ..... مواضيع منقولة من المنتديات . أم مواضيع من أفكار الاعضاء ؟

اكيد الافكار الجديدة بتبقى حلوة وحتى المنقول بيبقى فيه افادة بس مايبقاش كله منقول لا نحاول يبقى في افكار جديدة مننا

]ويبقى في توازن بين الاتنين

2- رأيك في مستوي الشباب والشابات الفكري . والأنيهيار الذوقي في الشكل العام
والانهيار في آداب الحديث والحوار . والاستهتار السائد في التعامل بين طبقة الجيل الجديد . والاستيل العام في سلوكيات الشعب المصري ؟

هههههه اهلا في ايه

ده سؤال عوييييييييييص..بس ماشي

هو زي مانت قلت في انهيار في كل حاجة تقريبا

بس اكيد هتلاقي ناس كويسين وناس لا...وعلى الناس الكويسين بقى انهم يحافظوا على نفسهم من الانهيار ده ولو عرفوا يساعدوا المستهترين والمنهارين انهم يظبطوا حياتهم يبقى كويس..بس هنعمل ايه اهو الجيل ده ملخبط وتايه وماعندوش طموح واهداف ولا مبادئ وماشي زي مالهوا بيشيله ويحطه

3- لو تم تعيينك وزيرة الثقافة .... ماهي افكارك الجديدة .؟
امممم تثقيف الشباب والبنات والعمل انهم يقروا كتير في مختلف المجالات وبجانب الثقافة التربية والتدريس والرقي بكل المستويات العلمية والعملية ...عشان يطلع جيل كويس يفيد نفسه ويفيدنا ويفيد بلده

4- رأيك في التناقض والصراع القائم الآن بين الولد ... والبنت . والاتهامات المتبادلة بينهما في أيهما الافضل ...؟
ايهما افضل ؟؟

لا وضح

5- معاكي كرافته ..... مين تربطيها له بأناقة ... ومين تربطيه بيها وتشنقيه ....؟
( السؤال عام )

اربطها باناقة لكل شخص محترم عنده مبادئ واخلاق وبيقدر اللي حواليه وبيعمل الخير..وبيحب الناس وصادق ومابيظلمش...

ونشنق كل واحد بيدوس على الناس عشان يوصل لمصلحته وبس

6- عدد الساعات اللي بتقضيها علي النت ..؟
لا كتير على حسب مابقعد بس بقعد كتير بكلم قرايبي وصاحباتي وعلى المنتدى بحط مواضيع..

7- فوائد النت ...... وسلبياته ..... من وجهة نظرك ....؟
النت سلاح ذو حدين ..اذا استخدم صح هيبقى مفيد

واذا اسخدم غلط هيبقى مضر

فوائده ..انه عن طريقه بتجيب معلومات عن اي حاجة في اي مجال بتحتاجها...تواصل بين اهلك او اصدقائك لو بعيد عنهم

وفي منتديات اكيد متخصصة للافادة في مجالات مختلفة

اما سلبياته انه يبقى عند شخص مجرد شات وبس واستخدامه بقى استخدام سئ يضر

8- نظرتك الخاصة في المنتدي المثالي ..؟

المنتدى الكويس انه يبقى متعدد ومتنوع ومتجدد وفيه ناس ودي الاهم يكونوا كويسين ومحترمين مابيغلطوش ولا بيهينوا حد وبيقدروا شغل الناس ..وعندهم نشاط ومواضيع مفيدة ويجيله ناس من كل حتة

ويبقى كل واحد بيحط حاجة بيستفيد وبيفيد

9- ماذا يعني الفن بكل وجوهه لك . وخصوصا الأغاني ....؟
الفن متعدد ومنه حاجات كتير مفيدة وفيها ذوق وعايزة حس فني وعين بتعرف معنى الجمال..

اما الاغاني فهي شئ جميل بس لو لقيته من حد بيعرف يوصلك احساسه ولما بتسمع الكلمات بتحسها كلمة كلمة

وكانها مكتوبة ليك ويشدك اللحن وممكن تسرح فيها من جمالها

وتعيد وتزيد فيها ...دي الاغنية اللي تشد المستمع ليها

10- سمسم ...... هل هي مثالية أوي كدة زي مانعرفها من خلال حواراتها في المنتدي ...... ولا لها وجه آخر .....؟

مفيش حد مثالي اوي ولا كامل ياديزل واكيد كل واحد فينا ليه عيوبه وليه مميزاته

لكن هي فكرة استخدام عقل ونقاش كويس ..وافادة واستفادة

ومشكلتي مابعرفش اقيم نفسي اوي

وهسيبلكوا انتوا تقولوا رايكوا

[color:3771=lightblue:3771]11- كلمة تقف لها سمسم أحتراما ..... وكلمة تقف لها من شدة الغضب ....؟[/size]
كلمة اقف لها احتراما..لما يتقال كلمة حق ..لما تكون كلمة تقدير..لمت تبقى كلمة صدق..لما تكون كلمة فيها ايمان....

اقف لها من شدة الغضب..كلام فيه ظلم ويترمي عليا او على اي حد من اللي حواليا..الكدب الغش..واي كلمة تجرح او تمس كرامتي

مرسيه للاسئلة

جميلة ردودك أخت سمسم

عظيم جدا.... مليون تحية أحترام وتقدير ...

ولنا جولة أخري ....

اهلا سمسم

انا جيت معلش اتأخرت عليكي

ها نبدأ
بسم الله

1- ما هو طموح سمسم ؟؟
2- الهوايات التي تمارسينها يوميا؟؟؟
3- ما هي الشخصيه التي اثرت كثيرا في سمسم؟؟؟
4- ما هي الحكمه او المقوله التي ترددينها ؟؟؟
5- ما هي الزهره المفضله لكي؟؟؟
6- ما هي نظرتك للحياه ؟؟؟
7- هدف تسعين لتحقيقه حتي لو كلفك حياتك ؟؟؟
8- من هو قدوتك في الحياه ؟؟؟
9- ما سبب اعجابك بالفنان محمد فؤاد؟؟؟
10- هل لكي تجارب مطبخيه؟؟؟وما هي اكثر الاكلات بتطبخيها ؟؟؟ tongue

11- ايه السؤال اللي تتمنين من الأعضاء إنهم ما يسألوه ؟؟
يعني السؤال المحرج لكـ ..!!

اتمني تكون اسئلتي خفيفه Razz

انتظريني مره ثانيه

ما هو طموح سمسم ؟؟

عادي يااثماء طموح اي حد التوفيق في الدراسة وفي الحياه والصحة والهداية والحاجات العادية

الهوايات التي تمارسينها يوميا؟؟؟
هوايات..اممم لما برجع من الكلية برجع مشي..شفتي بمارس المشي اهو هههههه

ما هي الشخصيه التي اثرت كثيرا في سمسم؟؟؟

اكيد اهلي واي حد تاني له شخصية محترمة اكيد هتاثر فيا

- ما هي الحكمه او المقوله التي ترددينها ؟؟؟

ساعات ..لا حياه لمن تنادي..والطيور على اشكالها تقع

وفي جمل كده بقولها ان محدش يستهون بذكاء حد

- ما هي الزهره المفضله لكي؟؟؟

مش نوع معين كله حلو

ما هي نظرتك للحياه ؟؟؟
عادي مش هقولك فوشيا لا عادي نظرة عادية فيها حبة تفاؤل وحبة زهق وملل وتغير من نظرة لنظرة ومن حالة لحالة

- هدف تسعين لتحقيقه حتي لو كلفك حياتك ؟؟؟

انهاء دراستي وبعد كده كل حاجة ممكن تيجي لو في شغل هيكون والتوفيق بقى من عند ربنا

من هو قدوتك في الحياه ؟؟؟
اهلي

- ما سبب اعجابك بالفنان محمد فؤاد؟؟؟
انا بسمعه من وانا في 5 ابتدائي وحبيت اغانيه وسماعه

عشانه صوته حلو وفنه محترم وكليباته فيها معنى وحدوتة وحوار ماشي مع الكلمات والاغنية غير انه اول حد استعان بالاطفال في كليباته..ومقدمش مثلا حاجة فيها عري او اسفاف

وهو ماطلعش مثلا باسلوب يخدش حياء جمهوره ..فنه محترم

وبيحترم جمهوره

هل لكي تجارب مطبخيه؟؟؟وما هي اكثر الاكلات بتطبخيها ؟؟؟

هههههه لا ماليش كتير بس هي مرة جربت الملوخية تحت الاشراف طبعا وطلعت حلوة وعجبتهم

- ايه السؤال اللي تتمنين من الأعضاء إنهم ما يسألوه ؟؟
يعني السؤال المحرج لكـ ..!!
لا مفيش سؤال معين بس انتوا قايمين بالواجب اهو

مرثيه اثماء

هلا سمسمة جالسة في الكرسي أهلاً وسهلاُ

1- أكتر موقف زعلك الشهر داه؟
2- حاجة فرحتك بالعيد؟
3- أممممممم عملتي إيه بالعيدية؟
4- ممكن أعرف يعني أكلة ما بتحبيها؟
5- إيه رايك فيا يعني في كل حاجة ونصيحة عاوزة أسمعها منك حاجة ماعجبتك فيا؟
جاوبي بذمة وإلا مافيش سفر

1- أكتر موقف زعلك الشهر داه؟

كتير مواقف كتير زعلتني من مختلف الاشخاص عملوا معايا حركات مش لطيفة وكلام مش حلو

وكمان ناس مش بتقدر المجهود وبتضيع حقوق الناس

2- حاجة فرحتك بالعيد؟

مفيش جديد غير اني البوم محمد فؤاد نزل وقتها فرحت واقعدت اسمعه

3- أممممممم عملتي إيه بالعيدية؟

هههه ولا حاجة

4- ممكن أعرف يعني أكلة ما بتحبيها؟

سبانخ ...قلقاس..كوسة

5- إيه رايك فيا يعني في كل حاجة ونصيحة عاوزة أسمعها منك حاجة ماعجبتك فيا؟

انتي عثولة ولذوذة وطيبة وخجولة بس بتدي ثقتك واخلاصك لاي حد بتعرفيه

نصيحتي لكي خدي بالك من اللي حواليكي وماتديش ثقتك لحد مايستهلهاش

وماتنفخيش في بلونة مخرومة...لانها مش هتتنفخ وانتي زورك هيتعبك

تحياتي ريري

اهلا سمسمة
الغالية علينا كلنا
ههههههههه
جيتلك مرة تانية
وباسئلة تانية

1-ماهى اخر مشكلة افتعلتها سمسم؟
2-هل انتى من هواة العاب الكمبيوتر؟
3-شخص تحسين انه مزعج كثيرا؟
4-شخص تحترمينه بشدة؟
5-ماهى مواصفات فتى احلامك؟وهل هو موجود امامك ولا لا؟
6-هل انتى انانية؟
7-هل تحبين العمل؟ولماذا
8-مشتركة فى كام منتدى؟غير افندينا طبعا

دوكفاية لانى مش لاقى حاجة اللى قبلى سئلو كتييييير
ومافيش اسئلة فى دماغى دلوقتى
ولينا جلسة تانية اكون حضرت كام سؤال لو كدة

-ماهى اخر مشكلة افتعلتها سمسم؟

لا مفيش

2-هل انتى من هواة العاب الكمبيوتر؟

اه لما مش بلاقي حاجة اعملها بنزل العاب والعب

3-شخص تحسين انه مزعج كثيرا؟

لا مش حد بس هو اكيد اي حد بيحب يضايقني ويتسببلي في مشاكل

4-شخص تحترمينه بشدة؟

كل الناس اللي عرفتهم وعمرهم ماعملوا حاجة وحشة لا ليا ولا لغيري ولا ظلموا حد

5-ماهى مواصفات فتى احلامك؟وهل هو موجود امامك ولا لا؟

مش مواصفات يعني بالمعنى بس الحاجات العادية ,,محترم اخلاق متدين اللي لما يكره مايظلمش......

لا انا لسة مش دلوقتي بعد ماخلص الدراسة ربنا يسهل

6-هل انتى انانية؟

اناانية لا مافتكرش..

7-هل تحبين العمل؟ولماذا

هي فكرة العمل كعمل مفيدة ..بس انا لسة مش عارفة اذا كنت هشتغل ولا لا

8-مشتركة فى كام منتدى؟غير افندينا طبعا

اتنين واحد منهم اول واحد عرفته وهي كانت اول مرة ادخل نت واعرف مواقع ولسة لغاية دلوقتي شغالة فيه

وواحد تاني يعني لسة ببدا في شغل

غير كده بقى بيبقى المواقع اللي بترغم الواحد انه يشترك عشان ياخد حاجة منها فباخدها وامشي

بس كده

تحياتي

انا جيييييييييييت

دفعه تانيه من الاسئله
نبدأ
بسم الله

1- ايه نظام جدولك اليومي ؟؟؟
2- نوع الافلام والمسلسلات التي تفضليها ؟؟؟
3- ما هو افضل قسم في المنتدي لديك ؟؟ ولماذا ؟؟
4- ما هي وجبتك المفضله؟؟؟
5- ماذا يعني لكي اللون الازرق - الاحمر - الاصفر - الابيض ؟؟؟
6- ماذا تعني لكي الكلمات الاتيه :الحب -الصداقه - النجاح؟؟؟؟
7- هل تحبين المغامره ...اذا كانت الاجابه نعم .... لماذا؟؟؟؟

انتهت الاسئله
اتمني تكون اسئلتي خفيفه

ايه نظام جدولك اليومي ؟؟؟

عاد ي مفيهوش اي حاجة جديدة ...روتيني برضه

- نوع الافلام والمسلسلات التي تفضليها ؟؟؟

مش حاجة معينة كله شغال ويمكن انا مش متابعة افلام ومسلسلات اوي
زي مابتيجي بقعد شوية

ما هو افضل قسم في المنتدي لديك ؟؟ ولماذا ؟؟
بصي هو انا بحب اشتغل في الموضة والديكور والفكاهة والالعاب..ليه يعني بعرف اجبلهم حاجات
كتير حلوة ومختلفة

ما هي وجبتك المفضله؟؟؟
بطاطس محمرة

ماذا يعني لكي اللون الازرق - الاحمر - الاصفر - الابيض ؟؟؟
الازرق..اكتر لون بحبه لون هادي لون السما والبحر
الاحمر..يعني حلو ولون بيجذب النظر

الاصفر.. من لون الشمس يديكي احساس بالنور
الابيض...لون جميل وهادي وبيبرز الحاجات

ماذا تعني لكي الكلمات الاتيه :الحب -الصداقه - النجاح؟؟؟؟
الحب احلى حاجة...ومش شرط بين بنت وولد بين الاهل القرايب ..ولو ساد الدنيا يبقى احى ايام هنعيشها مفيش كره ولا حقد ولا شر ولا اذى

الصداقة...حاجة حلوة اوي وانا بقدرها اوي وبحب صاحباتي وليها معنى كبير في نفس كل شخص

النجاح ..احلى حاجة واجمل طعم والذ فرحة وياسلام لو نعيشها كل يوم

هل تحبين المغامره ...اذا كانت الاجابه نعم .... لماذا؟؟؟؟
لا مش اوي ومش اي حاجة ينفع المغامرة فيها

يلا يا سمسم
حضرى نفسك
نخش عالاسئلة

1-اسمك وسنك وعنوانك؟
2-ماهو سر ال 010 فى اسمك بالمنتدى؟
3-ماهو لونك المفضل؟
4-اى فصل من فصول السنة يجذبك اليه بشدة؟
5-هل تحبين العزلة ام تحبين الاجتماع مع الاخرين دائما؟؟
6-تقولى ايه لاحمد بمناسبة تعيينك مشرفة بالمنتدى؟ وايه رايك فى المنتدى بجد؟

كفاية كدة النهاردة
بس لينا لقاءات اخرى......

مبرووووووووووووك سمسمة تستاهلي كل خير والله المنتدى كسب مش عشان عارافها إنما بجد سمسمة إنسانة عظيمة والأيام حتثبتلكم

1- إيه الحاجة إلي تملكيها وما تقدري تستغني عنها؟
2- نقطة ضعف سمسمة؟
3- مثلك الأعلى ؟
4- لو رجعتي لزمن قديم تختاري أي عصر وليه؟
5- شخصية إجتماعية معروفة معجبة بيها؟وشخصية سياسية؟ودينية ؟وثقافية؟ وفنيه؟ ومع ذكر السبب؟

ومبروك ياسمسمة للمرة التانية

1-اسمك وسنك وعنوانك؟

يلهوي

اثمي..ثمثم

ثني 18

عنواني القاهرة..مدينة نصر

2-ماهو سر ال 010 فى اسمك بالمنتدى؟

هههههه لا هو انا المفروض بشترك بسمسم بس

في اغلب الاوقات بيبقى مشتركين بيه ناس تانين فبعمل اي حاجة ممكن تكون مش موجودة

وبعدين فودافون زي الفل...بعمل بالاعلان انا فودافون

3-ماهو لونك المفضل؟

الازرق بدرجاته

4-اى فصل من فصول السنة يجذبك اليه بشدة؟

الشتا

5-هل تحبين العزلة ام تحبين الاجتماع مع الاخرين دائما؟؟

انا طبعي انطوائية

بس مع اللي اعرفهم اجتماعية

6-تقولى ايه لاحمد بمناسبة تعيينك مشرفة بالمنتدى؟ وايه رايك فى المنتدى بجد؟

اقوله..مرسيييييييييييييييه كتير للثقة دي وانه اداني منصب الاشراف وان شاء الله اكون ادها واظبطكوا..المنتدى حلو ليه مستقبل فيه ناس كويسين وشغل جميل بس عايز دعايا اكتر عشان يتشهر اكتر ويبقى سيرتنا على كل لسان ...لالا سيرة المنتدى مش احنا

مرسيه ماتركث

ربنا يخليكي يااحلى ريري عالكلام الرقيق ده

1- إيه الحاجة إلي تملكيها وما تقدري تستغني عنها؟

كرامتي ومشاعري والصداقة..عيلتي....ولو حاجة حاجة بقى اي حاجة عندي مش بستغنى عنها

2- نقطة ضعف سمسمة؟

المشاكل بكرهها ..او اشوف حد يعيط ومتضايق...اني اشوف ظلم او غلط...كل دي واكيد في اكتر نقطة ضعفي..بتغاظ فيها ومابسكتش وممكن بعض المشاكل تضايقني لدرجة العياط

3- مثلك الأعلى ؟

اهلي

4- لو رجعتي لزمن قديم تختاري أي عصر وليه؟

اللي احنا فيه بس يبقى من غير كره وحقد ويبقى الشباب والبنات ليهم اهداف وطموح في الحياه

5- شخصية إجتماعية معروفة معجبة بيها؟وشخصية سياسية؟ودينية ؟وثقافية؟ وفنيه؟ ومع ذكر السبب؟

يلهوي.كل دول..مين دول....لالالا مابتكلمش عن حد غايب من وراه

مرسيه ريري الله يبارك فيكي

ايه يا جماعة
اللعبة وقفت ليه
انا ماعنديش اسئلة
يا ريت لو ماحدش عنده اسئلة تانية يقول عشان سمسم تقعد شخص بعدها على الكرسى

هو احنا لحقنا

ان لسه عارفه دلوقتي ان سمسم علي الكرسي

لازم اسئلها شويه

يالا يا سمسم

اسئله خفيفه كده بس علشان أبقي سألتك

1- من انتي يا سمسم؟

2- ما هي مواصفاتك في فتي أحلامك؟

3- ماذا تعني لكي الكلات الاتيه: البحر - القمر - النجوم - السكون .

4- ايه الشئ اللي عملتيه وبعدين ندمتي عليه؟

5- ما هي هواياتك؟

6- ماذا تتمني في هذه اللحظه؟

7- ايه الحاجات اللي مش عاجباكي في مصر ونفسك تتغير؟

8- اكثر مكان تحبي انك تروحين له واكثر مكان تحبي تسافرين له واكثر مكان سافرتي له؟

كفايه كده يا سمسم

هما خلصوا كل الاسئلة انا جبت شويه واتمني ميبقاش فيها حاجه مكرره.

ههههههههههههههههه

الموضوع من زمان

انا افتكرته اتقفل خلاص

انا داخلة بالصدفة

طويب نجاوب عشان زيزي مش تزعل

1- من انتي يا سمسم؟
انسانة بريئة خالص مش بتحب تزعل حد عدوة المشاكل
ومش بعرف اوصف كتير في نفسي فانتي قوليلي انا مين

2- ما هي مواصفاتك في فتي أحلامك؟
مواصفات عادية الطبيعية يعني
يكون كويس محترم ومتدين لما يحب يحب بجد
ولما يكره مايظلمش

3- ماذا تعني لكي الكلات الاتيه: البحر - القمر - النجوم - السكون .

البحر..روعة من روائع الطبيعة

القمر..الاضاءة بتاعة بالليل هههه اكيد حاجة حلوة

النجوم...حاجات صغنة بنشوفها بتلمع ."ده بعيدا عن النجوم اللي في عز الظهر"

""انتي مالك ومال السما يازيزي""

السكون..اوقات بيكون جميل وحلو ومحتاجينه واوقات بيكون مخيف

4- ايه الشئ اللي عملتيه وبعدين ندمتي عليه؟
هو انا في العادي بفكر كويس قبل مااعمل حاجة
بس ممكن اكون ندمت لاني عرفت ناس كتير طلعوا ولا حاجة
وحتى مايستحقوش المعرفة وده العادي واكيد حصلتلكوا

5- ما هي هواياتك؟
الرسم

6- ماذا تتمني في هذه اللحظه؟
التوفيق والهداية والسعادة والصحة ليا ولكل اللي اعرفهم

7- ايه الحاجات اللي مش عاجباكي في مصر ونفسك تتغير؟
التعليم والتاسيس في التعليم بعد كده اي حاجة بتترتب عليه
وبعدين
احم احم دي سياسة وانا مش بحب اتكلم عن حد مش موجود

8- اكثر مكان تحبي انك تروحين له واكثر مكان تحبي تسافرين له واكثر مكان سافرتي له؟
اكتر مكان احب اروحه ممكن يبقى مكان هادي او في حد من صاحباتي عيلتي

احب اسافر للبحر والشمس مفيش احلى من كده

اكتر مكان روحته السعودية

مرسيه ليكي شرفتي

ها فى اسئلة تانية
فات ييجى شهرين تلاتة وسمسم قاعدة لسة على الكرسى
يلا بقى لو حد عنده اسئلة يقولها عشان سمسم تقعد اى حد تانى

اه والله ياريهام عندك حق

» كرسى الاعتراف ومع تالت متهم اووووووووووووزة
» كرسى الاعتراف ومع تانى متهم سم سم الجامدة اوىىىى ليلتك عسل يا عسل هههههههه