كرسى الاعتراف والمتهم الاول احمد الادمن

من الاخر اللعبة دى تودى الى بيلعبها فى داهية هههههههه
اللعبة عبارة عن مجموعة اسئلة توجة لشخص نختارة ويسئلهالة كل اعضاء المنتدى بهدف اننا نعرف بعض اكتر من الاخر هبدا بالراس الكبيرة احمد
السؤال الاول الاسم الحقيقى
التانى مكان ومحل الميلاد من الاخر قول الى فى البطاقة
الثالث لية دايما متحيز للرجال
الرابع هل حبيت قبل كدة ودة اختيارى لو مش عايز تقول براحتك
الخامس رايك فى كل واحد فينا هنا بالمنتدى وبدون مجاملات
الساد س رايك فى حياتك وهل راضى عنها
السابع هل انت انسان سوى خالى من الاخطاء

بس كدة حرام عليا يلا يا بوص جاوب بقى وربنا يعينك فى باقى الناس الى هتسالك ههههههههه

ااااااااااااااااااه
ابتدينا
ولا يهمك يا لولا بس ليكى يوم

اقتباس :: السؤال الاول الاسم الحقيقى

عاوزاه كامل ولا رباعى ولا ايه
عالعموم
أحمد حمدى عبد العزيز.

اقتباس :: التانى مكان ومحل الميلاد من الاخر قول الى فى البطاقة

انتى حتبلغى عنى ولا ايه
لالالالا
مش حينفع الكلام ده
وعاوزه الرقم القومى ولا لا
ههههههههههههههههههههههههههههههههه

انا من دمنهور/البحيرة
ذكر/مسلم/اعذب بدور على عروسة
ههههههههههههههههههههههههههه
حاصل على بكالوريوس زراعه
مواليد8/8/1987
عاوزه حاجة كمان

اقتباس :: الثالث لية دايما متحيز للرجال

مش النظرية انى متحيز للرجال
انا عمرى مكنت متحيز لجنس ولا لون بالعكس انا بحترم المراه جدا
بس اللى بيغيظنى ان المراه بتقول عاوزين ناخد حقوقنا
حقوق ايه اكتر من اللى هما واخدينها
داحنا الى عاوزين ناخد حقوقنا
فممكن تقولى بدافع عن الرجالة
بس لو انتى معتبراها تحيز دى وجهة نظر
وانا بحترم وجهة نظرك

اقتباس :: الرابع هل حبيت قبل كدة ودة اختيارى لو مش عايز تقول براحتك

بصى مفيش حد محبش
دى اجابتى ويارب تكون كافية

اقتباس :: الخامس رايك فى كل واحد فينا هنا بالمنتدى وبدون مجاملات

انا عمرى مبجامل على فكرة
بس بجد انتوا احسن اصحاب واخوات ليا
انا مش بقعد احكى لخويا على حاجة او اتناقش معاه فى حاجة زى مابقعد معاكو
يمكن علاقتى باخويا محدوده لانى مش بشوفة كتيييير
بجد انا بحترمك جدا يا لولا
واوزه واسماء وتيتو وسمسمه وكل واحد او واحده عرفتهم هنا
بجد انتوا مكانكوا كبير اوى عندى
ويمكن انا علاقتى شبة منقطعه عن زمايلى اللى فى الكلية
يادوب ميسدات او مكالمة مبتكمش دقيقتين على بعض نطمن فيها على بعض
انما انا معاكم هنا مش بزهق خالص
بجد ونفسى الصداقة دى متنقطعش خالص

اقتباس :: الساد س رايك فى حياتك وهل راضى عنها

الحمدلله يا لولا راضى

اقتباس :: السابع هل انت انسان سوى خالى من الاخطاء

مفيش حد خالى من الاخطاء
كلنا بنغلط ونتوب عن الغلط ده
مفيش انسان سور لان احنا بشر
مش رسل ولا انبياء
وعمرك ماحتلاقى انسان سوى خالى من الاخطاء

يارب اكون جاوبت الاجابة الكافية يا لولا
ولو عندك اسئلة تانية هاتى
بس كلة ع النوتة
هههههههههههههههههههههههههههه

ههههههههههههه موضوع حلو اوى يا لولو
بس عاوزه افهم هو كلنا هنسئل احمد يعنى ولا ايه اللى المفروض يحصل ناو
على العموم تقبلى مرورى و ليا عوده

هههههههه

هيتفرم المثيو

معلش بقى

خد كابتشينو قبل منبدا في الهرس

1- منين جتلك فكرة اك تعمل افاندينا؟ وايه كان طموحك او احلامك لما عملته؟
2- مين اللي لما تلاقي اسمه او اسمها على موضوع لازم تشوفه؟
3- مين اكتر حد بتحس بغيابه في المنتدى لما يغيب؟
4- ايه الوانك المفضلة ؟مين اكتر مطرب بتحبه وبتسمعله من الرجالة والستات؟
5- معاك 3 وردات اديهم لحد هنا و3 وردات لاي حد من برة ؟
6- موقف حلو مريت بيه؟ وموقف محرج اتعرضتله؟

كفاية كده

انا كدة اكتفيت من الاسئلة لاحمد والحقيقة جاوب وبدون اى فواصل وشكرا لية جدا لانة استجاب وعلى فكرة الوقتى من حق اى حد فى المنتدى انة يسال احمد وواضح انة هيستوى اللة يكون فى عونك يا احمد واللة ربنا معاك cheers

على فكرة اسئلتى كانت خفيفة عليك بس منكرش انا الى فتحت عليك البوابة دى هههههههههه
يلا اعضاء افندينا ظبطوا احمد

انتى داخلة شمال كده يا سمسمه
بس يلا مش مشكلة

اقتباس :

1- منين جتلك فكرة اك تعمل افاندينا؟ وايه كان طموحك او احلامك لما عملته؟

والله هو انا كنت مشترك فى منتديات كتير
وعجبتنى الفكرة انه بيجمع ناس من اماكن كتير
ممكن يكونوا عارفين بعض وممكن لا
وكان نفسى اعمل حاجة كده
بس لما جيت اعمل المنتدى كل حاجة جات بالصدفة
عملتله اشهار على جوجل والياهو واكتر من موقع بحث
وكان حلمى انى اكون صداقات وانى اقدم حاجات ممكن غيرى يستفيد منها والعكس طبعا

اقتباس :

2- مين اللي لما تلاقي اسمه او اسمها على موضوع لازم تشوفه؟

محدش يزعل لو ملاقاش اسمة
طبعا بحب مواضيعك اوى يا سمسمه
ولولا بحب كلامها فى الشعر والنقاش
واوزه فى النقاش

اقتباس :

3- مين اكتر حد بتحس بغيابه في المنتدى لما يغيب؟

والله يا سمسمة لما حد بيغيب ببقى حاسس ان فية حاجة ناقصة فى المنتدى
بس السؤال ده صعب اوى لانى مش قادر احدد حد معين
لانى بجد لما حد بيغيب بحس ان المنتدى فاضى وانا لوحدى
بتمنى ان كلكوا مش تغيبوا علية خالص
بس كل واحد عنده ظروفة اللى محدش يقدر يمنعها
بجد بحبكوا اوى

اقتباس :

4- ايه الوانك المفضلة ؟مين اكتر مطرب بتحبه وبتسمعله من الرجالة والستات؟

الوانى المفضلة الاحمر الهادى مش الفاقع والسماوى والابيض
واحيانا الاسود لما بيتحدد بيه حاجة مش الاسود عامه

اكتر مطرب بسمعله هما اكتر من واحد
اولهم الكينج عمرو دياب طبعا
وفؤش
مطربة
طبعا شيرين
اليسا واصالة

اقتباس :

5- معاك 3 وردات اديهم لحد هنا و3 وردات لاي حد من برة ؟

التلت وردات اللى بره
واحده لست الحبايب
والله انا كنت عاوز اديلها التلاتة
وواحد لوالدى ربنا يخليهولى
وواحده باه لحبيبى اللى لسة ملاقتهوش

اللى هنا باه
واحده لاوزه
واحده للولا مع انها هى اللى حططنى فى الموقف ده
بس اصبرى يا لولا
وواحده لتيتو حبيب قلبى الى مشوفتوش من اول الشهر ده خالص
مع انى كنت ببقى معاه كل يوم ايام التمرين

اقتباس :

6- موقف حلو مريت بيه؟ وموقف محرج اتعرضتله؟

والله انا مش فكر موقف حلو غير انى اتخرجت م الكلية
هههههههههههههههههههههههههههههه
اوعدك لما افتكر حاجة حلوة او تحصلى حاجة حلوة اقولهالك على طول

الموقف المحرج باه
وانا فى الكلية كنت بسال واحد على مكان حاجة كان تقريبا المعمل فبيقولى هناك
فانا بشاورلة اقولة هناك
صبعى دخل فى عين واحد م الحرس
بس جات سليمة الحمدلله
وبقينا احنا والحكومة حبايب
قصدى احنا والحرس
هههههههههههههههههههههههه

اسئلتك صعبة اوى ومحرجة كمان
محدش يزعل لو مكنتش قولت اسمة فى حاجة من اللى فاتت
انا عاوزكوا تعرفوا حاجة واحده بس
انى بجد بحبكوا اوى
انتوا بجد احلى اخوات واحلى اصحاب ممكن الواحد يقابلهم فى حياتة

انت كمان راجل جدع و محترم و كلنا بنحبك و بنحترمك يا احمد
اولا ميرسى على الورده ههههههههه
ثانيا الاسئله يا حلووووووووو
ههههههههههههه
1-انت سعيد بنسبة كام%؟
2-اية اكتر حاجة بتزعلك؟
3-كتر حاجة قلقاك؟
4-تقول لمين اسف؟
5-موصفات حياتك اللى بتتمناها ؟
6-طموحاتك الجايه هى ايه و حدودها لحد فين؟
7-حاجه حلمت بيها و لسه متحققتش؟
يا رب مكونش تقلت عليك بس انا طبيعى مبعرفش اسئل اوى يعنى انت و حظك بقا
ههههههههههههههههههه

اجابات حلوة وقوية وحلو الموقف هههههه

بس ماتقلقش هزورك كتير ههههههه

ومرسيه وبما انك بتحب المواضيع هوجعلك دماغك بالمواضيع ههههه

شمال ليه ده انا حتى جبتلك كابتشينو ماشربتوش ليه هو وحش ولا ايه

اسئلة صعبة اه امال هو هرس ليه هههههه وبعدين زمان دي كانت هوايتي ايام المرحوم

كان كل ماحد يقعد لازم يتفرررررررررررررررررررم هههههههه واقعد افنن بقى تاليف على سرقة من برة كده يعني هههه

- ايه اكلتك اللي بتحبها ولما تعرف انها موجودة بتكون اول الزوار عالكرسي والطبق؟
-هدية جت من حد وكانت احلى هدية ايه هي.؟ لو فتحت الباب ولقيت هدية تتمنى تكون ايه ومن مين؟
-حكمة او مثل بتحب تردده كتيرايه هو؟؟ كلمة لازمة ليك بتقولها كتير يعني ايه هي؟
-كل واحد فينا كان هنا عضو جدييييد بالسوليفان وبعدين دخل حط اي حاجة تقيمك ايه لكل واحد وهو جديد وبناءا على ايه كان بيبقى مشرف بيترقى عامة ..؟
-هل بتثق في اللي حواليك بسرعة ولا بتاخد وقت؟
-هل عندك القدرة انك تسامح كتير ولا ليك حد معين ولو ليك حد معين اد ايه كده يعني ممكن تسامح لغاية كام مشكلة تقريبا لشخص ما؟
-لو اتضايقت بتشكي لمين من برة ومن هنا؟
-ايه الاماكن اللي بتحب تروحها..وبتحب تروحها كتير...وايه المصيف اللي بتحبه ؟

احم احم
هو انا افتريت ولا ايه ههههههه لالا كفاية كده حرام برضه
خد ايس كريم بقى يطري الموضوع شوية
وماتنساش انا بايتة في الموضوع ده

اولا شكرا لكلامك الجميل دة ثانيا ربنا معاك ثالثا انا مليش دعوة بقى بلا تستحلفلى كدة هما الى بيسالوا انا قلتلك انى مش هسال هههههههههههه ربنا معااااااك ههه وشكرا تانى لكلامك الجميل بجد رائع

هههههههههههههههههههههههههههه
ماشى يا اوزه

اقتباس :: 1-انت سعيد بنسبة كام%؟

يعنى حوالى 60%
ودى نسبة كويسة جدا

اقتباس :: 2-اية اكتر حاجة بتزعلك؟

التجرح سواء حد جرحنى
او سمعت حد بيجرح فى حد
مش بيعورة يعنى
هههههههههههههههههههههه
اكيد انتى فاهمة قصدى

اقتباس :: 3-كتر حاجة قلقاك؟

المستقبل

اقتباس :: 4-تقول لمين اسف؟

لكل خاين وغدار

اقتباس :: 5-موصفات حياتك اللى بتتمناها ؟

بتمنى ان حياتى يبقى فيها الستر
الاقى شريكة حياتى اللى بتمناها

اقتباس :: 6-طموحاتك الجايه هى ايه و حدودها لحد فين؟

والله طموحاتى مالهاش حدود
بس نفسى الاقى وظيفه حلوة
طبعا ده كل اللى بيحلم بيه اى شاب
انى ابقى مجتهد جدا فى الشغل

اقتباس :: 7-حاجه حلمت بيها و لسه متحققتش؟

انى اطلع م البلد دى
هههههههههههههههههههه

هههههههههههههههههههههههههههه
ربنا معاك يا احمد
بس اشتريلك لاب توب الاول عشان تبقى تدخل المنتدى لما تسافر
رد الاول على اسئله سمسمه و ليا عوده

اقتباس :

- ايه اكلتك اللي بتحبها ولما تعرف انها موجودة بتكون اول الزوار عالكرسي والطبق؟

الحمام المحشى
والمكرونة بالبشاميل

اقتباس :

-هدية جت من حد وكانت احلى هدية ايه هي.؟ لو فتحت الباب ولقيت هدية تتمنى تكون ايه ومن مين؟

ساعه
اتمنى تكون قلب من انسانه لسة ملاقيتهاش

اقتباس :

-حكمة او مثل بتحب تردده كتيرايه هو؟؟ كلمة لازمة ليك بتقولها كتير يعني ايه هي؟

اكتر كلمة بكررها دلوقت ياراجل

المثل اللى حبيتة وبكررة الفترة دى
انت تعرف فلان
ايوه اعرفة
عاشرته
لا
يبقى ماتعرفوش
المثل ده بجد جميل جدااااااااااا

اقتباس :: -كل واحد فينا كان هنا عضو جدييييد بالسوليفان وبعدين دخل حط اي حاجة تقيمك ايه لكل واحد وهو جديد وبناءا على ايه كان
بيبقى مشرف بيترقى عامة ..؟

don't understand

اقتباس :

-هل بتثق في اللي حواليك بسرعة ولا بتاخد وقت؟

والله فى ظل الايام السودا اللى احنا فيها دى
بقى م الصعب اوى ان اثق فى حد بسرعه
يمكن كنت زمان بثق فى الناي من اول تعامل
بس دلوقت نوووووووو

اقتباس :: -هل عندك القدرة انك تسامح كتير ولا ليك حد معين ولو ليك حد معين اد ايه كده يعني ممكن تسامح لغاية كام مشكلة تقريبا لشخص ما؟

لا بصراحة معنديش القدرة على كده
ممكن تكون 3 مرات اكتر حاجة اتحملها
لانه كده اثبت فشلة انه يتغير

اقتباس :

-لو اتضايقت بتشكي لمين من برة ومن هنا؟

لو اتضايقت بشكى لاصدقائى المقربين اوى اللى هم من ايام الاعدادى والثانوى
هنا طبعا بسيح لنفسى عشان استريح من جوايا

اقتباس :: -ايه الاماكن اللي بتحب تروحها..وبتحب تروحها كتير...وايه المصيف اللي بتحبه ؟

انا لما اخرج فى البلد هنا فى دمنهور بحب اروح ع الكورنيش
وبحب انزل اسكندرية طبعا
انا مش بحب اصيف
انا ممكن اعتبرها خروجه عادية
بس بنزلها مع زمايلى

ههههههههههههه

سيح براحتك ماتقلقش

في السماح انا كده برضه اخري 3 مرات وتصل الى عدم التعامل بعدها

قصدي في السؤال اننا كنا اعضاء جداد هنا ايه رايك فينا اول مادخلنا وكنا جداد وبناءا على ايه بقينا مشرفين كده يعني

بس اجاباتك حلوة كتييييييييير

ولسة هجيلك تاني بس مش دلوقتي

تحياتي ليك

اللة يا بوص انت صعبت عليا بصراحة يا جماعة بكرة وهنقوم احمد من على كرسى الاعتراف كفاية علية الراجل استوى
بس متقلقوش فى حد كان هارى احمد بالاسئلة حضرى نفسك يا قطة انتى المرتقبة
ههههههه بالشفا يا سم سم هههه
ربنا معاكى قريبا

ههههههههههههههههههه
ياجمااااااااااااااااااله

انااااااااااااااااااااا

انتوا مين انا مين فين ليه ازاي امتى

احم احم سمسمه اهلا وسهلا بيكى فى الكرسى
اسئله بقا
1- ايه هى امنيه حياتك اللى نفسك تتحقق؟
2- ميناكتر انسان فى الدنيا بتعزيه و له مكانه خاصه عندك؟
3- هل استعطتى انك تلاقى الصديق الحقيقى اللى متقدريش الاستغناء عنه او عندها يعنى اقصد؟
4- مين الانسان اللى انتى مدينه له باعتراز؟
5- بتحبى المنتدى بنسبه كام %؟
6- شايفه فى شخصيتك عيوب ؟ طب ايه هى ؟
كفايه كده
نكمل وقت لاحق بقا

هههههههههه
داخلة حامية انتي Razz

اهلا بيكي على فكرة دي تاني مرة اقعد عالكرسي بس كان عندي 18 المرة دي وانا 20 Very Happy

بس تمام اتغير كتير وبقى مريح اهو Cool

استعنا عالشقا بالله

- ايه هى امنيه حياتك اللى نفسك تتحقق؟
هي مش حاجة واحدة هي حاجات كتير اكيد منهم النجاح واعدي السنة على خير وبعد كده اللي فيه الخير يقدمه ربنا لو في شغل واقدر عليه يبقى تمام واكيد بحلم بمستقبل كويس

2- مين اكتر انسان فى الدنيا بتعزيه و له مكانه خاصه عندك؟
مش حد معين والله يااوزة بس ممكن اهلي واصحابي وكل اللي عارفاهم ولسة بتعامل معاهم ومحترمين بقدرهم اوي

3- هل استعطتى انك تلاقى الصديق الحقيقى اللى متقدريش الاستغناء عنه او عندها يعنى اقصد؟
اه الحمدلله قدرت في من ايام المدرسة كذا واحدة منهم اتنين انتيخ اقصد انتيم يعني Very Happy

والكلية في برضه ناس كويسين اوي فيهم جدعنة وطيبة تلاقيهم وقت الزنقة وبقدرهم اوي وبحترمهم

4- مين الانسان اللى انتى مدينه له باعتراز؟
ماعتقدش اني في حد انا مدينة له باعتذار لاني الحمدلله باخد بالي من كلامي وتصرفاتي عشان ماجرحش ولا ازعل حد فغالبا مازعلتش حد عشان اعتذرله

5- بتحبى المنتدى بنسبه كام %؟
99 ونص % Wink

اوي اوي اوي يااوزة

6- شايفه فى شخصيتك عيوب ؟ طب ايه هى ؟
اكيد كل واحد ليه عيوبه انا اعتقد اني بتعصب واتنرفز بسرعة مع اني في العادي هادية بس لو حصلت حاجة اتنرفز بسرعة اوي مش بغلط لما اتنرفز بس يعني هو مش عيب اوي اوي يعني لاني بتعصب عالحاجات اللي تستاهل مش لله في لله ولو حد شايف حاجة يقولهالي silent

مرسيه كتيييييييير اوزة نورتيني الحبة دول

ميرسى ليكى كتير يا سمسمه يا عسوله
ردودك حلوه اوى ربنا يخليكى لينا
و رجعالك تانى متخافيش ههههههههههههه

طيب هو كده كرسي الادمن خلص فلو الادمن حابب يرد

يرد ويقفله لو حابب برضه

وانا بتفرم في كرسي اللي جنبه في موضوع تاني

سمسم
يلا بقى عشان فى شوية اسئلة حلوين كدة محضرهوملك
منورة والله
واحد سحلب براد يابنى وضبطه
اتفضلى استريحى كدة وخدى شوية الاسئلة دول

1-من هى سمسم؟
2-ايه اكتر حاجة عجباكى فى المنتدى؟
3-ايه اكتر اكله بتحبيها واكتر اكله مش بتحبيها؟
4-ايه اكتر حاجة بتكرهيها وبتخنقط واكتر حاجة بتحبيها؟
5ايه الشخصية اللى اثرت فيكى؟ولا مافيش؟
6-ايه اكتر موقف وحش اتحطيتى فيه ؟
7-ايه اكتر حاجة بتكرهيها فى الشخص اللى بيبقى واقف قدامك؟

كدة كفاية دلوقتى
وردى كدة وانا هحضرلك شوية كمان

يا ى كابتن احمد وعادت براكش للاسئلة ها يا بوص
من انت
يا ترى لو سافرت هتستحمل
ما مدى قوة تحملك للاشخاص
اعطى لكا عضو بالمنتدى صفة مكونة من كلمة وحدة
اكتر شخصية اعجبت بيها ف حياتك
يا ترى معنى الحب عند احمد اية ودة اختيارى يعنى
من هو الشخص الى بتاعبع دائما مواضيعة هنا
كلمة تهديها لمين ولية
لو قالولك سام حد جرحك اوى هتسامح
لو عارف انك غلطان هتعتذر
اية اكتر حاجة بتحبها ف ى حياتك واكتر حاجة بتكرها

يا ترى لو سافرت هتستحمل

اكيد طبعا
لان البلد دى
محدش يقدر يعمل فيها حاجة

ما مدى قوة
تحملك للاشخاص

والله يا
لولو كل واحد حسب شخصيته

اعطى لكا عضو
بالمنتدى صفة مكونة من كلمة وحدة
سمسمه :
مرحه
اسماء :عاقله
لولو : الوفاء
اوزه : الطيبه
زيزي : الخلق
الحسن
تيتو :الرجوله
محمد : الغائب

طبعا كلكوا بجد
ليكوا مكانه جامده اوى عندى

وبحبكوا كلكوا

اكتر شخصية
اعجبت بيها ف حياتك

والدى ربنا
يخليهولى يارب

يا ترى معنى
الحب عند احمد اية
ودة اختيارى يعنى

والله
الحب هو ان اتنين يكوانوا فاهمين بعض كويس اوى
يستحملوا بعض ويشيلوا
بعض وقت الشده
ان المشاعر
اللى بينهم ماتبقاش اسمها حب وبس
لا لازم يكون
فى تواصل فى الفكر
يعنى بصى يبقوا
فاهمين بعض
هو انا مش عارف
اوصلهالكم زى ما اتكلم بيها

من هو الشخص الى بتاعبع دائما مواضيعة هنا

انا جاوبت على السؤال ده مره

بس عشان خاطرك نقول كمان
سمسمه ولولو واوزه

كلمة تهديها
لمين ولية
عتاب لواحد
صاحبى
لانه من بعد
الكليه مبقاش يسال

لو قالولك سام
حد جرحك اوى هتسامح

هم
مين اللى قالولى
يعرفونى منين
هم عشان يقولولى
والله لو اللى
قالى ده حد قريب منى اوى ممكن اسامح
بس العلاقه مش
حترجع زى الاول طبعا

لو عارف انك
غلطان هتعتذر

لو انا اللى
غلطان اكيد حعتذر
انما انا لو
على حق
والله لو جبتوا
مين
عمرى
واسالى عنى
محمد

اية اكتر حاجة
بتحبها ف ى حياتك
واكتر حاجة بتكرها

اكتر حاجه
بحبها فى حياتى الصدداقه القويه

واكتر حاجه بكرهها

الخيانه

مرسيه عاللقب
وكمان مرسيه عالمتابعة الجامدة لمواضيعي

الخيانه..

الصداقه..

الحب..

الحياه..

الكدب..

الراحه..

الوداع..

معاك طلقه رصاص تضربها على مييييييييييييييييين؟

لديك 5 وردات لمن تهديها ؟

اكتر شخصيه مشهوره اثرت فيك ؟

اذا جيت تكلم بالموبايل تستخدم الايد اليمين ولا الشمال؟

مــــــــاهــو اكــــتر شـــئ او تصرف يضيقـــك من اعز اصــــدقائــك ؟

نعمة من عند ربنا ومحستش بقيمتها الا من وقت قليل؟

يو ويلكم يا قمر
ده اقل حاجه ممكن اقولها

بس بصى معلش
انا حجاوب على الاسئله بكره ان شاء الله
لانى والله مش مركز خالص
مش عارف مرة واحده كده صدعت
ومش قادر

ولا يهمك

في الوقت اللي يريحك