الزواج العرفى مشكلة جيل الشباب الحالى

هذة المشكلة اثارها شخص فى نقاش حاد بينى وبينة زميل دراسى ولكنة مدرس ويكمل دراستة بكليتنا اكتشف فى النهاية اننى على صواب واعترف بوجهة نظرى بان وجهة نظرى سليمة هذا الشخص رجل ناضج ولكنة مزواج شاب لم يكمل لعقد الثالث من عمرة تزوج لاكثر من 6 مرات تقريبا ويفخر بذلك ولكنة يعترف انة السبب وان بنات الجيل ايضا السبب واستهتار البنات واهلها اعترف لى ان ذلك افشى ظاهرى الزواج العرفى رغم اننى اعتقد ان حاليا اصبح هناك توعية وان تلك الظاهرة تكاد تكون منقرضة اكتشفت انها تفشت اكثر وبكثرة موحشة والمشكلة ان البنت هى من يطلب ذلك الزواج تحت مسمى زواج شرعى ناقشنى هذا الشاب وقد احترمت وجهة نظرة لانة شخص شجاع يعترف بالاخطاءة ويقر انة دائما ما يكون الغلط منة وان الفتيات الذى تزوجهم وطلقهم ماساة جيل وانة شاب عادى يحفظ الكلمات المعسولة ويتناقلها بين كل البنات الى يلفتون نظرة واعجابة اصريت ان اطرح عليكم هذا الموضوع لانة ليش مجرد مشكلة بل مصيبة اعترف هذا الشاب انة تزوج رسميا فقط ثلاث مرات لاغير وباقى زيجاتة كانت زيجات عرفية ويعترف ان هؤلاء الفتيات يعانون من الانحلال وعدم الاستقرار الاجتماعى ايتها الفتاة المسلمة اطرح عليكى سؤال يفرض نفسة لماذا تسمحى ان يقول عليكى شاب مثل هذة الكلمات دعوة لكل اب ولا ام واسرة سوف تقرا كلماتى هذة لا تساعدوا على انحلال مجتمعنا كونوا قدوة لاولا دكم كونوا نبعا للدفء الاسرى عفوا اخوانى ولكنها مشكلة طرحت نفسها وجدتها ملقاة على جانب الطريق اخرجها للنور واود مناقشتها معكم ارجو منكم مشاركة بالاراء والمناقشة الحادة لنسعى الى حلول لتلك المشكلة للطرفين الشباب والفتيات

معلش يا لولا
هو العيب فيه
تقريبا ده كده عنده حاله نفسيه ولا ايه
مفيش انسان طبيعى كده
ده اكيد بجانب الانحلال الاخلاقى اللى وصله لمجتمع دلوقت
انا مش حنكر ده
بس الجانب الاكبر من المشكله فيه هو
تقبلى مرورى يا لولا

واللة عندك حق يا احمد بس الجميل الى عجبنى بقى انة معترف بالعيب الى فية وبياكد انة بيحاول يصلحة الحقيقة الموضوع الى تناقشنا فية دة موضوع مهم شديت معاة بالحديث عشان اثبتلة وجهة نظرى وفى الاخر اقتنع فى النهاية هو حالة من ضمن حلات كتير ممكن يكونوا زية او اختلاف حاجات معينة
بس بردة مش فاهم انت قصدى انا قصدى من عرض الحالة دى انة اكتشاف المشكلة ومناقشتها المشكلة مش هو لوحدة المشكلة هو الموضوع الزواج العرفى انا كنت فاكرة خلاص انة انتهى لقيتة لسة موجود طب لية اية ناقصنا نقول اسرة وبتاع وتربية اة اوك بساحنا ربنا خلقلنا عقل ومقومات كتير بحياتنا ممكن نستغلها لصالحنا فى الصح ونبعد عن الغلط فى النهاية الشخصيات تتفاوت وكل واحد مش زى التانى الف شكر يا احمد على ردك مشاركة جامدة منك وراى صائب يسلموو

هو الاساس اصلا فى المشكله ايه
ان الشاب والبنت اللى بيحبوا بعض
بيبقوا لسه متخرجين وانتى عارفه الاسعار مولعه دلوقت
فبيستسهلوا ويسترخصوا
ييجوا جايين ضاربين ورقه عرفى
وانا معتقدش بالطريقة دى ان هم كده بيحبوا بعض
لانه لو بيحبها حيضحى بكل حاجه
عشان يبقى مع بعض بس فى الحلال طبعا
لان معرف ان الجواز العرفى محرم
لانه يجهل جانب الاشهار من الاساس

وبعدين باه نييجى على البيت
طبعا لو كل ام صاحبت بنتها
ومكانتش معقداها معاها فى النقاش
اكيد كل بنت حتتعامل مع مامتها بالطريقة دى
انهم يكونوا اصدقاء مش ام وبنتها
اكيد ده طبعا بيقربهم من بعض
فتحكيلها على كل حاجة
انما احنا الامهات مع بناتها ولا كانهم فى الجيش مفيش نقاش
الا فى بعض الاسر طبعا
لان لكل قاعد شواذ

والاب اكيد ليه دور
لزم يكون صديق الابن

ده رايي مش عارف باه انتى متفقه معايا ولا لا

بس بحييكى على الموضوع

اولا انا بحترم راى احمد جدا و رايك انتى كمان يا لولو
تانيا انا بقا عندى كلمتين ممكن نعتبرهم هما اساس المشكله الاحساس بالفراغ احنا طول الوقت همنا فى الحياه ازاى نضيع الوقت حتى اللى ربنا هديه و بيفكر صح بردك طول عمره عاوز يعرف ايه هدفه و لما ربنا يكرمه و يوصل لهدفه ممكن يفق و ميعرفش يعمل حاجه
بعد الاهل عن ابنائهم اللى مسافرين فى الخارج و سيبين اولادهم و بناتهم هنا و اللى اعدين مع اولادهم تحت سقف واحد و كل اللى يعرفوه عنهم اساميهم مش معقول الوحده اللى احنا بقينتا فيها دا غير طبعا المشكله الاكبر
تطلع مثلا مشكله زى الجواز العرفى دا و نعمل هوليله و نقول الايدز هيتنقل و البتاع مش عارفه ايه الحملات تقوم و بعد فتره متعديش سنه او اتنين تاعد تانى بقا دا كلام بردك مهو لازم نتابع المشكله بمراحلها مش ناعد نرسم فى احلام و هنجوزكوا و الحاجه هترخص عشان الاهالى يوافقوا على جواز الاولاد
ههههههههههه يا سلام مهم بيتجوزوا و ابوها هو اللى بياكلهم يا فرحت قلبى
احنا عندنا مشاكل كتير فعلا فى مجتمعنا زينا زى اى مجتمع فى اى عصر بس المهم ان اراءنا دا هى اللى هتشكل الجيل الجاى
احنا مش بنبص لقدام احنا للاسف بنبص للى فات و اللى تحت رجلنا
ربنا يستر علينا و على اولادنا اللى الله اعلم هيجوا ولا نووووووووو
ميرسى لولو على عرضك للموضوع

بصي يا لولا انا في الاول عايزه اقولك علي حاجه مهمه قوي قوي قوي والله نصيحه لوجه الله من اخت لا تعرفك ولا تعرفيها لا شكلا ولا اسما حتي ابعدي عن الزميل ده نهائي ولا تتناقشي معاه اساسا دي اولا مش عارفه هتقبليها ولا لا بس انا قلتلك هي نصيحه لوجه الله ثانيه الجواز العرفي ده بيكون في طبعات معينه يا اما الاغنياء اللي حالتهم مش بتبقي مستقره عائليه يا اما في المستويات المدتنيه اخلاقيا غير كده انا بعتبره ابتلاء للاب والام والبنت
وبالنسبه للبنت اللي بتعمل حاجه زي دي مفيش حاجه اسمها بقي مفيش حوار ما بين الام وبنتها علي ما اعتقد في الموضوع ده يمكن بنات اليومين دول عارفين اكتر من امهاتهم ووسائل الاعلام ربنا يهدها طبعا معرفاهم كل حاجه بس الوحشه قبل الحلوه بس اهي احيانا بتجيب حاجات كويسه مش عارفه قدرت اوصلك انا عايزه اقول ايه ولا لا دايما عندي مشكله في التعبير بالكتابه فقط
وأخيرا الله خير حافظ وهو أرحم الراحمين
واحفظ الله يحفظك
وربنا يحفظنا واياكم وجميع بنات المسلمين يارب

انا اتفق معاك يا احمد طبعا كلامك صحيح مية بالمية لخصت الموضوع فى كام سطر وانتى كمان اوزة كلامك مهم المفروض يكون فى متابعة المفروض يكون فى نقاش وحوار وشد وجذب لكن تقولى لمين بالنسبة ليكى يا زى زى نصيحتك اشكرك عليها مقبولة طبعا ومتقلقيش عليا انا بعرف اخد الحاجة الى تفدنى والحاجة الى مش كويسة ببعد عنها الحمد للة عندى زمايل شباب كتير بالكلية لكن علاقتى بيهم فى حدود والحمد للة انهم بيشهدولى عن كل البنات حتى زمايلى البنات الى دايما ببقى معاهم انى مختلفة عنهم حتى بطريقة التعامل انا بتعامل فى حدود زمالة والاستفادة من شخص ممكن يكون معرفتة اكبر منى فى النهاية خارج حدود الكلية ولا اعرف حد فيهم لتبع اسلوب الندالة هههه مع البنات لا طبعا دول بنات يعنى انا بس قلت اثير الموضوع لما لقيتة واقعى ووجد حالة قلقت وكان لازم نتبادل الاراء وبالذات معاكوا انتوا شكرا ليكوا يا جماعة لكل من ابدى اهتما م للموضوع اشكرة واحب اوضح انة مش اهتمام لكلام انا كاتباة ممكن يكون مهم شوية دة اهتمام بقضية جيل كامل والجيل دة هو جيلنا للاسف فى النهاية اللهم احفظنا ويسر امرنا وكن لنا عونا دائما فى حياتنا شكرا اخواتى لمشاركتكم العطرة