من 1ل5وقول رايك فى قضية او مشكلة فى بالك

بصوا انا هقولكوا فكرة اللعبة ولو عجبتكم اوك اما لو معجبتكوش نشيلها وكفاية الدمار الشامل الى عملينة فى بعض فى الالعاب التانية
فكرة اللعبة ان احنا نعد من 1ل5 والى يوصل لخمسة يناقش اى حاجة تيجى على بالةوعلى باقى الاعضاء على
مدار الخمس ارقام يناقشوها معاة لحد 5 ونرجع تانى نعيد الكرة
يعنى مثلا موضوع يخص الشباب زى موضوع الهجرة او البطالة او الجيش بتاع احمد
كدة يعنى
من الاخر اللعبة بتعتمد على حل مشكلة بيواجها الى يوصل للرقم خمسة بس بشكل غير مباشر او مباشر عادى
وانا هبدا اهو
11111111

2
22
222

حلوه اوى يالولا
3
3
3

نايس فكرة

4
4
4
4
4

5 5 5 5 5
انا هتكلم عن المشكله الاقتصاديه اللى فى البلد و العالم دلوقتى
كانت الحكومه بتقول ان احنا مش هنتاثر بالازمه دى زى باقى الدول
مش عارف بقى ده كان على اساس ايه
انا شايف البلد بتنهار تماما
يمكن الاسعار نزلت شويه فى بعض السلع
بس فى ركود فى السوق بطريقه بشعه
مفيش حد لبيشترى و لا بيبيع
و الغريبه بقى ان نظيف يطلع يقول احنا حققنا ارتافع فى معدل النمو الاقتصادى
و الناس بتتنيل اكتر من الاول
ياريت نسمع بقى رايكم فى المشكله الاقتصاديه دى
هو موضوع كبير اوى

والله هو واضح ان الموضوع خرج من ايديهم
وبقوا غير قادرين على السيطره عليه
وبيداروا خيبتهم بالكلام وخلاص
الناس هتشتري منين ولا اللي بيبيعوا هيبيعوا لمين

ربنا يرحمنا
1
11
111

اصل بس يا تيتو
احنا كلام التليفزيون وكلام الجرايد ده
الواحد مبقاش بياكل منة
ازاى واحنا دولة من العالم التالت ولو فية رابع ماشى
مفيش مشكلة
مش حنتاثر وامريكا نفسها متاثره بيها
وامريكا نزلت سعر السلع بتاعتها
واحنا عندنا تقريبا الاسعار ثابتة
سلع معدوده هى اللى اسعارها نزلت
واللى كمان ملهاش لازمة

وانا عن نفسى شايف ان الحكومة اديها والقبر
واللى حيصلح النظام مش الحكومه
الشعب نفسة
الشعب لو شغل مخة شوية
واستثمروا فى مشاريع مفيده
وكان فية زمة فى الشغل كان زمانا نجينا من الموضوع ده
لو كان فية زمة
كنا زمانا بنصدر احسن لسلع
ومكنتش الصين غزت مصر بالمنتجات بتاعتها
ده ياراجل الصين وصلت انها بتصنع البيض دلوقت
وحبقى احط موضوع عن الكلام ده ومدعم بالصور

هو ده السبب فى الازمة الاقتصادية
اننا محاولناش نتصدهاا من زمان
او اننا نعمل حساب بعدين
زى شيرين معملت كده


وشكرا تيتو

والله سعد قالها كلمة
مافيش فايده
2
2
2
2

فكره اللعبه حلوه يا لولو تسلم ايدك
بالنسبه للمشكله الاقتصاديه بقا فللاسف احنا مجرد متفرجين مش عارفين نعمل ايه نزلوا سعر كام سلعه و خلاص لكن الباقى نار و زى ما هو و يمكن جودت السلع قلت كمان
انا كونت بعمل بحث من كام يوم عن البورصه و قرئت اكتر من خمس جرايد دا غير النت بصراحه اتلخبطت و لاقيت نفسى بقرء كلام زى ما تقولوا كده دحك على الدقون شويه يقولوا مافيش حاجه اثرت على مصر و شويه الاسعار نزلت و شويه كله تمام و الكل مهتم بالناس الكبار اللى ماتوا على فلوسهم اللى ضاعت و اللى اتشل ما فى ناس بتموت من الجوع يا ربى راحمنا
طيب احنا فين من كل دا من الاخر احنا عايشين عصر عاش الملك مات الملك
333333333333
oza

انارايي ان العيب مش فى امريكا خالص الازمة دى غير موجودة بالمرة يا جماعة احنا محتلين بس بشكل اخر يعنى ربطين نفسنا بدولة ملهاش علاقة بينا خالص طيب جاوبونى احنا لما حصلت الازمة الاقتصادية بامريكا العالم كلة عرف وهى القوة العظمى طب لو حصل عندنا استحالة العيب عندنا ان احنا كل اما نسال حد يقول كلة تمام كلة كويس طب بقى الى احنا فية دلوقتى اية
لو اعتمدت الولة بتاعتنا على التكافؤ فى الفرص كان زمنا كويسين اوى لكن تقولوا اية بقى فى الكوسة الى مبهدلة الدنيا الصين شعب كبير مثلا ومعدوش الى عندنا ومع ذلك استغل شعبة فى العمل الجاد واتاحة الفرصة للتطور عشان كدة بقت دولة اقتصادها جامد وكمان مش بس كدة لادول تقريبا فى حالة استقلال عن القوة العظمى نسال نفسنا بقى دة عندنا
الاجابة لا لا لا مليون لا عشان كدة هنفضل محلك سر لان اصلاح حاجة واحدة بس هتلاقى كلة شغال لكن احنا بنبوز مش بنصلح
4444444444

اوك اجيب مشكله جديده بقا
من كام يوم كونت بتفرج على برنامج مش فكره اسمه ايه المهم علق معايا موضوع كلنا بنتكلم فيه كتير بس مش بنفكر فيه
و هو موضوع اطفال الشوارع يا جماعه اطفال الشوارع اختفوا معتش فى حاجه اسمها اطفال شوارع دلوقتى فى راجل و نساء الشوارع
لان الاطفال اللى احنا بنقول عليهم دول بقالنا حوالى 10 سنين او اكتر اعدين نقول عليهم اطفال و نفكر فى مشكلتهم المشكله كبرت معاهم لان بقا فى جيل تانى من اطفال الشوارع و لسه جاى الجيل التالت منهم و ربنا يستر على دى بلد
55555555555555
oza

الاول احب اشكركم على رايكم فى المشكله الاقتصاديه
و هى فعلا خربانه خربانه
فى اغنيه بتقول كده
هههههههههههههههه

المهم بقى اطفال الشوارع دى فعلا مصيبه كبيره جدااااموجوده فى مصر
و هى بردوه كانت وليده الظروف المنيله اللى عايشين فيها
بس دلوقتى زى اوزه مبتقول المشكله كبرت اوى
بقى فى رجاله و ستات و اطفال فى الشوارع
عن نفسى شايف ان المفروض يبقى فى جمعيات تتبنى الناس دى و توفر ليهم جو كويس يقدروا يعيشوا فيه
و يكونوا مفدين للبلد بس من غير منعقدهم
يعنى هو فعلا ده موجود بس مش بيطبق صح و ممكن تلاقى الالطفال دى بتهرب من الاماكن دى
و ترجع تانى للشارع علشان المعامله بتبقى سيئه و طبعا نظره المجتمع ليهم بتبقى وحشه اوى
علشان كده احنا لازم نمد للاطفال دى ادينا و نعملهم حاجه فعلا من غير منستغلهم
و الاهم من كده نعملهم كبانى ادمين زيهم زينا هما ملهمش زنب انهم خرجوا لقوا نفسهم فى الشارع
يعنى مش هبنقى احنا و الدنيا عليهم
و شكرا
و السلام عليكم ورحمه الله و بركاته

اة تيتو واللة انت عندك حق اصبح الاطفال دلوقتى مهملين اشد اهمال وبردة ناتجة مش بقى عن الظروف المنيلة وبس لا ناتجة عن سيطرة شى اسمة امريكا على العالم او بمعنى اوضح تفشى فكرة القوى العظمى فى العالم والهيمنة والسيطرة المركزية كل دة ادى الى بهدلة الناس فى كل انحاء العالم يعنى المستثمرين يستريحوا والشعب يتكيف الاطفال والى بيحصلهم من اهانة واهمال ناتج عن الفقر وعدم تكافؤ الفرص الموضوعين الى طرحتهم الاتنين متشابكين ببعض من منظور معين يعنى الطفل لما ما تتوفرة البيئة للتعلم والحياة عايزة يروح فين وبعدين شوف موضوع الهيئات والمؤسسات الى هتهتم وكدة مش بينفع الا تبع الحكومة والحكومة طالما دخلت فى الموضوع انسى والمشكلى اى حد دلوقتى يبقى معاة فلوس مش بيفكر يعمل حاجة للناس مفيدة يعنى فلا خربانة لكن بردة لسة فى امل فى ناس بسيطة ونفسها تعمل حاجة وفى النهاية كل الى بيحصل دة حكمة من عند اللة واللة اعلم من وجهة نظر ة سبحانة فى ملكة منقدرش نقول غير ربنا يهدى الناس ويدخل فى قلوبهم الرحمة ويهدى الناس كمان وترحم وجود اجيال جديدة من اطفال الشوارع
22222222

33
3
3
3
3


مشكله صعبة جدا يا اوزه
ودى سببها الظروف الزباله اللى احنا فيها
واولهم انتوا عارفينة
اللى بيغنوله كتير ده اسمه ايه
هو السبب فى كل حاجة بصراحة
يلية الشعب
لان لو كان كل القلوب رحيمه
كانوا زمانهم اووهم فى مكان صح
انما القلوب القاسية كتيره اوى
وللاسف فى الغالب بيبقوا هما المديرين للدور بتاعه الاطفال دية
فبالتالى بتبقى المعامله زباله
لو احنا راعينا ربنا فى دينا وعملنا بيه مكنتوش حتسمعوا عن حاجة اسمها اطفال شوارع
ولا اى حاجة من دى
ده بره بيهتموا بالحيوانات الضاله
احنا لية منبقاش احسن منهم
احنا المسلمين الموحدين بالله
ونهتم بالبنى ادم
بصوا ياجماعه
هى كلمة واحده حقولها

البنى ادم ارخص حاجة فى البلد دى

والسلام ختام
ومش عاوز اكتر عشان انتوا عارفين
ويارب مكنش خرجت عن الموضوع او حاجة

3
3
3
3
3

هههههههههههههههههههه اه عارفين يا احمد لا مخرجتش عن الموضوع انت اتكلمت فى لب الموضوع
بس يا جماعه احنا دلوقتى تعدينا مشكله الاطفال احنا بقينا فى مشكله الكبار اللى كانوا اطفال العالم دى مش هنعرف نربيهم ولا نعلمهم الصح من جديد و المشكله انهم بيخلفوا اطفال يرموهم فى الشارع بردك يعنى بقت عباره عن سلسله او حلقه دايره بتلف و ربنا وحده اعلم بيها
شكرا على اهتمامكوا الموضوع بش احنا فعلا مش فى ايدنا غير كلمتين
حسبى الله و نعم الوكيل
4444444444
oza

5
5
5
5
55
5

حنتكلم عن مشكلة بتواجة كتير ن الشباب والبنات اليومين دول
وهى الجواز العرفى
او عامة طرق الجواز الجديده اللى ظهرت اليومين دول
الجوازز بالدم والتسجيل
والحاجات العبيطة اللى بنسمعها كل يوم
اية يا جماعه اللى خلى الحاجات دى تظهر
هل هو انحلال المجتمع
ام هو لعدم القدرة على فتح بيت
مانت كده كده يا عبيط حتتورط فى فتح بيت
وبعدين هو انت كنت اتقدمت ليهم واهلها قالو لا
ولا ممكن نقول قله المستوى المعيشى هى اللى ادت لكده
بس برده مانت بدل ماحتشيل مسئولية واحد حيبقوا اتنين
انت وهى
يعنى
زودت الطين بله

موضوعك جامد يا احمد هى فعلا ظاهره انتشرت و باكتر من طريقه و كلها لهدف واحد الوصول لسد رغبه و غريزه بس محدش عاوز يشيل مسؤليهو لعلمك مافيش واحد بيتجوز واحده بالشكل دا و بيشيل مسؤليه ولا حاجه مهى كده كده ضاعت بقا هيوجع قلبه معاها ليه
و لو كان بيحبها مكنش عمل فيها كده و هى كمان اهبل منه هى تاعد فى بيتها و لو شارى يجى لحد عندها و لو مجاش فى غيره و حتى لو مافيش هنموت يعنى مهو احنا عايشين اهو
هو منكرش ان اى بنوته نفسها تتجوز احم احم
المهم
انا شايفه ان الحل من الاهالى بلاش يضيقوها اوى على الشباب يعنى يطلبوا بالمعقول بلاش بقا تقول بنتى مش اقل من حد و لازم شبكه بكام الف و مهر مش عارفه ايه
صحيح كل بنت جواها شىء بيخليها اغلى من اى فلوس ممكن تدفع بس بردك ربنا عرفوه بالعقل
ربنا يسترها معانا و علينا جميعا
oza

تمام اوزه
وطبعا لازم الواعظ الدينى
بالنسبة لاهل الشباب والبنات
ده اهم من اى حاجة تانية
ولازم الام تبقى صديقة لبنتها
تخليها تفضفض لها
مش كل حاجة لا انا مشغولة عندى جمعية للمراه
طاب لا احنا عندنا حفلة انا ودادى
كده يعنى
والمفروض ان الاب بدوره يبقى صديق لابنة
ويشوف مشاكلة ويحلهاله

شكرا اوزه

2
2
2
2

موضوع جامد ياحمد اوى
بس هى المشكله مش فى الفلوس بدليل ان كتير بيتجوزوا و اهلهم مديا مرتحين جدا
يعنى بيبقوا من الطبقه الراقيه شويتين
هى المشكله اكبر من كده و ممكن نتيجه الاختلاط فى الكليه بين الجنسين
و المرحله دى بتبقى مراهقه جامده جدا
فاى ولد و بنت بيحبوا بعض يقولك بدل منعمل حاجه غلط احنا نتجوز عرفى احسن
علشان اهلنا مش هيوفقوا نتجوز و احنا بندرس
قال يعنى خلاص الحب مقط نفسه و مش قادرين يبعدوا عن بعض
و مع اول مشكله ييقلب الدنيا و ميبقوش عارفين يعملوا ايه و اوال ما الاهل يعرفوا باللى حصل
يادى الوقعه السوده يكرهوا بعض الاتنين و يلعنوا اليوم اللى اتقبلوا فيه
و ده طبعا بعد ميكون فى طفل جاى فى السكه
و يتجوزوا طبعا بعد تدخل الاهل و ميبقوش طيقين بعض
و با يحصل طلاق

الصراحه انا شايف ان زى ما انت ياحمد قولت
الواعظ الدينى اهم حاجه فعلا لازم تكون عند الشباب
و ربنا يسترها على شباب امتنا

امين يارب
بس ده برده مايمنعش ان الجانب المادى بيحتل جزء من المشكلة
اتقدم يعم لو اترفضت
الف واحده غيرها موجوده

تمام تيتو
4
4
4
44
4

واللة يا احمد حقيقى مشكلة واللة بس دى ليها اسباب واسباب كتير اوى كمان اولا ان حاليا اى بنت مش بتدور على راجل يعتمد علية لال دى بتدور على بنك متنقل والثقة كمان بين البنت واهلها عادت منعدمة لذلك البنت تفقد السيطرة على نفسها وتواجة تصرفات اللة اعلم انها ما كانت تعملها عمرها وغير كدة ان اغلب الشباب دلوقتى ما عادوش زى زمان قليل لما تلاقى حد جاد وحابب يتقدم ومش كدة كمان البنات حاليا بقوا بيحبويعملوا كدة قال اية موضة
واللة ربنا الستار وحدة يصحى الناس من النوم العميق دةويعرفوا ان الرسول صلى اللة علية وسلم وصى على الزواج ودينا الاسلامى الزم الزواج بالاشهار والعلن وعقدة عقد شرعى امام الناس
11111111111

ا

المفروض انا 11111111 و انتى 55555555
فين المشكله الجديده
اممممممممممممممممم
خلاص هقول انا من مشاكل العصر كمان الوحده كل واحد عايش فى حياته و بس و هى متقلعه بالحب بردك لان الواحد لم مش بيلاقى حد قريب منه من اهله بيور على حد تانى يعطيه الحنيه و الحب اللى هو محتاجله و كمان البنت لما من بتلاقى ام حنينه تضمها و تطمن عليها بتتعب نفسيا و اول واحد بيقولها كلمه كويسه بتحبه اوى و فى الاخر لما بيبعد عنها بيحصل عندها مشاكل نفسيه اكبر بكتير من المشكله اللى كانت فيها
يا ترى ايه الحل و يا ريت محدش يقولى الاهل يقربوا من الابناء لان دا مبيحصلش غير بعد ما تحصل كارثه او مصيبه

يلا قولوا رايكوا
OZA

و الله ياوزه الموضوع ده بيحصل عند الولد و البنت فى فتره المراهقه
علشان كلنا بنشوف الافلام و زميلنا فى الكليه فلان بيحب فلانه
و الواحد بيبقى نفسه يحب و يتحب
بالتالى اى ولد بيقرب من بنت او بنت تقرب من ولد بيعيشوا فى قصه حب
لغايت محد يبعد عن التانى و ده لازم يحصل لان الموضوع بيبقى اعجاب مش اكتر بحاجه معينه فى الشخص ده
و مش بيبقى حب بالمعنى المقصود
ولازم الطرف اللى بيتعب نفسيا ده يفكر ولو لحظه هل الطرف التانى اللى سابه تعب علشان بعد عنه
اكيد وله اتاثر علشان محبش اصلا و ممكن يكون تسليه
و لو تعب نفسيا علشان بعد طب ليه بعد من الاول اصلا
بيبقى عامل نفسه تعبان كده وكده

2 2 ابو تريكه

كلامك مظبوط تمام يا تيتو بس متنسالش انا بتكلم عن مشكله انا و جيالى كله فيها ناو
اوك كل كلامك انا عرفاه و فهماه بس ايه الحل مهو لازم هيكون جوانا شىء اعدين ندور عليه
تسلم يا جميل على رايك التمام اوى
OZA

هو الحل ممكن يكون
فى ان كل واحد بيمر بالتجربة دى
يكون عارف انه ممكن فى اى لحظة انه ممكن يسيبوا بعض
لان مش من الضرورى ان كل واحد بيحب حد انه يرتبط بية
فلازم يكون عارف الاول ايه احتمالات النهاية
عشان ميحصلش صدمة
وانا مع تيتو طبعا فى كلامة

4
4
4
444