كيف تختارين الزوج المناسب وتكونين انت زوجة مناسبة لة

اسمحولى اكمل موضوع احمد الى طرحة من فترة وهو راى كل من الرجال والنساء فى بعضهم ومن يحب الرجل فى البنت من صفات وكذلك البنات شوفوا يابنات انا من رايي الموضوع دة كتير مهم انا قلت راييفى الموضوع الى طرحةاحمد لكن انا حابة انى اتكلم معاكوا شوية باستفاضة اكتر هى مجموعة نصائح صحيح انا صغيرة شوية على الموضوع دة بس اهو يوضع سرة فى اضعف خلقة الموضوع دة بالذات للبنات اكتر من الرجال لان الموضوع دة يهم البنات اكتر كتيرلما بنسمع عن بنات اتجوزوا بدرى او حتى اتجوزوا فى السن المناسب وبعدين مفيش شهرين نسمع انهم اطلقوا طيب اية السبب بقى السبب ان كل عصر يختلف عن الاخر زمان الام كانت كل حياة البنت وكانت متفاهمة شوية غير دلوقتى خالص رغم سيطرة الرجال فى هذة الايام على المجتمع من التعليم والحقوق الدستورية والراى كان رايهم فى كل حاجة لكن الام كانت الاساس وحدش يقولى عرفتى الكلام دة منين عيب اوى لما ابقة طالبة مكتبات ولا اعشق القراءة طيب الوالدة دلوقتى بداخدك كدة على جنب بعيدا عن العالم وتخدك فى حضنها وتنسيكى انك امها وتتكلم معاكى بصفتك صديقة الام حاليا لا تملك الا 1+1=2 يعنى مفيش جدال اة بعض الامهات حاليا بيتكلموا لكن الامهات بقى الى قلوبهم فى التلاجة الام المثالية حاليا هى من تكون مثل القطة الى تقدر تخبى ولادها فى امام عشان تحميهم من التحرروالموجات الغريبة والحوادث المنتشرة الى عمرنا ماكنا بنسع عنها فالتفاهم اتلغى طب نتعلم منين ازاى نختار زوج مناسب لينا ولا ازاى نعيش معاة ولا ولا حاجات كتيرة واللة انا هقول راييى وهستنا الردود من البنات بالذات حول هذا الموضوع وكل بنت تقول رايها بصراحة حتى لو كان مخاف فلاختلاف فى الراى يا اخواتى لا يف للود قضية ودى تعتبروها نصيحة :شوفوا الاسلام لم يقلل من شان المراة بل بالعكس الاسلام رفع من شانها قبل ان ياتى النساء بتوع حقوق المراة وقال اية احنا بنحافظ على وجودها وبدات البنات بقى تاخد فى نفسها الم رغم انى بنت لكن انا ضد الدعوى دى خالص لاننا عمرنا مهنعرف نشيل حديد زى الرجالة ولا الرجالة هيعرفوا هيستحملوا ويخلفوا وشيلوا عيل ويربوة طبعا لكل قاعدة شواذ ماعلينا انا عارفة انكوا فاهمين الحتة دى بس الى بشوفوا هو حدة النقاش بين الازواج ومحاولة كل من الاخر انة يفرض راية على التانى والمسالة توصل للتحدى والاهل يدخلوا وخربت بصراحة لازم تكون الست اكثر تفاهما عن ماهى الان فاغلب حالات الطلاق يكون سببها مشكلا ت النساء بس مش كلها زى مافى ستات مفترية فى رجالة مفترية طب ازاى اضمن ان زوج المستقبل هو زوج العمر كلة هو انك تطيعية الرجل لايكرة فى حياتة مهما كانت نوع شخصيتة غير المراة غير المطيعة طبعا دة مش معنالة ان الطاعة دى توصل للاهانة ابدا او الغاء شخصيتك ففى البداية ضعية تحت الاختبار فى فترة الخطوبة وشوفى لما تطيعية وتسمعى كلامة هيقدر دة وهيحترمة فيكى ولوحدة هييجى ويطلب رايك ويحب انة يتناقش معاكى فى مواضيع هامة بالنسبة لة ولا هيسغل دة فيكى ويستهبل فيها بقى وخلاص ومن هنا هتعرفى هو يناسبم ولا لا لازم تستغلى فترة الخطوبة فى التعرف على مقومات شخصيتة هل هو سهل ان اى شخص يغيرة من كلمة او فى شخص معين مسيطر علية بصراحة الرجل لازم يكون حر حتى يستطيع ان يفعل مايقولة وتكون لة شخصية ومش اى شخصية لازم تكون قوية ويكون حازم فى اراءة متقى للة متدين ينصح زوجتة ويشرف على طريقتها فى اللبس فالرجل يعرف ويتعلم بسر عة اكثر من المراة وبالمناسبة دى دراسة مش كلام من عندى يابنات احنا مهما روحنا وجينا وعدت خبرتنا السبع بحور عمرنا مهنوصل ابدا لعقلية مثل عقلية رجل بالمواصفات الى سبق وذكرتها طبعا مفيش حد كامل اكيد هيبقى فية عيوب بس من وجهة نظرى لو فى راجل بالمواصفات دى عيوبة تبقى ملهاش اى قيمة بالمرة وبعدين لو صادف وحصلتى على رجل بهذة المواصفات او حتى الرجل المناسب ليكى على اساس مقومات شخصيتك انتى الاخرى لازم يبقى فى رحمة وتسدى ودانك عن الاقاويل بتاعة انتى مش اققل من فلانة وعلانة فالخيرة فيما اختارة الة والزوج الصالح يغنى عن كنوز الدنيا وما فيها يستحق انك تبدئى معاة ولو من الصفر وتكونى فخورة ان اولادك منة يعنى بلاش شبكة بمبلغ وقدرة دبلتين ومحبس كفاية مش لازم الشقة تبقى فى جاردن سيتى الى يقدر علية وبكرة ربنا هيرزقة والفرح فى القاعى الفلانية واللة الناس بتوع زمان كانوا بيزفوا العرايس بالدفوف افتحى انتى الكاسيت فى البيت وكام عربية يعدوا يزمروا وخلاص من الاخر كدة مع اى راجل يستحقك لازم تلتزمى بالقناعة وتقتنعى باراءة وتناقشية لو راى مش عاجبك وبراحة خالص المسالة بسيطة خالص يابنات واللة الموضوع مش محتاج منك اى حاجة غير انك تكونى اكثر تفاهما وننسى العصبية بتاعتنا دى شوية دة للبنات الى يعنى بتتعصب من اققل حاجة

يلا يا حلوين انا مستنية اراكوا عايزة اعرف بتفكروا ازاى زى مانتوا عرفتوا انا بفكر ازاى وكمان عايزة نتناقش مش تقبلى المرور وخلاص لان الموضوع دة بالنسبة للبنت مستقبل لا نها هتروح تعيش فى بيت تانى والمشكلة ان البيت دة بيتها فلازم يكون فى جدال واراء من البنات ولو فى حاجة غلط من الى قلتها قولولى
اوك

بصى يا لولا
انا مش بعترف بحاجة اسمها انا صغير ع الكلام ده ولا كبير حتى
انا بعترف بواحد يقدر وواحد لا
واحد فاهم وواحد لا
ياريت تكونى فهمانى

وفكرتينى بالحديد انتى والتمرينة بتاعه النهارده
ولا ايه يا تيتو

طبعا يالولا انتى ماسبتيش حاجة الا لما اتكلمتى عناه
يعنى ماسيبتيلناش حاجة نتكلم فيه
المهم
بالنسبة باه لموضوع حقوق المراه والكلام ده
محدش عطى المراه حقها قد الاسلام زى مانتى قولتى
ومنها لله صفية زغلول اللى نادت بتحرير المراه بشكل غلط اصلا
يلا الله يرحمها باه

وانا اعتقد ان البنت محتاجة صفات فى الراجل
مش اكتر من انه متدين ومتعلم وف وظيفه مش حقول مرموقه
لا وظيفة بسيطة بس تعيشهم
دى اقل حاجة
وطبعا انه يكون بيحبها ويخاف عليها
زى مالراجل عاوز صفات فى مراته انها برده تكون متدينة ومثقفه
تساعده فى الشغل
وتكون منظمه
وتخاف علية هى كمان طبعا

لان الجواز مش لعبة زى م كتير من البنات مفكرين


واهم حاجة طبعا الرضا بين الطرفين بالنسبة للعيشة او المستوى اللى حيعيشوا فيه
سواء كبير ولا متوسط ولا صغير حتى
ومش حتفرق باه الفرح يبقى هنا ولا هناك حتى
مادام الحب مولود بينهم
وطبعا انا معاكى فى رايك


وبجد شكرا على طرح الموضوع ده
شكرا ليكى لولا

ميرسى احمد على المرور الكريم على فكرة الختبار الصغير دة عشان تعرف هل هو متدين ام لا
يعنى احنا هنشم على دهر ايدنا ياحج احمد
تسلم يابرنس على رايك وشكرا على الكلام الجميل اوى دة

موضوع حلو قوي يا لولا وانتي فعلا قولتي كل حاجه ممكن تتقال زي ما أحمد قالك كده وأهم حاجه من أساسيات نجاح الزواج إن
البنت تبقي مقتنعه بالزوج اللي اختارته لأن أغلب حالات الطلاق اللي الواحد بيشوفها بتكون البنت لو كانت كبيره وزي ما بيقولوا فاتها سن الجواز او فاتها القطر بتتجوز أي واحد وخلاص من غير ما تفكر يا اما لو صغيره واحد جاهز وهتلبس فستان وهتعمل فرح من غير ما تفكر في حاجه فمن كده بتيجي هي اتجوزتوا وخلاص من غير ما تعرف هو ايه وكمان الرضا طبعا مهم جدا بالذات لما تبقي عارفه امكانيات جوزها بس في حاجه انا مطره أعارضك فيها انتي بتقولي مش لازم شبكه وخاتمين ومحبس بس لا ومش لازم شقه وكده؟ انا مش معاكي البنت حاليا لازم تبقي متمسكه بالمواضيع دي لان أنا مش هقول كل الشباب بس معظمهم بيبقوا واخدين الموضوع شبه لعبه مش جاديين زي ما بسمع فلازم تكون في حاجه مش هقول تربطه أو كده بس علشان يعرف ان الموضوع جد وأهم حاجه ان ربنا مش بيظلم حد هي البنت لو اتقت ربنا والولد كمان فالطيبات للطيبين والطيبون للطيبات بس هو ده اللي انا بقوله ويارب تكوني فهمتي انا عايزه أقول ايه
وربنا يوفق جميع بنات وشباب المسلمين وجميع المسلمين لما يحب الله ويرضي
تسلمي يا قمر

موضوع جميل يا لولا و كتير منا اتكلم فيه بداخله و خصوصا اى بنت بيتقدم لها عريس تفضل تهرى و تنكت فى نفسها من كتر التفكير فى موضوع البيت الجديد و راجل متعرفهوش و كده بس فى الاول و الاول محدش بياخد غير نصيبه و ربنا قال اسعا يا عبد و انا اسعا معاك لازم يكون عندنا ايمان ان اللى بيعمل حاجه بيلاقى تمنها
الله يجعل نصبينا جميعا خير و سعاده
متشكره يا لولو على موضوعك الشامل دا
oza

تمام يازى رايك ممتاز جدا وعاجبنى كمان لان من ااهم عناصر الزاواج انة لازم يكون هناك اولويات ودى هى الى بتبين الرجل الجاد عن الراجل الجاد بس كفاية النية مش اكتر وبعدين لازم انتى تعملى الاختبار الى تناولتة فى البداية ماهى مش ةالحكاية سبهللة دة حق الدين ادهولنا ميجيش عبد زينة زينة ويقول لا كلا م ممتاز والراى عاجبنى جدا
تسلمى ياقمر على المرور الكريم وبردة عايزاكى تردى على ردى دة انا عايزة مناقشة اكتر
يلا تسلمى

واللة يااوزة المفروض انها تعرفة بقى ماهى الخطوبة عشان كدة يمكن دة يبقى فى البداية بس لكن بعد كدة عادى جدا
مع احترام مبدا الصراحة بين الطرفين دة هيعمل تفاهم اكتر وهيكسر الحواجز ومش هيبقى فى قلق وتقدرى تختبرية وتختبرى رد فعلة
والمسئولية وكدة
ماشى يااوزة تسلمى للرد ياعمرى
ماشى يابنات حلو بس اتنين يعنى البنات انقرضت ولا اية نجوزكوا بقى نجيب بناتكم تتكلم عنكم ماشى يازى زى وانتى يااوزة
ههههههه