سفر الزوج بعد الجواز..مين الظالم ومين المظلوم

اختفلت انا واخواتى وقرايبى على فكرة السفر بعد الجواز .

موقف هقوله وحصل قدامى ، وعايز اعرف مين الصح ومين الغلط ، راجل محترم جدا ومتدين وتعب فى الحياة كان شغال من وهو عنده 18 سنة واتجوز وهو عنده 30 سنة ، كل الفلوس اللى كانت معاه صرفها على شقته والجهاز والفرح والحاجات دى ، وبامانة الله كل حاجة عملها كويسة ومفيش حاجة عملها اى كلام ، وهى بنت ناس ومحترمة ومتربية احسن تربية ، اتجوزوا وبعد فترة هو لقى ان شغله هنا ب 500 جنيه مش مقضى مصاريف البيت ، فما بالك لو حصل عنده اى طارىء ، المهم هو اخد قرار انه يسافر بعد ما اتجوز ب 5 شهور ، هى اعترضت ووقفت له ولغاية ما كان بيسلم عليها ومسافر مكنتش راضية عن سفره .

هل هو غلط انه عايز يبقى مأمن مستقبله ومستقبل اولاده ومبرراته :

* انه لو قعد هنا مش هيقدر يعمل حاجة ، ومش هيعرف يعيش الحياة اللى هو عايزها .

* هيبقى تعبان جدا من كونه ان اللى جاى على قد اللى رايح ، وقدام ممكن تتلخبط حياته .

وهى شايفة ان هو اللى غلط ومبرراتها :

* حرام عليه يسيبها ويسافر وهى لسة معرفتش معنى الحياة الحلوة اللى كانت مستنيها بعد الجواز .

* ان هو هيسبها لوحدة سنتين من غير ما يكون فى حاجة فى حياتها تسليها زى مثلا يكون عندها طفل .

مين الصح ومين الغلط ، مين الظالم ومين المظلوم ؟؟ .

مع العلم ان هو اللى هيبقى فى الغربة بعيد عن اهله وبيته ، انما هى هتبقى وسط اهلها ..

مين فيهم اللى هيبقى تعبان نفسيا اكتر من التانى ؟؟ .

مستنى ردودكم ، ومنتظر النقاش اللى بحبه هنا .

انا من رأيي ان الموضوع ده مفهوش ظالم ومظلوم
هما الاتنين مظلومين
ومفيش حاجه باديهم
وهما الاتنين بيطالوا بحاجه من حقهم
هي من حقها انها تعيش حياة مستقره لان هي كده لا هي متجوزه ولا هي مش متجوزه.
وهو شايف انه هناك هيعمل فلوس اكتر رغم تشتت الاسره

ممكن يوصلوا لحل وسط انه يسفرها معاه ويعيشوا هناك
او يرضوا بالربنا كاتبهلهم محدش عارف الخير والاحسن في انه مكان

وفي الاخر هرجع واقولك الموضوع ده بيتوقف على حسب الظروف المحيطه بالاتنين وكمان حسب شخصياتهم

شكرا يا احمد عالموضوع
تسلم ايدك

الحقيقة انا مع اسماء هما الاتنين مظلمومين بس فى حاجة تانية هى ممكن تفهمها وممكن تستحملها هو صحيح الفلوس مش كل حاجة بالحياة لا مش ننكر انها بقت اساسيات ومش ننسى ان الاسرة يعنى اطفال واولاد ووجودهم مشئولية مش تسلية الزوجة دى نست حاجة مهمة جدا ان فى النهاية هو الى هيعب وهيشتغل ولنة مش مسافر يلعب دة مسافر ليها ولاولادها فيما بعد وكمان ان ممكن لو ربنا اكرمة بالخارج ممكن انة ياخدها تعيش معاة ومن الممكن انة يسمحلها تشتغل مع العلم ان دة كلة مبش هياثر عل اهتمامهم باطفالهم القادمين فاذن هى عليها تتحمل ولازم تعرف ان الزواج مسئولية قبل ما يكون فرحة وفستان
يسلمو احمد فعلا اموضوع دة مهم

تمام
شكرا على مروركم ورايكم

و الله ياحمد ان مش مع اللى يسافر بعد الجواز
مينفعش حد يسافر و يسيب زوجته كده
يامه ياخدها معاه يامش يسافر
محدش بينام من غير عشى
هو لو هيسافر و يجبها بعدها بكام شهر ماشى
انما يسبها و يمشى و يرجع كل سنه شهر
مينفعش و بعدين لما يحجى عيال هيربيهم ازاى
و عندنا الحمد لله اللى بيسافر و كل مايفكر يرجع يلاقى حال البلد زى الزفت يسافر تانى علشان يامن نفسه
لحد ميلاقى عمره راح و عيالوا باظوا
و كل تعبه راح على الفاضى

تحياتى ياجميل على الموضوع

شكرا على رايك يا تيتو
بس المقوله بتاعه محدش بيبات من غير عشا دى
مش تمام
ده فيه ناس بتنام من غير عشا وغدا
كمان
وبعدين انا معاك انها لازم تسافر معاه بعد اما يترستق هناك ويلاقى سكن ينفعهم

والله يا أحمد هو مفيش حد فيهم ظالم ولا حد مظلوم هما الاتنين مظلومين هو المفروض يعني ياخدها معاه
علشان هي برده من حقها تعيش حياه مستقره بس اكيد طبعا بعد ما يظبط اموره طبعا هناك
وهو طبعا اللي هيبقي مظلوم اكتر لانه فعلا مسافر غصب عنه ومتغرب عن اهله ومراته وبيته
ربنا يجازي اللي السبب في بهدله الشباب وتغربهم وشحطتتهم دي
موضوع مهم جدا يا أحمد
تسلم يا باشا

شكرا على رايك الجميل زيزي
فعلا

والله يااحمد هى مسائله دى بتختلف من شخص لتانى يعنى مثلا ف ناس بتتقبل الظروف ان دة ظرف
ولازم يسافر عشانها وف ناس تانيه بتقول لاءة هو لازم يبقى معايا بس انا ببص للموضوع من ناحيه
المصلحه يعنى اشوف مصلحتى ومصلحته فين ونعملها وهى مش حكايه ظالم ومظلوم يااحمد والله
هى مسائله ان الواحد يبقى عارف ان دة نصيب ودة قضاء وقدر وربنا قسم لينا كدة ويمكن دة الخير

تمام
شكرا على مرورك يا قمر

» عجائب قدرة الله في الظالم !!!
» دعوة المظلوم
» كيف تختارين الزوج المناسب وتكونين انت زوجة مناسبة لة