بيت مصرى جدا

موضوع: بيت مصرى جدا الثلاثاء أبريل 01, 2008 1:32 am

تذكير بمساهمة فاتح الموضوع :

السلام عليكم ورحمة الله وبركاته
ازيكوا يا جدعان
انا النهاردة جايبلكوا قصة بيت مصرى جدا جدا وهى عبارة عن اجزاء يعنى لو لقيت تفاعل وقبول منكم هنزل الاجزاء كلها ان شاء الله وارب تعجبكم

يلا الجزء الاول

استيقظت الأم سعاد في إرهاق واضح قبل الشروق بربع ساعة ....جاهدت لتحاول إيقاظ جسدها المجهد واللحاق بصلاة الفجر قبل الشروق [ندعوك للتسجيل في المنتدى أو التعريف بنفسك لمعاينة هذه الصورة]........مشيت على أطراف أصابعها كي لا توقظ زوجها الذي صلى قبلها ......توضأت وصلت الفجر وجلست لحظات ثم قامت الى المطبخ كى تحضر طعام الغداء كي يكون جاهزا عند عودتها من عملها ........

(حد فى الدنيا يصبح يقشر بصل ؟ [ندعوك للتسجيل في المنتدى أو التعريف بنفسك لمعاينة هذه الصورة]) تمتمت فى سرها ووجهها الوردى المشرب بحمرة يزدادا احمرارا من تقشير البصل .....سارعت لوضع اللحم ليسلق وهى تدعو الله الا يكون الجزار كالعادة ضحك على زوجها وأعطاه لحم عجوز لا ينضج الا بعد 6سنوات [ندعوك للتسجيل في المنتدى أو التعريف بنفسك لمعاينة هذه الصورة]!!! سارعت بضرب الطماطم فى الخلاط ومدت يدها لاخراج كيس من البسلة المخلوطة بالجزر الى أعدتها بالأمس وهى تشاهد المسلسل العربى وتغالب النوم ........[ندعوك للتسجيل في المنتدى أو التعريف بنفسك لمعاينة هذه الصورة]

.نظرت الى الساعة وجدتها السادسة والربع حالا ستبدأ غارة ايقاظ الأولاد للذهاب الى المدرسة مرت على غرفة ابنها خالد وجدته مستلقى على فراشه بالعرض والغطاء مكوم على الأرض والغرفة فى حالة فوضى كأن قنبلة نووية مرت بها وتركت ابنها حى يرزق !!!

[ندعوك للتسجيل في المنتدى أو التعريف بنفسك لمعاينة هذه الصورة] (اصحى يا خالد يالا ح تتأخر عن المدرسة مش كل يوم تعذبنى على ما تصحى )

وأخذت تلتقط الاكواب الملقاة حول جهاز الكومبيوتر والأطباق الملقاء فوق الكتب فى سيريالية عجيبة وحاولت بصعوبة استخراج كتبه من بين الانقاض بلا جدوى !!

(اصحى يابنى بلاش غلب على الصبح !!) [ندعوك للتسجيل في المنتدى أو التعريف بنفسك لمعاينة هذه الصورة]

فرد عليها بصوت نائم متذمر (ياماما حرام عليكى انا نايم الساعة 3 سيبينى انام شوية)[ندعوك للتسجيل في المنتدى أو التعريف بنفسك لمعاينة هذه الصورة]

ردت بصوت غاضب اهتز له جسدها البدين ( انت غبت امبارح من المدرسة يلا علشان تروح ولا عاوز ابوك يعملها لنا حكاية ؟ انت ناسى انك فى تانية ثانوى ؟ ثانوية عامة يابنى !!! 5 دقايق والاقيك لبست هدومك !!!! [ندعوك للتسجيل في المنتدى أو التعريف بنفسك لمعاينة هذه الصورة])

وخرجت من غرفته حاملة كارثة متحركة من الاكواب والاطباق والاوراق وذهبت الى المطبخ .....

وخرجت لغرفة ابنتها الصغرى ملك ذات الثمانى سنوات وكالعادة صراخ وبكاء وادعاء انها مصابة بمغص رهيييييب وان فيل هندى مر على قدمها بالليل ولهذا لا تستطيع الذهاب الى المدرسة [ندعوك للتسجيل في المنتدى أو التعريف بنفسك لمعاينة هذه الصورة]!!

خرجت الام من غرفة ملك وهى تجرى على المطبخ بعد ما شمت رائحة شياط البسلة ....وأخذت تهذى بكلمات ساخطة ( على الخلفة واللى بيخلفوها !!) وانقذت البسلة بأعجوبة ووجدت اللحم – كالعادة - مازال أمامه ساعتين كى ينضج بعد ما امتص كل المرق ومازال كجلمود صخر [ندعوك للتسجيل في المنتدى أو التعريف بنفسك لمعاينة هذه الصورة]!!

وهنا فاض كيلها وصرخت فى كل النائمين ( حرام عليكم انا ح ألاقيها من الطبيخ ولا من الشغل ولا من تنضيف البيت ولا من المدارس .....يالا كلكم تصحوا فى دقيقة واحدة !!!![ندعوك للتسجيل في المنتدى أو التعريف بنفسك لمعاينة هذه الصورة])

وكأن هذه الصرخة هى علامة الخطر بالنسبة لخالد وملك فقاموا على الفور من غرفهم وكالعادة المعركة اليومية على دخول الحمام التى انتهت بتسرب ملك كالزئبق من فتحة الحمام وتركته يتوعد لها عندما تخرج !!!!!!![ندعوك للتسجيل في المنتدى أو التعريف بنفسك لمعاينة هذه الصورة]

أعدت الأم الافطار ودخلت غرفتها كى ترتدى ملابسها على عجل كى تلحق بعملها فى موعدها فالأمر لا يحتمل شخطة من المدير ولا مقلب جديد من احدى الزميلات المخلصات [ندعوك للتسجيل في المنتدى أو التعريف بنفسك لمعاينة هذه الصورة]!!!!! استيقظ زوجها محمود على حركتها وهى ترتدى ملابسها ودون أن يفتح عينيه كى لا يطير النوم منهم قال لها بصوت متذمر ( هو مفيش يوم الواحد يصحى من غير سارينة الانذار دى ؟ [ندعوك للتسجيل في المنتدى أو التعريف بنفسك لمعاينة هذه الصورة])

كادت ترد عليه بعصبية ولكن لم تشأ ان تبدأ يومها بخناقة وجزت على أسنانها وهى تنظر للساعة فى استغاثة ( صباح الخير يا محمود الولاد ما بيصحوش الا بالطبل البلدى .......يالا أحسن ح تتأخر على شغلك انت كمان !!)

دفن رأسه تحت المخدة وهو يقول( لسه ح انام شوية كمان !![ندعوك للتسجيل في المنتدى أو التعريف بنفسك لمعاينة هذه الصورة])

تمتمت فى سرها ( هم العيال جايبينه من برة ؟[ندعوك للتسجيل في المنتدى أو التعريف بنفسك لمعاينة هذه الصورة]) وضبطت له المنبه ليوقظه بعد ربع ساعة كى لا تقوم غارة عند عودتها انها هى من تركته نائم وانها السبب فى تأخيره [ندعوك للتسجيل في المنتدى أو التعريف بنفسك لمعاينة هذه الصورة]!!!!

اتمت ارتداء ملابسها وخرجت وجدت خالد وملك ارتدوا ملابس المدرسة ويتناولون الافطار ....... وامسكت شعر ملك لتمشيطه وهى تأكل فاعترضت وقالت ( ياماما كده الأكل ح ينزل فى شعرى !!!)

فقالت لها فى تعجب ( ياستى اللماضة دى مش بأشوفها الا فى البيت وفى المدرسة بتسيبى البنات يضربوكى ليه ؟)

فدافعت عن نفسها وقالت (لا ياماما محدش بيضربنى ده انا اللى بأموتهم من الضرب حتى اسألى خالد....... مش كده ياخالد ؟ )

[ندعوك للتسجيل في المنتدى أو التعريف بنفسك لمعاينة هذه الصورة] فأجاب على طريقة فؤاد المهندس (اه طبعا على يدىىىىىى !!)[ندعوك للتسجيل في المنتدى أو التعريف بنفسك لمعاينة هذه الصورة]

فأنهت الأم الصراع المتوقع وقالت لخالد بطريقة آمرة ( خالد توصل أختك لحد باب المدرسة وما تسيبش ايديها مفهوم ؟[ندعوك للتسجيل في المنتدى أو التعريف بنفسك لمعاينة هذه الصورة] )

وهمت بالخروج ثم عادت لتتأكد انها أغلقت البوتاجاز ولم تترك الحنفية مفتوحة ثم مرت على غرفة ابنتها الكبرى سلمى وفتحتها بهدوء ووجدتها نائمة فى هدوء تحتضن الوسادة وكأنها تحتضن صورة فارس الاحلام وبجوارها عدة كتب يبدو انها أمضت الليل فى قراءتهم وأيقظتها بهدوء فاستيقظت وهى تبتسم لأمها وتقول ( لها صباح الخير ياقمر [ندعوك للتسجيل في المنتدى أو التعريف بنفسك لمعاينة هذه الصورة])

فأشرق وجه الأم لأول مرة منذ استيقاظها وقالت لابنتها فى حنان ( صباح النور ياحبيبتى .....بصى كملى سوا اللحمة واعملى الرز قبل ما اخواتك ييجوا وما تنسيش تنضفى البيت كويس .....يالا كملى نومك ياحبيبتى !!!)

فردت بصوت نصف نائم ( حاضر ياماما !!) ثم احتضنت وسادتها وأكملت أحلامها .....

نظرت اليها الأم بحنان وهمست (ربنا يعدلهالك ياسلمى يابنتى يارب !!!!!!!)

منقووووووووووووووووووووووول

موضوع: رد: بيت مصرى جدا السبت أغسطس 09, 2008 4:27 am

ههههههههههههه
يوميات مواطنه مطحونه affraid

ربنا يعينها هتقابلهم ازاي دي pale

مستنين الحلقه الجايه

موضوع: رد: بيت مصرى جدا السبت أغسطس 09, 2008 10:40 pm

هههههههههههههههههه
والله حلقة جامده يا ساسو
مستنيين اللى بعدها

موضوع: رد: بيت مصرى جدا السبت أغسطس 09, 2008 11:45 pm

ههههههههههه جميل اوى ساسو

مستنى نشوف العريس

الله ينور عليكى

موضوع: رد: بيت مصرى جدا الأحد أغسطس 10, 2008 8:54 pm

انا جيت وجبت معايا العريس هههههههه
بس مش اى عريس .. دة .......
لالالا اقروا وانتوا تعرفوا بقا هههههه

[size=25]الحلقة السابعة

جلست فى غرفتى بعد ان غيرت ملابسى وارتديت الطقم الجديد –اللى ماما دافعة فيه الشىء الفلانى [ندعوك للتسجيل في المنتدى أو التعريف بنفسك لمعاينة هذه الصورة]!!- واحترت هل أضع ماكياج أم لا ؟ فى العادة انا لا أضع الا قليلا ولكن فعلا انا نفسى الجوازة دى تكمل بأى شكل ....يعنى هى ح تكمل بالماكياج يا سلمى ؟ ما تعقلى كده !!

قررت أن أضع ماكياج خفيف جدا فقط يخفى الهالات السوداء تحت عينى من قلة نومى بالأمس .....

ياسلام لو دى تكون آخر مرة أتعرض فيها للمسرحية دى ويكون فعلا هو ده العريس المنشود اللى المواصلات أخرته شوية !! ربنا يجعله آخر العرسان !![ندعوك للتسجيل في المنتدى أو التعريف بنفسك لمعاينة هذه الصورة]

هو كل اللى سمعته عنه كويس محاسب اسمه مجدى وعنده 36 سنة وعنده شقة فى بيت أهله ....
.يعنى مالكيش حجة ياست سلمى وسيبك بقى من حواديت البنات الفارغة ....أصله قصير اوى ....اصلع فلة ! ....فتحات مناخيره مش مريحانى [ندعوك للتسجيل في المنتدى أو التعريف بنفسك لمعاينة هذه الصورة]!.......طوييييييييييل أوى والجزء التانى منه نازل فى الاسواق قريب .........!!

المهم الشخصية والتدين والاخلاق وحتى لو كان غتت شوية على رأى ماما غمضى واتجوزى كلهم زى بعض فى الآخر[ندعوك للتسجيل في المنتدى أو التعريف بنفسك لمعاينة هذه الصورة] !!

اتأخروا نصف ساعة وأخذت أنتظرهم من وراء شباك اودتى أحسن يكونوا غيروا رأيهم وفلسعوا يا رجالة !![ندعوك للتسجيل في المنتدى أو التعريف بنفسك لمعاينة هذه الصورة]
وأخيييييرا لمحت الست والدته وهى تنزل من عربية ميكروباص أمام منزلنا (ايه ده مش يركبوا تاكسى؟) ومعها انسان طويل وعريض ولابس بدلة كحلى أكيد هو المغفور لشبابه العريس ! شكله من بعيد كده كويس طول بعرض بارتفاع على رأى عادل امام عريض المنكبين شلولخ !!!!!!! آدى اول حاجة تفتح النفس ربنا يستر [ندعوك للتسجيل في المنتدى أو التعريف بنفسك لمعاينة هذه الصورة]!!

وجاءت رويتر البيت ملك هانم وهى تزف البشرى والدم يتقافز من وجنتيها وقالت وهى تلهث ( العريس جه ياابلة سلمى .......ده كبير اوى على فكرة عاوز له سلم علشان أسلم عليه [ندعوك للتسجيل في المنتدى أو التعريف بنفسك لمعاينة هذه الصورة]!! ماما بتقول لك هاتى صينية الحاجة الساقعة والجاتوة وتعالى بسرعة!)

ذهبت الى المطبخ وانا اتمتم فى تعجب اشمعنى العرسان اللى اول ما بيقعدوا بنلزق لهم الحاجة الساقعة فى وشهم على طول [ندعوك للتسجيل في المنتدى أو التعريف بنفسك لمعاينة هذه الصورة]؟ ما اى ضيف بيقعد شوية وبعدين يشرب حاجة ! الظاهر ان دى طريقة تكتيكية من الامهات علشان العرسان ما تطفش بسرعة !!!

حملت الصينية الميمونة ودخلت ودقات قلبى مثل مزيكة حسب الله ودخلت الصالون لأجد ماما وبابا والعريس وأمه..... والحمد لله ماما لحقتنى وأخدت منى الصينية قبل ما أوقعها على أم العريس وتبقى مصيبة من أولها [ندعوك للتسجيل في المنتدى أو التعريف بنفسك لمعاينة هذه الصورة]!!
(اهلا اهلا بعروستنا الحلوة .....ايه الجمال ده كله ؟ [ندعوك للتسجيل في المنتدى أو التعريف بنفسك لمعاينة هذه الصورة]) قالتها أم العريس وكأنه أكلشيه محفوظ بتقوله كل الحموات فى الحالات دى !

وأخيرا جلست وانا أكاد أذوب من الخجل وأنا أشعر أن كل العيون تتفحصنى وتعاين كل مللى فى جسدى وبالعافية اختلست نظرة الى العريس لأجده أضخم مما رأيته فى الشباك حتى تقاطيع وجهه من الحجم العائلى [ندعوك للتسجيل في المنتدى أو التعريف بنفسك لمعاينة هذه الصورة]! وعنده شنب ما شاء الله ماشفتش زيه فى حياتى ....يعنى لو اشتريت صقر مش ح احتار أحطه فين ؟

حاجة كده من الرجالة بتوع زمان الجامدين يعنى لو شخط فى شخطة ح يبعتنى السنبلاوين !!

وقعد بابا يستجوبه كالعادة ولاحظت انه يرد بكلمة او كلمتين على الاكثر ويحمر وجهه [ندعوك للتسجيل في المنتدى أو التعريف بنفسك لمعاينة هذه الصورة]وتلحقه الست والدته وتجاوب بداله ولما لاحظت تعجب بابا ردت بسرعة
: ( أصل مجدى مش بيعرف يتكلم مع الناس كويس أصله بيتكسف !! )

ومصمصت ماما على شفتيها من انسان الغابة اللى بيتكسف ده وسألتها ( هو وحيد ولا ايه يا أم مجدى ؟ )[ندعوك للتسجيل في المنتدى أو التعريف بنفسك لمعاينة هذه الصورة]

فردت باشفاق ( أيوة ياختى ده وحيد على أربع بنات ومن كتر خوفى عليه من الحسد ربيته زى ما ربيت أخواته البنات تمام ....ما يعرفش يروح ولا ييجى لوحده أبدا [ندعوك للتسجيل في المنتدى أو التعريف بنفسك لمعاينة هذه الصورة] ولازم ياخد رأيي فى كل حاجة حتى فى أكله ولبسه انا اللى باختار له كل حاجة بنفسى .......لما انا نفسى ومنى عينى اجوزه علشان أرتاح من مسئوليته شوية !!)

واصطبغ وجه عريس الغفلة بالحمرة وانقلب الوضع انا اللى باتفرج عليه وهو يمسح عرقه .......وبعدين قلت فى بالى اوعى تفركشى الجوازة ياسمسم اهو أحسن ما يكون شرس ويورينى العين الحمرا والبرتقالى كمان .....اهو اربيه على ايدى أحسن ![ندعوك للتسجيل في المنتدى أو التعريف بنفسك لمعاينة هذه الصورة]

وكأن اجابة حماتى المصونة وقفت فى زور بابا فسأل العريس ( وحضرتك ما اتجوزتش ليه لحد دلوقتى يا أستاذ مجدى ؟[ندعوك للتسجيل في المنتدى أو التعريف بنفسك لمعاينة هذه الصورة] )

فرد بخجل وتلعثم : ( أصل ماما ما وافقتش على العرايس اللى قبل كده !! ولا اقول لك اسألها حضرتك هى تقولك أحسن !![ندعوك للتسجيل في المنتدى أو التعريف بنفسك لمعاينة هذه الصورة])

فتمتمت أمى باستغراب : عرااايس ؟!!![ندعوك للتسجيل في المنتدى أو التعريف بنفسك لمعاينة هذه الصورة]

فأجابت امه بكل ثقة : ( والله ما اكدبش عليكى انا خطبت له قبل كده 6 مرات .....مش عارفة البنات حصل لها ايه ؟ مابقاش ينفع معاهم الراجل الطيب السكرة [ندعوك للتسجيل في المنتدى أو التعريف بنفسك لمعاينة هذه الصورة]زعلانين انه يعتمد على فى كل حاجة هو انا مش امه برضه ولا ايه ؟.....طيب ده ابنى دودو ده بالدنيا كلها لو أطول انى أخبيه جوا عينيا من الهوا الطاير كنت عملت والله !!!!)

جلست أراقب انفعالات سوسن ... أقصد دودو.... يوووة عريس الغفلة !!وهو يراقب أمه بانبهار مثل الطفل الذى يراقب امه وهى تطبخ وكأنها تسوى الاعاجيب !![ندعوك للتسجيل في المنتدى أو التعريف بنفسك لمعاينة هذه الصورة]

اه يانى يا خيبتك يا سلمى .. يعنى اتجوزه وأخلى أمه تختار لنا ح ناكل ايه النهاردة ولا تختار ليه ماهى اكيد بتأكله بايديها وكمان شقته فوقها فى نفس العمارة يعنى ح يرفع صباعه يستأذنها لو حب يقعد معايا فى البلكونة بعد الشر ولا حاجة .....!![ندعوك للتسجيل في المنتدى أو التعريف بنفسك لمعاينة هذه الصورة]

تبادلت ماما نظرات خيبة الامل مع بابا الذى احمرت أذناه وارتفعت صفارات الانذار واستعد لهجوم أرض أرض على دودو ووالدته العزيزة [ندعوك للتسجيل في المنتدى أو التعريف بنفسك لمعاينة هذه الصورة].....وانقذت ماما الموقف قبل أن يطلب لهم شرطة المسطحات ...!!!!

.وقالت على عجل لأم العريس وهى تنهى اللقاء الكارثة : والله شرفتونا اوى يا أم دودو !! بس ادينا فرصة نفكر ونرد عليكم .......وحاسبى على دودو وانتم ماشيين احسن يتكعبل ولا حاجة بعد الشر عليه !!!![ندعوك للتسجيل في المنتدى أو التعريف بنفسك لمعاينة هذه الصورة]

[/size]

هههههههههههههههههه
اية رأيكوا فى العرييييس

موضوع: رد: بيت مصرى جدا الأحد أغسطس 10, 2008 9:38 pm

ههههههههههههههههههه
عريس زى الفل والله
عريس اخر مسخرة دودو ده
الله ينور يا ساسو
مستنيين الحلقة الجاية

هههههههههههههههههههه
دودو حبيب ماما
ده عريس لقطه
تبقى بت خيبه لو ضيعته
Laughing

منتظرين الحلقه اللي جايه

هههههههههههههههههههههه

ياريتك ماجبتى العريس ياساسو
بس على كده هى هتتجوز دودو وله مامته
لو ممكن نشوف حضانه كويس ياجماعه لدودو
و اهو نبقى كسبنا فيه ثواب
و هنيالك يافاعل الخير
ياترى اللى هيحصل بقى فى الحلقه اللى جايه
مستنينك ساسو

[size=25]انا جيت ومعايا
الحلقة الثامنة

تغير وجه بابا الى جميع الوان الطيف وهو يتحول الى قنبلة موقوتة تنتظر الانفجار فى وجه ماما بعد ما نزل عريس الغفلة وأمه المصونة وانتهت الزيارة التى كانت كارثة بالالوان الطبيعية وسكوب كمان !![ندعوك للتسجيل في المنتدى أو التعريف بنفسك لمعاينة هذه الصورة]

حاولت ماما الهروب الى غرفتها قبل ان يبلغ بابا عنها المعتقل وقالت بمنتهى البراءة وهى تتحاشى النظر الى بابا : انا ح أنام بقى يا سلمى علشان عندى شغل بدرى تصبحى على خير !!!) [ندعوك للتسجيل في المنتدى أو التعريف بنفسك لمعاينة هذه الصورة]

فانفجرت كل قنابل المولوتوف المخزونة فى لسان بابا وأكيد سمعه الجيران فى الشارع السابع وهو يصرخ[ندعوك للتسجيل في المنتدى أو التعريف بنفسك لمعاينة هذه الصورة]: تصبحى على خير ؟ رايحة فين يا سعاد ؟ دى عملة تعمليها فينا ايه الأشكال اللى انتى جايباها دول ؟ حرام عليكى انتى مش قلتى انك سألتى الجيران عنهم وشكروا فيهم اوى ؟ هو انتى عاوزانا نرميها ؟[ندعوك للتسجيل في المنتدى أو التعريف بنفسك لمعاينة هذه الصورة]

فتلعثمت ماما ولم تستطع الرد وقالت بصوت متقطع : ما انت عارف الناس يا ابو خالد مش بيقولوا الحقيقة فى الحالات اللى زى دى وبعدين ح يقولوا عليه ايه ؟ هو الراجل حرامى ولا نصاب دول ناس طيببين وعيلة محترمة .....هو بس واضح انه بيحب امه اوى .....يعنى كمان ح يحب مراته اوى .....!!)[ندعوك للتسجيل في المنتدى أو التعريف بنفسك لمعاينة هذه الصورة]

فانطلق الشرار النووى من عيون بابا وهو يجز على أسنانه : مراته مين ان شاء الله ؟؟؟؟؟؟؟؟؟[ندعوك للتسجيل في المنتدى أو التعريف بنفسك لمعاينة هذه الصورة]

فلم تحتمل ماما ضغط وصراخ اكثر من ذلك وانفجرت باكية :( انت بتعاملنى كأنى عملت جريمة ليه ؟ حرام عليك انا نفسى أفرح بيها وما جبتش لها واحد مدمن ولا متجوز قبل كده ولا قتال قتلة !! كنت ح اعرف شخصيته منين هو انا عايشة معاهم [ندعوك للتسجيل في المنتدى أو التعريف بنفسك لمعاينة هذه الصورة]؟ وبعدين هو انت شفتنا جبنا المأذون ؟ لو مش عاجبكم بلاش اعتذروا للناس وخلاص .......بكرة اموت وترتاحوا منى خالص !![ندعوك للتسجيل في المنتدى أو التعريف بنفسك لمعاينة هذه الصورة])

فتحركت رقة بابا لبكاء حبيبة عمره وهدىء صوته وداعبها : (اللى يمشى ورا الحريم يروح فى .......يعنى انتى ترضى ان جوز بنتك يبقى اسمه دودو ؟![ندعوك للتسجيل في المنتدى أو التعريف بنفسك لمعاينة هذه الصورة])

فضحكت ومسحت دموعها ( اهو أحسن مايبقى اسمه شمشمون ويقعد يزعق ويفرج علينا الدنيا زى ما انت عامل فينا !![ندعوك للتسجيل في المنتدى أو التعريف بنفسك لمعاينة هذه الصورة])

فابتسم لها والتفت الى بابا وهو يسألنى : اتى رأيك ايه يا بنتى ؟

لا أعرف لماذا جرحنى سؤاله ؟ اى بنت طبيعية لابد ان ترفض هذا العريس ابو ببرونة [ندعوك للتسجيل في المنتدى أو التعريف بنفسك لمعاينة هذه الصورة]!! ولكن يبدو انهم رغم رفضهم له هو وماما .......تاركين لى مساحة للقبول على اعتبار انى على مشارف الثلاثين ولافرصة لى أفضل من هذا ......

.ويبدو ان ام العريس ذكية انها اختارتنى من وسط كل البنات الموجودين فى الحنة لأنها تعلم انى لن أرفض ابنها عملا بنظرية (ضل راجل ولا ضل حيطة !)[ندعوك للتسجيل في المنتدى أو التعريف بنفسك لمعاينة هذه الصورة]

لكن هل هذا رجل ؟ لا يستطيع الكلام جملتيين متكاملتين ؟ لا يكون له رأى عن أى شىء ؟ يرفع اصبعه قبل ان يفكر ؟ أى احترام سأكنه له ؟ أى حماية سيوفرها لى ؟ أى رجولة سأستشعرها معه ؟ باختصار سأتزوج أمه تتحكم فى وفى ابنها لأتخلص من لقب عانس ونظرات الناس التى لا ترحم ........

اختيار قاسى جدا .....جزء منى يميل الى القبول للخلاص من دائرة الوحدة والعنوسة وسأستطيع ان أتحكم فيه كما أشاء ولن أعانى من تحكم الرجال وأنانيتهم المفرطة والتى تشكو منها كل الزوجات ...........

ولكن لا لن أخالف شروط الله التى أقرها لنجاح الزواج وهى المودة والرحمة بين الازواج .........كيف اكن له اى مودة وأنا لن أحترمه اصلا بل سيكون بالنسبة لى مثل الغطاء الذى أحتمى به من عيون الناس ونظراتهم وأخرس ألسنتهم التى لا تهدأ.........[ندعوك للتسجيل في المنتدى أو التعريف بنفسك لمعاينة هذه الصورة]

ولكنى وحدى سأعلم عندما ينصرف الناس ان هذا الغطاء لن يدفينى فى برد الحياة ولن أستطيع ان الجأ اليه كحصنى الوحيد .......سأجده غطاء مهلهل ملىء بالثقوب سيعرينى أمام الناس وأمام نفسى وأتجمد وحدى فى حرمان لا ينتهى ............

رفعت رأسى وأجبت فى هدوء : (انا مش موافقة يابابا .......تصبحوا على خير !)

ودخلت غرفتى كى اهرب من نظرات الاشفاق التى لاحقتنى من بابا وماما وغيرت ملابسى وتوضئت وصليت ركعتين شعرت بعدهما براحة كبيرة أراحت ذهنى المشوش وجسدى المرهق.....

واستلقيت على سريرى وأنا أفكر فى كل حياتى .....لماذا دائما أشعر انى فى حالة انتظار دائمة ؟ لماذا أعلق حياتى كلها على الزواج فقط ؟ وهل ان لم يكن مقدرا لى أن أتزوج على الاطلاق هل سأظل طيلة حياتى فى نفس حالة الترقب والتوتر والانتظار ؟

الانسان يكون فى أسوأ حالاته وهو منتظر اى شىء ويتأخر عليه حتى لو كان ينتظر تاكسى او اتوبيس !! تشتعل الحرائق فى الاعصاب ويبدأ التوتر والمشاحنات .......فكيف أعيش وكأنى دائما وأبدا فى انتظار مالا يجىء ؟ وهل النجاح فى الزواج وحده ؟ ان كان هذا فلماذا تحدث الطلاق والخيانات والمشاكل والانفصال ؟

لابد أن يكون لى هدف آخر غير انتظار الزوج المرتقب ويأتى او لا يأتى فكله قدر عند الله ولابد أن أرضى به ........انا لم أكن راضية قبل هذا كنت أقارن نفسى بقريباتى وصديقاتى وتظل دائرة المقارنات تتسع وتتسع حتى أتوه فيها وانسى من أنا ؟ من هى سلمى الحقيقية ؟ هل هى انسانة ناجحة ؟ هل هى انسانة مميزة ؟ ام انها تنتظر فقط صك الاعتراف بها كانسان متكامل امام المجتمع بدبلة ذهبية تضعها فى يدها اليسرى ووقتها لا يهم ان كنت ناجحة ام لا يكفى ان تكون زوجة فلان حتى وان كانت فى غاية التعاسة والاحباط مع فلان هذا !!!!!!!!

أغمضت عينى وانا أشعر بتصالح مع نفسى لم أشعر به من زمن طويل وكأنى أخيرا وجدت سلمى التى أبحث عنها طوال عمرى !!!!!!![ندعوك للتسجيل في المنتدى أو التعريف بنفسك لمعاينة هذه الصورة]

[/size]

الله ينور يا ساسو
حلقة حلوه
بتقول كلام زى الفل البت دى
حكم يعنى

موضوع: رد: بيت مصرى جدا الأحد يناير 25, 2009 3:12 am

تحياتى لمرورك وتشجعيك
مع انى مش شايفة تفاعل فى المنتدى زى زمان خالص

بس عامة الحلقة التاسعة اهى

(الحلقة التاسعة )

(ادينى عش أمان واديك راحة وصراحة وضحكة حلال !!) لا أدرى لم تذكرت هذه الأغنية القديمة وانا أقف فى البلكونة فى انتظار خالد اخويا يبدو انى كنت أهرب من القلق بالتفكير فى شىء آخر بعيد جدا عن سبب وقوفى وانتظارى له ..... يبدو انى أهرب من رؤيته قادما من بعيد منكس الوجه بالتفكير فى اى حلم صعب المنال !!

سألتنى أمى من داخل المنزل للمرة الألف (أخوكى جه يا سلمى ؟ ) وأجبتها بنفس الاجابة (لسه ياماما !!) [ندعوك للتسجيل في المنتدى أو التعريف بنفسك لمعاينة هذه الصورة]

وانا أتمنى ان أزيل قلقها باجابة أخرى .......أخذت ماما أجازة اليوم هى ووالدى من عملهم كى يشهدوا هذا اليوم العظيم فى حياة كل ام وكل اب ........كى يجنوا ثمرة تعبهم طوال العام مع ابنهم العزيز ويروا نتيجته فى الثانوية العامة !!!!!!!!!!!!![ندعوك للتسجيل في المنتدى أو التعريف بنفسك لمعاينة هذه الصورة]

لم ينم أحد منذ أمس من شدة القلق والتوتر باستثناء خالد بيه نفسه !! وصل شخيره الى شبرا !! منتهى الهدوء والروقان [ندعوك للتسجيل في المنتدى أو التعريف بنفسك لمعاينة هذه الصورة]!! وكأنها نتيجة انسان آخر من المريخ !! حتى وهو نازل صباحا لاحضار النتيجة من المدرسة رفض اصطحاب ابى له لأنه على ميعاد مع الشلة فى المدرسة !!!!! هو أمر من الاثنين اما انه واثق جدا من النجاح أو يائس جدا ولأنه اخويا من زمان أعتقد انها الثانية !!!![ندعوك للتسجيل في المنتدى أو التعريف بنفسك لمعاينة هذه الصورة]

لم تكف ماما عن سؤال والدى (تفتكر حيجيب مجموع كام ؟ بيقولوا المجاميع عالية اوى السنة دى ! ربنا يستر ويجيب مجموع كويس هو صحيح فى سنة تانية بس دى درجاتها اكتر من ثالثة ...وبعدين دى التربية بقت بتاخد فوق التسعين !! الله يرحم لما كانت بتاخد ستين فى المية ! يعنى لازم يجيب مجموع حلو علشان يدخل حاجة عدلة !!)

نظر لها بابا باشفاق...(والله انتى متفائلة اوى يا سعاد طيب قولى ينجح الاول ...)[ندعوك للتسجيل في المنتدى أو التعريف بنفسك لمعاينة هذه الصورة]
فخبطت على صدرها بجزع وقالت : ( ينجح بس !! قول كلام غير ده يا ابو خالد ده مموت نفسى يا ضنايا طول السنة فى المذاكرة !! دلوقتى ييجى ويفرحنا ان شاء الله !!)

فأجابها بتضرع( يارب يارب !! )

أشفقت عليهما من استهتار خالد ولا مبالاته ودعوت الله فى سرى الا يخيب أمالهما وكدهما الطويل طوال العام من أجل تدبير مصاريف دراسته ودروسه الخصوصية التى لا تنتهى !

قطع تفكيرى صوت طرقات ضعيفة على الباب فقفزت امى من مكانها لتفتح ولم يجرؤ أبى على الوقوف من شدة القلق ليرى من القادم والذى كان اخى خالد .........[ندعوك للتسجيل في المنتدى أو التعريف بنفسك لمعاينة هذه الصورة]

دخل مطرق الرأس صامت تماما ونظرات ابى وأمى تستحلفه ان ينطق وقلوبهم معلقة بكلمة واحدة ينطقها فيطفىء نار قلقهم وترقبهم الطويل ولكنه ظل صامتاصمت القبور فسألته امى فى تضرع وقلق عاصف ( عملت ايه يا حبييبى ؟ طمنا الله يرضى عليك !!)

فأجاب بعد تردد طويل وصوته لا يكاد يظهر(انا سقطت فى الكيمياء !!!)[ندعوك للتسجيل في المنتدى أو التعريف بنفسك لمعاينة هذه الصورة]
شلت الكارثة لسان امى وعجزت عن الكلام وانهارت على الكرسى ودموعها انسابت كالشلال وحزنها يكاد يمزق قلبها .........

أما أبى فأقعدته المفاجأة وعجزعن الكلام وشعرت وقتها بمعنى عجز الرجال ومعنى ان ينهار جبل حصين من تدمير فأر صغير ........

هبط علينا جميعا وجوما وحزنا لا يوصف زاده أصوات الزغاريد التى بدأت فى الانطلاق من بيوت الجيران فرحا بتفوق اولادهم وتكليل جهودهم بالتعب طوال العام .........
زادت اصوات الزغاريد من حسرة امى واحساسها انها الام الوحيدة التى لم تذق طعم الفرحة فعلى نحيبها وارتجفت من شدة الاحساس بالقهر والحزن حتى خشيت عليها فضممتها الى صدرى محاولة اسكاتها فلم أستطع فبكيت معها .......

وأخيرا تكلم الاستاذ خالد ببرود يحسد عليه : ( انا اتظلمت !!! انا حاطلب يعيدوا تصحيح الكيمياء تانى ده انا كنت مجاوب كويس جدا جدا ! الظاهر انهم بينجحوا بمزاجهم !!)[ندعوك للتسجيل في المنتدى أو التعريف بنفسك لمعاينة هذه الصورة]

فلم يحتمل ابى المزيد من استهتاره وبروده وهجم عليه كالأسد الجريح كى يضربه فأسرعت له لأمنعه عنه كى لا يقتله فصرخ بصوت كالرعد وهو يرتجف :( بمزاجهم يا فاشل يا مستهتر ؟ )
[ندعوك للتسجيل في المنتدى أو التعريف بنفسك لمعاينة هذه الصورة]

وواصل هديره : تقدر تقول لى درجاتك فى بقية المواد ايه يا سعادة الباشا ؟[ندعوك للتسجيل في المنتدى أو التعريف بنفسك لمعاينة هذه الصورة]
فأجاب خالد بصوت خافت: يعنى حوالى 70% !!!

فواصل أبى صراخه :70% !!!![ندعوك للتسجيل في المنتدى أو التعريف بنفسك لمعاينة هذه الصورة] ماشاء الله ودول تروح بيهم ايه ان شاء الله ؟ معهد السكة الحديد ؟ حرام عليك يا أخى ده انا وامك موتنا نفسنا طول السنة علشان نوفر لك ثمن الدروس الخصوصية اللى كنت بتاخدها ...
دى امك الغلبانة دى باعت سلسلتها الوحيدة علشان تدفع لك مقدم درس الكيمياء اللى سيادتك سقطت فيها ....[ندعوك للتسجيل في المنتدى أو التعريف بنفسك لمعاينة هذه الصورة]
.ياشيخ حرام عليك ده انت كنت مفروض تذاكر علشان بس اللى عملناه علشانك لو انت اصلا بتحس وعندك دم .......حسبى الله ونعم الوكيل فيك ! ويكون فى علمك انا مش ح ادفع ولا مليم تانى للدروس الخصوصية بتاعة الدور التانى .....وان شاالله عنك ما اتعلمت ..........[ندعوك للتسجيل في المنتدى أو التعريف بنفسك لمعاينة هذه الصورة]

فمسحت امى دموعها ونطقت أخيرا معترضة على كلام بابا : ( كلام ايه ده يا ابو خالد ؟ ازاى ما ياخدش درس فى الكيمياء ؟ طيب ما هو كده عمره ما ح ينجح ؟ لا ما ينفعش الكلام ده وان كان ياسيدى على المجموع الصغير اهو فيه كليات كتير ومعاهد بفلوس ممكن ربنا يقدرنا وندخله واحد منها وياخد شهادته وخلاص !![ندعوك للتسجيل في المنتدى أو التعريف بنفسك لمعاينة هذه الصورة])

فارتجت حوائط البيت من صوت صراخ ابى وهو يقول :على الطلاق بالتلاتة لو نطقتى كلمة م الكلام ده تانى لأخرج اجيب المأذون وتكونى طالق النهاردة !!![ندعوك للتسجيل في المنتدى أو التعريف بنفسك لمعاينة هذه الصورة]
آدى أخرة دلعك وطبطبتك عليه عمره ما ح يعرف ازاى يكون راجل ابدا .....

ثم وجه حديثه الى خالد الذى امتقع لونه من شدة خوفه من بابا و كأننا نراه لأول مرة : بص يا ابنى انا ما قصرتش معاك فى اى حاجة .....لكن بعد كده أقسم بالله ح اعلمك ازاى تكون راجل فى حياتك وازاى تقدر تعب الناس اللى حواليك وبكرة لما تكبر ح تعرف انى عملت فيك معروف انى خليتك بنى آدم .....!!![ندعوك للتسجيل في المنتدى أو التعريف بنفسك لمعاينة هذه الصورة]

انت من بكرة الصبح ح تنزل كتبك وملخصاتك فى الكيمياء وتذاكر لوحدك من غير اى دروس وبعد العصر ح تنزل تشتغل زى اى راجل انت خلاص ما بقتش صغير انك تاخد مصروف زى البنات .......[ندعوك للتسجيل في المنتدى أو التعريف بنفسك لمعاينة هذه الصورة]

وانا ح اكلم لك الحاج سعيد صاحب المكتبة اللى فى الشارع اللى جنبنا علشان تشتغل معاه فى تصوير المستندات والكتابة على الكومبيوتر ......انا كنت بافكر فى الموضوع ده من زمان .....علشان تعرف قد ايه الواحد بيتعب علشان يجيب لكم الفلوس اللى انت مستهتر بيها .....ولو ما وافقتش على الكلام ده الباب يفوت جمل اخواتك اولى باللقمة اللى انت بتاكلها اتفضل مع الف سلامة !!![ندعوك للتسجيل في المنتدى أو التعريف بنفسك لمعاينة هذه الصورة]

نظرت ماما اليه برعب وظنته يهدد فقط ولكن ملامحه الحديدية عرفتها انه سينفذ كل كلمة من كلامه [ندعوك للتسجيل في المنتدى أو التعريف بنفسك لمعاينة هذه الصورة]وحاولت النطق ولكن رعبها من تهديده ألجمها فصمتت وسالت دموعها من جديد ........

وذهب بابا الى التليفون طالبا الحاج سعيد صاحب المكتبة ودخل معه فى حوار طويل ومع كل كلمة يزداد شحوب وجه خالد حتى انهى المكالمة قائلا( خلاص ياحاج الف شكر من بكرة ان شاء الله يكون عندك من بعد العصر !!)[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: بيت مصرى جدا الأحد يناير 25, 2009 10:38 pm

والله حلقة جامده جداااااااااااااااااااااااااااا
لية بس كده يا خالد
مستنيين نشوف خالد جيعمل ايه مع الحاج سعيد
بس البت الصغيرة رويتر مش حتظهر تانى ولا ايه

الله ينور يا ساسو

هههههههههههه
حلوة رويتر دية

هو خلاص مبقاش فيه حد يرد على المواضيع ولا اية
يعنى الادمن لو مردش محدش يرد
انا ابتديت ايأس انى انزلل مواضيع هنا فى المنتدى دة
وعامة شكرا على متابعتكوا البسيطة

الحلقة العاشرة

لم أنم بالطبع طوال الليل من الرعب من فكرة والدى العجيبة وتصميمه على انى اعمل عند الحاج سعيد فى المكتبة !!! مش عارف هو جاب الفكرة دى منين معقول ح اهون عليه انى اتبهدل كده ؟! أكيد يومين كده ولا حاجة وح اصعب عليه ويرجع فى كلامه !!![ندعوك للتسجيل في المنتدى أو التعريف بنفسك لمعاينة هذه الصورة]

أخرجت كل مذكرات الكيمياء وكانت نظييفة زى الفل كأن لم يمسسها بشر !! اذا كان ما نجحتش فيها وانا باخد درس ح انجح فيها ازاى دى ؟؟؟؟؟ فتحت كل المذكرات وجلست على المكتب منتظر الست كونداليزا تيجى تخلصنى من ظلم أبويا !!!!!!!![ندعوك للتسجيل في المنتدى أو التعريف بنفسك لمعاينة هذه الصورة]

رجعت ماما من عملها وأعدت هى وسلمى الطعام وترجونى لآكل قبل ان انزل الى المكتبة ولكن نفسى كانت مسدودة عن الدنيا كلها رفضت الغداء وسمعت صوت المفعوصة ملك بتقول لى : قوم كل يا أبيه خالدأحسن ترسى على سندوتش فول عند عم سعيد !!!!!![ندعوك للتسجيل في المنتدى أو التعريف بنفسك لمعاينة هذه الصورة]

قمت لها علشان أكسر دماغها ولكنى اصطدمت ببابا قادما من عمله وصرخ فى اول ما رآنى : انت لسه هنا يا باشا ؟ الساعة 4 الا ربع يالا احسن تتأخر على الحاج !!!!

جريت على غرفتى ولبست بسرعة بس ما نسيتش أحط جيل على شعرى برضه علشان البرستيج !!![ندعوك للتسجيل في المنتدى أو التعريف بنفسك لمعاينة هذه الصورة]

وطمأنت نفسى وانا فى الطريق الى المكتبة ان الحاج سعيد راجل طيب وكل ما يشوفنى يسلم على بحرارة لحد ما يخنقنى ! يعنى ان شاء الله يومين كده وح اصعب عليه وينتهى الحوار ده !!!!

وصلت أخيرا المكتبة لأجد الحاج يقرأ الجريدة وسلم على ولكن ليس بحماسه المعتاد :( شوف يا خالد يا بنى انا زعلان اوى من موضوع نتيجتك ده[ندعوك للتسجيل في المنتدى أو التعريف بنفسك لمعاينة هذه الصورة] لأنى عارف اد ايه والدك والست والدتك بيتعبوا قد ايه عشان يعلموكوا ويخلوكوا أحسن ناس ....لكن على العموم أكيد حكمة ربنا خير فى الموضوع ده وان شاء الله ترتاح معانا هنا ......وأحمد اللى بيشتغل هنا ح يعلمك كل حاجة وربنا يكرمك ان شاء الله ........)

قابلت احمد ووجدته فى أوائل الثلاثينات وسلم على ببرود وسط انشغاله بالزبائن العديدة وأمرنى بمراقبته فى تصوير الورق وطباعته وتقطيعه وتغليفه لأتعلم منه ......أخذت أراقبه لمدة ساعة والزبائن لا تكف عن التدفق الى المكتبة ,احسست انه لابد كان بيعمل فى سيرك قبل كده !!![ندعوك للتسجيل في المنتدى أو التعريف بنفسك لمعاينة هذه الصورة]

هو لا يكف عن التحرك لحظة واحدة يصور لهذا 20 مذكرة ثم يجلس على الكومبيوتر ليطبع بعض الملفات وما ان ينتهى حتى يبدأ فى قصة التغليف بأدوات حادة للغاية ولكنه يتعامل معها بمنتهى المهارة ويعامل كل الزبائن بمنتهى الادب حتى لو كانوا فى منتهى السخف وما ان يجد دقائق لالتقاط أنفاسه يجلس على الكومبيوتر ليكتب بعض الملفات على الوورد .....[ندعوك للتسجيل في المنتدى أو التعريف بنفسك لمعاينة هذه الصورة]

وما ان انتهى جاء ليعلمنى بعض الأمور فى التصوير والطباعة ولكنى شعرت ان الأمر فى غاية الصعوبة والارهاق معا .....ايه ياربى الغلب ده ؟؟؟؟[ندعوك للتسجيل في المنتدى أو التعريف بنفسك لمعاينة هذه الصورة]

وجاء أول زبون أمرنى أحمد أن اتعامل معه وكان شاب فى سنى ( وبرضه حاطط جل هو كمان !!!)[ندعوك للتسجيل في المنتدى أو التعريف بنفسك لمعاينة هذه الصورة]

-لو سمحت يا كابتن صور لى المذكرة دى 5 نسخ بس بسرعة اصلى مستعجل جدا .....

-(حاضر يا عم المستعجل !) فى سرى طبعا ![ندعوك للتسجيل في المنتدى أو التعريف بنفسك لمعاينة هذه الصورة]

-وبدأت فى التصوير فظهرت اول صورة مائلة ولها ظلال سوداء من كل الجوانب قطعتها على الفور وصورتها مرة أخرى فظهرت أسوأ من الاولى ......نظرت الى احمد لينقذنى من الورطة دى ولكنى وجدته معه بعض الزبائن ووجدت الحاج سعيد يراقبنى من بعيد .....[ندعوك للتسجيل في المنتدى أو التعريف بنفسك لمعاينة هذه الصورة]ازداد توترى والشاب ينتظر ورقه بنفاذ صبر .....حاولت مرة اخرى والحمد لله كانت جيدة ولكنى نسيت ان اضع امر الطباعة لخمسة مرات فكررت الحدوتة عدة مرات ..........ومنها ورق سىء كأنه خارج من فم قطة جائعة !!!!![ندعوك للتسجيل في المنتدى أو التعريف بنفسك لمعاينة هذه الصورة]

نفد صبر الشاب وكلمنى بعصبية : ايه ياعم ؟ انت ح تصور الورق فى سنة ؟ انا مستعجل ياسيدى ! انت اول مرة تشتغل هنا ولا ايه ؟[ندعوك للتسجيل في المنتدى أو التعريف بنفسك لمعاينة هذه الصورة]

هممت بالرد عليه الرد اللائق علشان أعرفه انى أحسن منه وانى مش باشتغل عنده ولكن أحمد أنقذنى فى اللحظة الأخيرة وأخذ الأوراق وهدأ الشاب وانا أكاد أنفجر من الغيظ والاهانة واتمنى لو غادرت هذا المكان للأبد ...........[ندعوك للتسجيل في المنتدى أو التعريف بنفسك لمعاينة هذه الصورة]

وبعد مغادرة الشاب جاء أحمد لى وحدثنى برفق :شوف يا خالد انا عارف انت جيت هنا ازاى لكن مش عارف انت واخد الموضوع على انه اهانة ليه ؟ علشان انت طالب فى الثانوية ؟ طيب انا خريج كلية تجارة ! وواخد كورسات كومبيوتر كتير....... ودخت على ما لقيت الشغل ده وبحمد ربنا ليل ونهار على نعمته لأن مليون واحد يتمنى وقفتك دى .......وبعدين انت لو كنت رحت اوروبا ولا امريكا فى الصيف مش كنت ح تتمرمط هناك وح تيجى تحكى عن تعبك هناك وبهدلتك بمنتهى الفخر ؟ اشمعنى هنا يبقى عيب وحرام ؟ بكرة تشوف حلاوة القرش اللى بتكسبه من عرقك وتعبك وازاى مش ح يهون عليك تصرفه فى كلام فاضى .....

يالا يا شيخ تعالى اوريك انت غلطت فى ايه فى التصوير علشان ما تكررهاش تانى ........[ندعوك للتسجيل في المنتدى أو التعريف بنفسك لمعاينة هذه الصورة]

احسست بالهزيمة امام منطقه ولكنى لازلت اشعر انى فى المكان الخطأ ......ولكنى ركزت هذه المرة فى كلام احمد واستطعت تنفيذه مع الزبون التالى طبعا ببطء شديد جدا ولكن الحمد لله بلا اخطاء قاتلة ......

وبعد حوالى 3 ساعات كدت أسقط من شدة الارهاق والتعب والجوع ....- ياريتنى اكلت معاهم وما عملتش نفسى ابو على [ندعوك للتسجيل في المنتدى أو التعريف بنفسك لمعاينة هذه الصورة]!!- ولازال امامى 3 ساعات أخرى .....وتعجبت ان أحمد لا يكل ولا يتعب يبدو انه من سلالة زينة وهرقليز !!!!!!!!!!!
[ندعوك للتسجيل في المنتدى أو التعريف بنفسك لمعاينة هذه الصورة]

وبمرور الوقت اعتدت الامر قليلا وأخبرنى أحمد انه ممكن ان يجعلنى اكتب فقط الرسائل العلمية على الكومبيوتر لو كانت خبرتى فى الكومبيوتر عالية..... وأحرجت ان أخبره ان خبرتى فيه فى الالعاب والشات فقط [ندعوك للتسجيل في المنتدى أو التعريف بنفسك لمعاينة هذه الصورة]!!.....ولكنى أخبرته انى سأتدرب على الاقل كى أرحم نفسى من الوقوف الرهيب لساعات وساعات ..........

وأخيرا قارب اليوم على الانتهاء وانا اكاد ارقص انى سأعود للبيت لأنام زى القتيل ...حتى دخل مجموعة من الشباب يطلبون تصوير بعض الاوراق وهم يتحدثون ويضحكون بأصوات صاخبة ......حتى توقف اثنين منهم كانوا زملائى فى المدرسة وحملقوا فى بشدة وصرخوا :وااااو !!! خاااالد ؟!!!! انت بتشتغل هنا ؟؟ معقووول ؟!!!!!!!!!![ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههههههههه
حلقة جميلة
وربنا يكون فى عونك يا خالد

شكرا ليكى ساسو

» دعاء مصري
» انتحار شرطي مصري لأنه لم يحصل على إجازة