بيت مصرى جدا

موضوع: بيت مصرى جدا الثلاثاء أبريل 01, 2008 1:32 am

السلام عليكم ورحمة الله وبركاته
ازيكوا يا جدعان
انا النهاردة جايبلكوا قصة بيت مصرى جدا جدا وهى عبارة عن اجزاء يعنى لو لقيت تفاعل وقبول منكم هنزل الاجزاء كلها ان شاء الله وارب تعجبكم

يلا الجزء الاول

استيقظت الأم سعاد في إرهاق واضح قبل الشروق بربع ساعة ....جاهدت لتحاول إيقاظ جسدها المجهد واللحاق بصلاة الفجر قبل الشروق [ندعوك للتسجيل في المنتدى أو التعريف بنفسك لمعاينة هذه الصورة]........مشيت على أطراف أصابعها كي لا توقظ زوجها الذي صلى قبلها ......توضأت وصلت الفجر وجلست لحظات ثم قامت الى المطبخ كى تحضر طعام الغداء كي يكون جاهزا عند عودتها من عملها ........

(حد فى الدنيا يصبح يقشر بصل ؟ [ندعوك للتسجيل في المنتدى أو التعريف بنفسك لمعاينة هذه الصورة]) تمتمت فى سرها ووجهها الوردى المشرب بحمرة يزدادا احمرارا من تقشير البصل .....سارعت لوضع اللحم ليسلق وهى تدعو الله الا يكون الجزار كالعادة ضحك على زوجها وأعطاه لحم عجوز لا ينضج الا بعد 6سنوات [ندعوك للتسجيل في المنتدى أو التعريف بنفسك لمعاينة هذه الصورة]!!! سارعت بضرب الطماطم فى الخلاط ومدت يدها لاخراج كيس من البسلة المخلوطة بالجزر الى أعدتها بالأمس وهى تشاهد المسلسل العربى وتغالب النوم ........[ندعوك للتسجيل في المنتدى أو التعريف بنفسك لمعاينة هذه الصورة]

.نظرت الى الساعة وجدتها السادسة والربع حالا ستبدأ غارة ايقاظ الأولاد للذهاب الى المدرسة مرت على غرفة ابنها خالد وجدته مستلقى على فراشه بالعرض والغطاء مكوم على الأرض والغرفة فى حالة فوضى كأن قنبلة نووية مرت بها وتركت ابنها حى يرزق !!!

[ندعوك للتسجيل في المنتدى أو التعريف بنفسك لمعاينة هذه الصورة] (اصحى يا خالد يالا ح تتأخر عن المدرسة مش كل يوم تعذبنى على ما تصحى )

وأخذت تلتقط الاكواب الملقاة حول جهاز الكومبيوتر والأطباق الملقاء فوق الكتب فى سيريالية عجيبة وحاولت بصعوبة استخراج كتبه من بين الانقاض بلا جدوى !!

(اصحى يابنى بلاش غلب على الصبح !!) [ندعوك للتسجيل في المنتدى أو التعريف بنفسك لمعاينة هذه الصورة]

فرد عليها بصوت نائم متذمر (ياماما حرام عليكى انا نايم الساعة 3 سيبينى انام شوية)[ندعوك للتسجيل في المنتدى أو التعريف بنفسك لمعاينة هذه الصورة]

ردت بصوت غاضب اهتز له جسدها البدين ( انت غبت امبارح من المدرسة يلا علشان تروح ولا عاوز ابوك يعملها لنا حكاية ؟ انت ناسى انك فى تانية ثانوى ؟ ثانوية عامة يابنى !!! 5 دقايق والاقيك لبست هدومك !!!! [ندعوك للتسجيل في المنتدى أو التعريف بنفسك لمعاينة هذه الصورة])

وخرجت من غرفته حاملة كارثة متحركة من الاكواب والاطباق والاوراق وذهبت الى المطبخ .....

وخرجت لغرفة ابنتها الصغرى ملك ذات الثمانى سنوات وكالعادة صراخ وبكاء وادعاء انها مصابة بمغص رهيييييب وان فيل هندى مر على قدمها بالليل ولهذا لا تستطيع الذهاب الى المدرسة [ندعوك للتسجيل في المنتدى أو التعريف بنفسك لمعاينة هذه الصورة]!!

خرجت الام من غرفة ملك وهى تجرى على المطبخ بعد ما شمت رائحة شياط البسلة ....وأخذت تهذى بكلمات ساخطة ( على الخلفة واللى بيخلفوها !!) وانقذت البسلة بأعجوبة ووجدت اللحم – كالعادة - مازال أمامه ساعتين كى ينضج بعد ما امتص كل المرق ومازال كجلمود صخر [ندعوك للتسجيل في المنتدى أو التعريف بنفسك لمعاينة هذه الصورة]!!

وهنا فاض كيلها وصرخت فى كل النائمين ( حرام عليكم انا ح ألاقيها من الطبيخ ولا من الشغل ولا من تنضيف البيت ولا من المدارس .....يالا كلكم تصحوا فى دقيقة واحدة !!!![ندعوك للتسجيل في المنتدى أو التعريف بنفسك لمعاينة هذه الصورة])

وكأن هذه الصرخة هى علامة الخطر بالنسبة لخالد وملك فقاموا على الفور من غرفهم وكالعادة المعركة اليومية على دخول الحمام التى انتهت بتسرب ملك كالزئبق من فتحة الحمام وتركته يتوعد لها عندما تخرج !!!!!!![ندعوك للتسجيل في المنتدى أو التعريف بنفسك لمعاينة هذه الصورة]

أعدت الأم الافطار ودخلت غرفتها كى ترتدى ملابسها على عجل كى تلحق بعملها فى موعدها فالأمر لا يحتمل شخطة من المدير ولا مقلب جديد من احدى الزميلات المخلصات [ندعوك للتسجيل في المنتدى أو التعريف بنفسك لمعاينة هذه الصورة]!!!!! استيقظ زوجها محمود على حركتها وهى ترتدى ملابسها ودون أن يفتح عينيه كى لا يطير النوم منهم قال لها بصوت متذمر ( هو مفيش يوم الواحد يصحى من غير سارينة الانذار دى ؟ [ندعوك للتسجيل في المنتدى أو التعريف بنفسك لمعاينة هذه الصورة])

كادت ترد عليه بعصبية ولكن لم تشأ ان تبدأ يومها بخناقة وجزت على أسنانها وهى تنظر للساعة فى استغاثة ( صباح الخير يا محمود الولاد ما بيصحوش الا بالطبل البلدى .......يالا أحسن ح تتأخر على شغلك انت كمان !!)

دفن رأسه تحت المخدة وهو يقول( لسه ح انام شوية كمان !![ندعوك للتسجيل في المنتدى أو التعريف بنفسك لمعاينة هذه الصورة])

تمتمت فى سرها ( هم العيال جايبينه من برة ؟[ندعوك للتسجيل في المنتدى أو التعريف بنفسك لمعاينة هذه الصورة]) وضبطت له المنبه ليوقظه بعد ربع ساعة كى لا تقوم غارة عند عودتها انها هى من تركته نائم وانها السبب فى تأخيره [ندعوك للتسجيل في المنتدى أو التعريف بنفسك لمعاينة هذه الصورة]!!!!

اتمت ارتداء ملابسها وخرجت وجدت خالد وملك ارتدوا ملابس المدرسة ويتناولون الافطار ....... وامسكت شعر ملك لتمشيطه وهى تأكل فاعترضت وقالت ( ياماما كده الأكل ح ينزل فى شعرى !!!)

فقالت لها فى تعجب ( ياستى اللماضة دى مش بأشوفها الا فى البيت وفى المدرسة بتسيبى البنات يضربوكى ليه ؟)

فدافعت عن نفسها وقالت (لا ياماما محدش بيضربنى ده انا اللى بأموتهم من الضرب حتى اسألى خالد....... مش كده ياخالد ؟ )

[ندعوك للتسجيل في المنتدى أو التعريف بنفسك لمعاينة هذه الصورة] فأجاب على طريقة فؤاد المهندس (اه طبعا على يدىىىىىى !!)[ندعوك للتسجيل في المنتدى أو التعريف بنفسك لمعاينة هذه الصورة]

فأنهت الأم الصراع المتوقع وقالت لخالد بطريقة آمرة ( خالد توصل أختك لحد باب المدرسة وما تسيبش ايديها مفهوم ؟[ندعوك للتسجيل في المنتدى أو التعريف بنفسك لمعاينة هذه الصورة] )

وهمت بالخروج ثم عادت لتتأكد انها أغلقت البوتاجاز ولم تترك الحنفية مفتوحة ثم مرت على غرفة ابنتها الكبرى سلمى وفتحتها بهدوء ووجدتها نائمة فى هدوء تحتضن الوسادة وكأنها تحتضن صورة فارس الاحلام وبجوارها عدة كتب يبدو انها أمضت الليل فى قراءتهم وأيقظتها بهدوء فاستيقظت وهى تبتسم لأمها وتقول ( لها صباح الخير ياقمر [ندعوك للتسجيل في المنتدى أو التعريف بنفسك لمعاينة هذه الصورة])

فأشرق وجه الأم لأول مرة منذ استيقاظها وقالت لابنتها فى حنان ( صباح النور ياحبيبتى .....بصى كملى سوا اللحمة واعملى الرز قبل ما اخواتك ييجوا وما تنسيش تنضفى البيت كويس .....يالا كملى نومك ياحبيبتى !!!)

فردت بصوت نصف نائم ( حاضر ياماما !!) ثم احتضنت وسادتها وأكملت أحلامها .....

نظرت اليها الأم بحنان وهمست (ربنا يعدلهالك ياسلمى يابنتى يارب !!!!!!!)

منقووووووووووووووووووووووول

هههههههههههههههههههه

مصري مصري

كملي كملي

مرسيه ياقمر

ههههههههههه
طب اشوف بس باقى الاراء وانزل الحلقة التانية يا سمسمة
ميرسى على متابعتك

ههههههههههههههه
لذيذه جدا
في انتظار البقيه

ههههههههههههههههههههههههههه
لا بجد مصرى مصرى
مش اى كلام يعنى
مستنيين الباقى

مثبت

شكرا يا جماعة لمتابعتكم
وبما انها عجبتكم هنزل الفصل التانى ويارب يعجبكم هو كمان
وبجد ميرسى كتيييييييييييييييير على التثبيت ودة بيشجعننى اجيب ليكو حاجات اكتر

الحلقة الثانية

دق المنبه بجوار سلمى معلنا العاشرة صباحا ومعلنا أيضا انتهاء الحلم الجميل الذى كانت تحلمه والذى تحلمه منذ سنوات !!!

مدت يدها لتسكت صوت المنبه المزعج وهى لا تزال مغمضة العينين وكأنها لا تريد ان تترك الحلم ابدا [ندعوك للتسجيل في المنتدى أو التعريف بنفسك لمعاينة هذه الصورة].....ثم قامت الى الحمام لتزيل آثار النوم عنها كى تبدأ رحلة الشقاء اليومى فى تنظيف الدمار الشامل الذى يتركه اخوتها خلفهم .....

دخلت المطبخ لتجد بقية طعام الغداء لم يعد ومدفعية من الاطباق والحلل فى انتظارها [[ندعوك للتسجيل في المنتدى أو التعريف بنفسك لمعاينة هذه الصورة]

IMG][ندعوك للتسجيل في المنتدى أو التعريف بنفسك لمعاينة هذا الرابط] اعدت كوبا من الشاى وقطع من البسكويت لافطارها وأعادت فتح النار على اللحم كى تحدث المعجزة وينضج قبل وصول ثورة الجياع !![ندعوك للتسجيل في المنتدى أو التعريف بنفسك لمعاينة هذه الصورة]

ياساتر يارب هى حركة طالبان كانت بايتة مع خالد فى اودته[ندعوك للتسجيل في المنتدى أو التعريف بنفسك لمعاينة هذه الصورة] ؟! .... بجد حرام كل يوم انظفها وأخليها تبرق وهم ساعتين زمن ويخليها كأن قطر امبابة عدى من جواها!!![ندعوك للتسجيل في المنتدى أو التعريف بنفسك لمعاينة هذه الصورة]

انا ايه اللى خلانى أسيب الشغل بس [ندعوك للتسجيل في المنتدى أو التعريف بنفسك لمعاينة هذه الصورة]؟ مش كان احسن من وجع القلب ده ؟ بس احسن ازاى ؟ ده انا كنت باخد بالعافية 200 جنية وبأصرف اكتر منهم مواصلات ولبس وخلافه .....ده غير عدد ساعات الشغل اللى ممكن توصل من 9 صباحا لحد 6 مساءا وساعات اكتر لما يكون فيه جرد ولا حاجة ........[ندعوك للتسجيل في المنتدى أو التعريف بنفسك لمعاينة هذه الصورة]

لما بقيت زى لاجئى الصومال من الطاحونة اللى دايرة فيها ليل ونهار[ندعوك للتسجيل في المنتدى أو التعريف بنفسك لمعاينة هذه الصورة] ده غير المضايقات اللى لازم تتعرض لها اى بنت وخصوصا لو كانت مش مرتبطة ........ياستى خلى البساط احمدى هو فيه حد سامعنا ما تقولى عانس !!![ندعوك للتسجيل في المنتدى أو التعريف بنفسك لمعاينة هذه الصورة]

خلاص ما بقتش أخاف من الكلمة دى من كتر ما حسيتها فى عيون الناس يعنى انا داخلة على 29 سنة دلوقتى ........أصحاب كتير لى اتجوازوا وولادهم دخلوا المدرسة كمان وبيقولوا لى يا طنط سلمى [ندعوك للتسجيل في المنتدى أو التعريف بنفسك لمعاينة هذه الصورة]!! يعنى خلاص فاضل لك زلطة وتاخدى استمارة ستة يا جميل !!![ندعوك للتسجيل في المنتدى أو التعريف بنفسك لمعاينة هذه الصورة]

نظرت الى المرآة انظر الى ملامحى قد لا أكون جميلة بالمعنى المفهوم ولكن ملامحى متناسقة وشعرى طويل يعنى متوسطة الجمال زى الاف البنات وكمان اهلى حالتهم متوسطة ....

يبقى العريس ح ييجى على ايه ياسمسمة [ندعوك للتسجيل في المنتدى أو التعريف بنفسك لمعاينة هذه الصورة]؟ دلوقتى كل واحد بيحسبها بالورقة والقلم هى بنت مين وعندها كام وجميلة قد ايه ؟ الا من رحم ربى يييييه انا تعبت من التفكير فى الحدوتة دى .....يعنى اللى اتجوزوا خدوا ايه ؟[ندعوك للتسجيل في المنتدى أو التعريف بنفسك لمعاينة هذه الصورة]

يالا بلا جواز لا وجع قلب ........

وأخذت تنظف حجرة ملك الصغيرة وهى تضحك على تعليقاتها المكتوبة بين طيات كراسات المدرسة ( يارب المدرسة تتهد يوم الاتنين اللى جاى !!) (مش فاهمة حاجة خالص فى الحساب ولا العربى !!) ( الميس دى غلسة اوى !!)[ندعوك للتسجيل في المنتدى أو التعريف بنفسك لمعاينة هذه الصورة]

وأنهت تنظيف الحجرة وجلست تستريح قليلا وهى تلملم الوان ملك وأوراقها ووجدت نفسها تلعب بالالوان وترسم وكأنها تنفس عن بخار مكتوم بصدرها لم يجد له طريقا الا على الورق .....

رسمت بيت كبير على جدرانه قلوب وأشجار بلا حواجز او جدران وبه رجل طويل القامة قوى البنيان حاد النظرات ولكن على شفتيه ابتسامة حنونة .....يمسك بيده ورود ونجوم ومفاتيح لغرف سرية مجهولة .......وخلفه باب صغير نصف مغلق يطل منه رأس طفل جميل وكأنه يختبأ من العالم ويحمل فى عيونه جمال الضوء ورقة النسيم .......

وأفاقت من أحلامها على صوت جرس الباب وهو يعلن وصول أول القادمين وكان خالد...........

( ايه اللى رجعك بدرى كده !!)[ندعوك للتسجيل في المنتدى أو التعريف بنفسك لمعاينة هذه الصورة]

(عادى يا بنتى هو لازم استنى الحصة الاخيرة والحوارات دى ؟ هو نص جنيه للبواب والدنيا تبقى فل !!)[ندعوك للتسجيل في المنتدى أو التعريف بنفسك لمعاينة هذه الصورة]

فصرخت سلمى : ( زوغت يا فالح ؟ والله لو بابا عرف ليقطم رقبتك )[ندعوك للتسجيل في المنتدى أو التعريف بنفسك لمعاينة هذه الصورة]

فرد بملل ) خلاص بقى خليكى حلوة وبلاش تقولى له وانا ح آكل وانام على طول علشان أسهر أذاكر للصبح يا جميل [ندعوك للتسجيل في المنتدى أو التعريف بنفسك لمعاينة هذه الصورة])

( أمرى لله بس استنى شوية على ما أجهز لك الأكل .....ربنا يرحمنى من الغلب ده يارب !!)[ندعوك للتسجيل في المنتدى أو التعريف بنفسك لمعاينة هذه الصورة]

فرد بتلقائية ( ياستى ما احنا بقى لنا مية سنة بندعى ... كبرى بقى يا سمسمة [ندعوك للتسجيل في المنتدى أو التعريف بنفسك لمعاينة هذه الصورة])

فتكهربت سلمى من رده الجارح وان كانت سمعت مثله كثيرا فى مجتمع لا يرحم الأنثى الا لو كان فى احدى يديها صك اعتمادها كمخلوق من الدرجة الاولى .....ولكنها لم تبدى ألمها وردت بساطة ( خلهم مية وواحد ياسيدى !!!!!!!)[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههههه

حلوة حلوة

برشا

مرسيه

ههههههههه
انتى قلبتى تونسية كدة لية يا سمسمة
ميرسى لمتابعتك وانتظرى الحلقة الثالثة

ههههههههههههههههههه
جميله مووت يا ساسو
مستنيين الباقى
اما نشوف العفريته الصغيره دى
حتيجى الحلقه الجايه ولا لا

هههههههههههههههههههه
ان شاء الله شوية وهنزل الحلقة الثالة وانتظرونى
تحياتى لمتابعتك وهتشوف العفريتة الصغيرة ههههههههههههههههه

هههههههههههههههه
ربنا معاها سلمي
الكبيره دايما بتبقى كده
الحمد لله انا مش الكبيره

شكرا ساسو وفي انتظار البقية

الحمدلله يا كيت كات
ميرسى على متابعتكم

ندخل على الحلقة التالتة

الحلقة الثالثة

جلست سعاد تتابع المسلسل العربى وفى يدها جوارب خالد ترتقها وكأنها لاتريد ان تجلس بلا عمل ....كانت عيناها مثبتة على التليفزيون وقسمات وجهها تتغير مع تغير المشاهد من ابتسام الى حزن الى مصمصة الشفاة على حال الدنيا .....الى الدعاء على الازواج المفتريين .....فيرمقها زوجها بنظرة مداعبة من تحت الجريدة التى يقرأها فتسارع بالقول : اللى فى التمثيلية بس يا أبو خالد !!

ثم تبحث عن سلمى فلا تجدها بجوارها ثم تجدها فى البلكونة وحيدة تطالع المارة فتنادى عليها : تعالى ياسمسمة اتفرجى معانا دى الحلقة النهاردة حلوة اوى !!

فترد سلمى بلا اهتمام : ( حلوة ايه بس ياماما ده البطل بقاله 5 حلقات بيطلع فى الروح ولسه ما ماتش .... هو انا ناقصة خنقة ؟ [ندعوك للتسجيل في المنتدى أو التعريف بنفسك لمعاينة هذه الصورة])

فمصمصت شفتاها وقالت لها ( انتى كده مالكيش فى الطيب نصيب ده البطل عامل عمايل وهو بيموت [ندعوك للتسجيل في المنتدى أو التعريف بنفسك لمعاينة هذه الصورة]!! طيب تعالى اعملى لنا كوبايتين شاى انا وابوكى .....)

فذهبت سلمى الى المطبخ لعمل الشاى ففوجئت بملك تخرج من غرفتها كالصاروخ وتترك واجبها بالطبع لتقول لها ( وانا كمان اعملى لى كوباية شاى يا أبلة سلمى احسن دماغى اتقلبت خالص من الواجب وعمايله .......بس سكر كتير الله يكرمك !!)[ندعوك للتسجيل في المنتدى أو التعريف بنفسك لمعاينة هذه الصورة]

وقبل ان ترد سلمى سمعت هدير صوت أمها وهى تكاد تأكل ملك بأسنانها ( شاى ايه اللى عاوزة تشربيه يا مقصوفة الرقبة ؟ ادخلى يا هانم كملى واجب الحساب قبل ما أقوم لك !![ندعوك للتسجيل في المنتدى أو التعريف بنفسك لمعاينة هذه الصورة])

فجريت ملك على غرفتها وهى تبرطم بكلمات غير مفهومة عن السكن على كوكب المريخ !!! [ندعوك للتسجيل في المنتدى أو التعريف بنفسك لمعاينة هذه الصورة]

فابتسم الاب من خلف نظارته الطبية وقال لزوجته : ياشيخة حرام عليكى كنتى سيبيها تتفرج على التمثيلية شوية !!

فردت بامتعاض : تمثيلية ايه بس؟ والله انك طيب.... دى طول النهار من ساعة ما رجعت من المدرسة وهى بتلعب على الكومبيوتر بتاع أخوها ولازقة فى التليفزيون ورامية الواجب لحد قبل ما تنام بساعة ....ويقعد الهم لى أنا !![ندعوك للتسجيل في المنتدى أو التعريف بنفسك لمعاينة هذه الصورة]

فصمت الاب كعلامة على استسلامه ثم نظر الى ساعته فوجدها تقارب التاسعة فسألها بقلق : هو الواد خالد اتأخر كده ليه ؟ ده ما رجعش من الساعة 3 من بعد ما اتغدى على طول ؟!!

فمصمصت شفاها وردت باشفاق : عينى عليه يا حبيبى مموت نفسه فى الدروس الخصوصية والمذاكرة .......ادعى له يا ابو خالد الله يكرمك !![ندعوك للتسجيل في المنتدى أو التعريف بنفسك لمعاينة هذه الصورة]

فرد بسخط : والله انتى اللى مدلعة الواد ده علشان الوحيد .....مش فاهم يعنى ايه دروس فى كل المواد ليه يعنى ؟ ح يسقوا له العلم فى كوباية ؟[ندعوك للتسجيل في المنتدى أو التعريف بنفسك لمعاينة هذه الصورة]

فردت بدهشة : هو احنا بس اللى كده ؟ ما كل الدنيا على ده الحال .....كل الناس بتاخد دروس فى كل المواد فى الثانوية العامة .......ده فيه كمان اهالى بيدوا فى المادة الواحدة درسين استاذ يشرح كويس والثانى بيحل مسائل ويراجع كويس !!

فأجاب بحنق بالغ :والله العظيم الدلع ده هو اللى ح يضيع الولد ده .....يعنى نبيع اللى ورانا وندخل بمرتبنا كله جمعيات علشان البيه ما يتعبش نفسه فى مادة ولا مادتيين ويذاكرهم لوحده ؟[ندعوك للتسجيل في المنتدى أو التعريف بنفسك لمعاينة هذه الصورة]

[right]وعاوزاه يطلع بعد كده راجل ؟ اذا كان مش حاسس اصلا قد ايه احنا بنموت نفسنا ونحرم روحنا من كل حاجة علشان فلوس الدروس الخصوصية بتاعة الباشا ......وياريته حاسس بكده لا ده طول الليل عامل نفسه بيذاكر وهو قاعد على الكومبيوتر ما اعرفش بيعمل ايه ....والله حرام النار اللى مكويين بيها دى !!

فزفرت باستسلام وهى تقول : عندك حق والله انا مش عارفة فلوس الجمعيات دى ح تخلص امتى – ده حتى فلوس الجهاز اللى كنت بأشيلها لسلمى كل شهر – مش عارفة اشيل لها حاجة من فترة .....بس معلش ان شاء الله ييجى بفايدة ويجيب مجموع حلو يفرحنا ان شاء الله ......

فأجاب بصدق : هو انا يا سعاد ح أستخسر فى ابنى ؟ انا نفسى اشوفه احسن واحد فى الدنيا كلها ....بس اللى مزعلنى اننا زمان كنا بنشيل هم اهالينا ح يدفعوا مصاريفنا ازاى لكن دلوقتى الانانية بقت هى الاساس .....الابن مالوش دعوة اهله يجيبوا له الفلوس منين ؟ المهم انه ياخد دروس فى كل المواد حتى لو مش محتاج لها والمهم انه يجيب لبس عجيب زى اللى أصحابه لابسينه ويجيب احدث السيديهات والشرايط ويخرج ياكل فى المطعم الفلانى ويدخل السينما الفلانية مع الشلة والا ح يبقى ابوه دقة قديمة ومش عاوزه يبقى زى اصحابه .............[ندعوك للتسجيل في المنتدى أو التعريف بنفسك لمعاينة هذه الصورة]

فردت باستسلام : ح نعمل ايه يا ابو خالد هو زمانهم كده ......

.ثم ضحكت لتلطيف الجو وقالت : انت اللى الظاهر عجزت علشان كده زعلان من الشباب ......ح ناخد زماننا وزمن غيرنا ؟[ندعوك للتسجيل في المنتدى أو التعريف بنفسك لمعاينة هذه الصورة]

فلانت ملامحه وابتسم :ماشى يا ستى انا عجزت بس انتى ما شاء الله عليكى كل سنة بتبقى احلى من اللى قبلها !![ندعوك للتسجيل في المنتدى أو التعريف بنفسك لمعاينة هذه الصورة]

فاحمروجهها وأرضاها اطراء زوجها لها وقالت بخجل : (بس بقى يا ابو خالد سلمى تسمعنا !)[ندعوك للتسجيل في المنتدى أو التعريف بنفسك لمعاينة هذه الصورة]

ففوجئت بسلمى ممسكة صينية الشاى وهى تضحك وتقول : ( انا هنا من الصبح يا جميل ....ولو عاوزانى اروح اجيب مشبك من دمياط وارجع بكرة انا تحت امرك !!)[ندعوك للتسجيل في المنتدى أو التعريف بنفسك لمعاينة هذه الصورة]

ههههههههههههههههههههههههههههههههههههههههههه
والله جامده بالذات مقصوفة الرقبه اللى عاوزه شاى
وسلمى برده
حلوه الحته بتاعه مشبك من دمياط دى

تسلمى ساسو
عاوزين البااااااااااااااااقى

ههههههههههههههههههههه

حلوة

فكرتيني بحدوتة الدروس دي والثانوية

فكرتيني بالمدرسة والذي مضى ياثاثو

هههههههههه

وحلوة مشبك من دمياط ههههههههههههه

مرسيه ليكي

هههههههههههههههههههههههههههه
جميله الحلقه دي

شكرا ساسو
وعايزيييين الباقي

موضوع: رد: بيت مصرى جدا السبت أبريل 26, 2008 2:28 am

هههههههههههههههه
كلكوا عاجبكوا المشبك دة خلاص اانا روحت اجيبه وجبت معايا الحلقة الرابعة
وتحياتى على متابعتكو
يلا اقروها وقولوا رأيكو

الحلقة الرابعة

رجع خالد مع أصحابه من السينما وهم يدخنون السجائر ويضحكون بصوت عالى ويعلقون على الفيلم الذى شاهدوه

-احمد : بصراحة فيلم جامد موت .....ولا العربية اللى البطل كان راكبها دى ييجى لها بنص مليون جنيه

- خالد : ياعم هى العربية بس ؟ شفت الفيلا ولا الشالية اللى كانوا بيصيفوا فيه ؟ انا مش عارف العالم دى بتجيب الفلوس منين ؟

-احمد : مش كان الواحد طلع لقى عنده اب متريش كده بدل الفقر اللى احنا فيه ؟

-فرد خالد بضيق : انا عارف ايه البخت ده ياعم ده الواحد كل ما يشوف تمثيلية ولا فيلم يلاقى الحوارات بتاعة الفيلل والقصور كأن دى بلد تانية مأجرينها !!

-احمد : لا ويقولك ذاكروا وموتوا نفسكم فى الثانوية العامة .......علشان تدخل الجامعة وتقعد تذاكر كمان 4 او 5 سنين وبعدين تقعد جنب والدتك تقشر بصل طيب ما نقشره من دلوقتى احسن ........!!!!!!!

-

- فقال خالد بانفعال : والله العظيم كل ما اقول ح أذاكر وابطل تكبير الدماغ ده اقول وأخرتها ايه يعنى ؟ وايه الفايدة ؟ بلا وجع قلب ياعم !!!!
-احمد : لا وكمان مطلوب منك لما تتخرج انك تتجوز وتفتح بيت ده على اساس انك اصلا ح تكون اشتغلت واشتغلت بالفين جنية كمان !!! يعنى ممنوع ولا واحد يتجرأ ويفكر يحب ولا يتجوز ..........ويقول لك يا عم حوار الجواز العرفى ده انتشر ليه ؟ العام دى مش حاسة بحاجة ولا بيهرجوا ؟

-فرد خالد باحباط شديد : خلاص ياعم احمد نكدت علينا يالا انا مروح أحسن أبويا زمانه بلغ البوليس !! سلاااااااام
-
-
-
استقبله والده بقلق عاصف وغضب عارم : كنت فين ياباشا ؟ كان مفروض ترجع من 3 ساعات وزيادة !!!!

فاستعد خالد لتأليف كذبة جديدة وقال ببراعة : معلش يابابا اصل مدرس الكيمياء اتأخر وبعدين بعد ما جه قسمنا مجموعتين وانا كنت فى التانية وبعدين .......

فأنقذته أمه من براثن أبيه وقالت : خلاص ياحبيبى ربنا يعينك اكلك جوة فى المطبخ كل وادخل نام وح اصحيك الفجر تذاكر شوية ....

فلم يضيع الفرصة واطلق الريح لساقيه وترك امه تواجه البركان وحدها

-والله العظيم ياسعاد الولد ده لو باظ يبقى دلعك فيه هو السبب !!!

-فردت باستكانة : هو احنا عندنا غيره ياابو خالد؟ ربنا يخليهولك ده راجلنا وسندنا من بعد عمر طويل لك يا اخويا وبعدين ماهو مموت نفسه فى الدروس والسهر اهه .....حيعمل ايه تانى ؟

-............. وتركها ودخل غرفة نومه .....

-فدخلت وراءه وابتسمت لتلطيف الجو استعدادا لالقاء قنبلة جديدة : ربنا يخليك لينا وتشيل ولاده وولاد سلمى وملك كمان !!!!!!!

-فرد بحزن وشرود : سلمى .........

-فوجدتها الفرصة المناسبة لتطلب طلبها : مالك سهمت كده ليه بكرة ان شاء الله تتجوز وييجى لها عدلها وتفرح بولاد ولادها ...بس هى لو تخرج وتشوف الدنيا يمكن العريس ييجى .......انت مش بتشوف البنات عاملين ايه فى نفسهم علشان يتجوزوا ........عارف سعاد اللى فى العمارة اللى جنبنا حنتها بكرة ومامتها عازمانا انا وسلمى وملك اصل القعدة كلها ستات وبنات بس .....عارف ....

-فقاطعها بغضب : كفاية ياسعاد انتى عارفة انى مش باحب ادلل على بنتى علشان تتجوز ده رزق ربنا كاتبه باليوم والساعة مش محتاج اننا نلف على الافراح علشان نجيبه !!

-فردت عليه بتوسل : ياسيدى ادينا بنسعى للرزق ده !! وبعدين اهى فرصة البنت تخرج شوية بدل الحبسة اللى هى فيها دى على طول ..علشان خاطرى يا محمود ما ترفضش لو صحيح انا غالية عندك !!

-فرد باستسلام وهو يستعد للنوم : خلاص انتو أحرار اعملوا اللى تعملوه تصبحى على خير

فطارت فرحا بموافقته التى انتزعتها منه وذهبت الى غرفة سلمى التى وجدتها تقرأ وقالت لها : سمسمة بابا وافق اننا نروح حنة سعاد بكرة !!

فدق قلبها لعرض امها لأنها تعلم توابعه وردت بقلق : معلش ياماما انتى عارفة انى مش باحب اروح افراح ..روحى انتى وملك !!

فهبط قلب الام فى قدميها لرفض ابنتها بعد كل ما فعلته : ليه بس يا حبيبتى اهو نغير جو البيت شوية وبعدين القعدة كلها بنات مفيش رجالة مش عاوزة تروحى ليه ؟

فعضت سلمى على شفتيها ولم تستطع ان تخبر امها كم تجرح كرامتها ونفسيتها فى مثل هذه القعدات الحريمى وردت باستكانة : اصلى ياماما ما اعرفش العروسة اوى وبعدين .......

فتوسلت امها اليها وهى تعلم سبب رفضها وقالت : علشان خاطرى ياسلمى والدة العروسة اتحايلت على يرضيكى اكسفها ؟ لو لى خاطر عندك روحى معايا وبعدين انتى عارفة المفعوصة ملك بتتعبنى قد ايه فى الخروج علشان خاطر ماما ياسمسمة !!

فردت سلمى باستسلام بعد كل هذا الحصار : خلاص ياماما ح اروح معاكى بكرة ان شاء الله !!!!!!!!!!

موضوع: رد: بيت مصرى جدا السبت أبريل 26, 2008 10:15 am

الله ينور يا ساسو
حلوه الحلقه
يلا كمليها باه

موضوع: رد: بيت مصرى جدا الأحد أبريل 27, 2008 12:40 am

هههههههه

تمام

بس ايه اللي بيحشر سمسمة في الليلة هههه

كملي

هههههههههههههههه
معلش يا سمسمة
تحياتى لمتابعتكم

الحلقة الخامسة

استيقظنا يوم الجمعة وتناولنا الافطار كالمعتاد ونزل ابى وخالد لصلاة الجمعة وظهرت على امى علامات التحضير لحرب البسوس تتحرك بسرعة فى كل مكان فى البيت وتلقى على الاوامر وترتب اشياء عجيبة ولا تكف عن النظر الى الساعة وكأننا على موعد مع الرئيس الامريكى !!!!!

جلست أراقبها وانا ابتسم من داخلى على طيبة هذه المرأة الرائعة ولا اريد ان اخالفها فى شىء فهى تظن ان مجرد ذهابى الى حنة جارتنا سيحل عقدة زواجى ويأتى لى بسيد العرسان !!

دفعت الى امى بطبق به زبادى وبيض وأشياء أخرى تشبه السبانخ !!وأمرتنى ان اضعها على وجهى – علشان اكون زى القمر !!- مش فاهمة ازاى ؟

حسيت انى لو حطيت الحاجات دى على وشى ح اطفش العرسان والمعازيم كمان .....لكنى لم أغضبها واستعنت بالله وحطيت اليخنى على وشى واستنيته لما يستوى !!!

وأخذت تخرج ملابسى من الدولاب لتختار منها طقم للخروج وأخذت تحدث نفسها وهى فى حيرة كبيرة ( ياربى تلبس ايه ؟ تلبس الفستان الاسود ؟ ليه هو احنا رايحين عزاء ؟ طيب الاخضر لا ده بيخليها زى ما تكون خارجة من القصر العينى !! التايير الابيض بس ده قديم وناس كتير شافوه احسن يقولوا اننا ما بنشتريش لها فساتين جديدة !! خلاص الطقم الكحلى ؟ لا بس طرحته بتخليها سمراء !! ايه الغلب ده ياربى ؟ امال تروح بالبيجاما ؟! يالا اهى موضة !!)

واستمرت ماما فى الكلام مع نفسها حتى رجع بابا وخالد من الصلاة ويبدو عليهم انهم متخانقين كالمعتاد وما ان رأى بابا سوق عكاظ المنشور فى الصالة حتى صرخ : ايه اللى بتعمليه ده ياسعاد ح تبيعى هدومنا لبتاع الروبابيكيا ولا ايه ؟

ولم ترد امى انما ردت المقروضة ملك وقالت له : (لا يابابا دى ماما بتختار لأبلة سلمى ح تلبس ايه فى حنة العروسة علشان تبقى حلوة و تجيب العريس من هناك !!)

وتكهرب الجو من كلمة ملك ولكزتها ماما فى صدرها كى تخرس وغضب بابا وصرخ فى ماما ( ماشاء الله حتى البنت الصغيرة كمان ياست سعاد ؟ ) ودخل الى غرفته وغلق الباب وراءه بعنف !!

وجريت ماما وراء ملك لتضربها فاحتمت فى صدرى وهى تصرخ (الحقينى يا ابلة سلمى ماما ح تموتنى !!)

وزفرت ماما فى انفعال وهى تتوعد لها ( والله العظيم لو اتكلمتى فى كلام الكبار تانى لأكون قاطمة رقبتك ....وانتى ياست سلمى قومى روحى الكوافير علشان تلحقى ترجعى وما نتأخرش )

ففوجئت بالعرض العجيب وقلت لها : كوافير ليه ياماما هو انا ح افك شعرى ؟ انتى نسيتى انى محجبة ؟

فتنهدت فى ضيق : لا ياستى ما نسيتش بس القعدة كلها ستات وبنات يعنى ممكن تفكى شعرك هناك والبنات بتروح عاملة تسريحات عجب اللى عاملاه كانيش والله عاملة برج الجزيرة فوق راسها !!

فنفذ صبرى وتمسكت بالرفض : انا بقى مش ح اقلع الحجاب هناك ياستى حتى لو كانوا عازمين عيال مش بنات هو انا بضاعة ح يتفرجوا عليها ؟ بصى ياماما انا اصلا مش عاوزة اروح المشوار ده خلاص اتفقنا ؟!

فصرخت فى غضب : خلاص انشالله مارحتى .......انا الحق على ....

فانحشرت ملك كالمعتاد : طيب اروح انا للكوافير ياماما ؟!

فصرخت ماما : آدى خلفة البنات آآآآآه !!!!!!!!!!!!!
-
-
-

وأخييييرا ذهبنا الى فرح جارتى ووجدتهم معلقين انوار كثيرة تملأ العمارة والشارع وأسفل البيت يوجد دى جى كبير يملأ الجو بأغاني الأفراح والشباب يرقصون حوله ولم ألمح العريس لأنه يبدو انه فى منزلهم فى فرح آخر كى لا يرى العروس قبل الزفاف كما تقتضى الاعراف الدولية !!

وصعدنا فى الدور الرابع متخطين نشارة الخشب الملونة التى تغطى السلالم والانوار الملونة والأطفال يتقافزوا على السلالم تاركين مولد الفرح لأصحابه!!!!

ودخلنا الشقة الواسعة لنجدها تحولت لما يشبه السيرك من الزحام الشديد وكأن كل بنات مصر جايين يباركوا ويهنوا !!

وفجأة تحولت أمى الى بطلة مصارعة وأخذتنى من يدى واخترقت الصفوف لتجلس بجوار العروس وما يتضمن ذلك من لكزة كوع أو كتف قانونى أو هبوط اضرارى على الارض للضحايا !!!

ثم وصلنا أخيرا الى هدفنا المنشود وأزاحت امى فتاتين من جوار العروس لنجلس بجوارها بنجاح ساحق وكأن اللى ح يقعد قدام ح يتجوز الاول !!!!!

ولأول مرة أنظر للعروس وهى فى كامل زينتها وجمالها و احساسها بالانتصار فى معركة الفوز بالعريس المنشود أضاف لها ثقة بالنفس وجمالا فوق جمالها ..... كانت تنظر الى الجميع بسعادة بالغة وهى تنقش نقوش الحناء الجميلة فوق يديها وقدميها وكأنها ملكة فرعونية تنتظر تتويجها بعد ساعات .....

لا أنكر انى تمنيت ان أكون مكانها وخاصة انها تصغرنى بعدة سنوات .......دفنت امنيتى القديمة فى الحب والاستقرار كى لا تظهر على وجهى اى تعبيرات يمكن ان تفسرعلى انها غيرة أو ما شابه .......

وأفقت من أحلامى على لكزة فى جنبى من احدى جارتنا المشهورة بدس أنفها فى كل شىء وكانت تسألنى بابتسامة صفراء :
-(عقبالك ياسلمى .....ايه مفيش مشاريع خطوبة فى السكة ؟ )

-آه ياربى السؤال اللى بأهرب منه من ساعة ما خرجت من بيتنا ولكنى رديت بغلاسة (لأ فيه بس انا مخبية !!)

فأحرجت من ردى البايخ ولاذت بالصمت وجلست أراقب معركة الرقص الدائرة بين البنات وكأنها أصبحت من مؤهلات الزواج الجديدة وكأن من ترقص أفضل ستأخذ تأشيرة خروج من دنيا العنوسة !!

وبحثت عن ماما لأجدها تتنقل بين المعزومات لتستقر فى النهاية بجوار امرأة لم أرها من قبل ومنخرطين فى حديث طويل لم أسمع منه شىء .......

وشعرت بالملل والصداع وأشرت الى ماما لننصرف فجاءت الى وهى تكاد ترقص من الفرحة وتقول لى ونحن فى طريقنا الى البيت (مبروك ياسمسمة جالك عريس !!)

هههههههههههه

الف مبروك

مرسيه حلوة

تحياتي

ههههههههههههههههه
الف مبروووووووك

مرسي كتير ساسو

موضوع: رد: بيت مصرى جدا الخميس مايو 01, 2008 7:47 am

الله ينور يا ساسو
جميله
مستنيين الباقى
شكرا ليكى

موضوع: رد: بيت مصرى جدا السبت أغسطس 09, 2008 1:33 am

وبعد طول غياب
انا جبتلكوا الحلقة السادسة

الحلقة السادسة

ما نمتش لحظة واحدة طوال الليل من شدة القلق .....عريس ؟! على طول كده ؟ ده احنا ما قعدناش فى الفرح ساعتين ؟ والبنات كانوا عاملين عمايل فى نفسهم رهيبة .....ليه أنا ؟ مش عارفة ليه مش مطمئنة للحدوتة دى !!!![ندعوك للتسجيل في المنتدى أو التعريف بنفسك لمعاينة هذه الصورة]

وخصوصا ان ذكرياتى مع العرسان كلها نكد .....اى واحد طهقان من عيشته او عاوز ينكد على بنات الناس كان بيجى لى !![ندعوك للتسجيل في المنتدى أو التعريف بنفسك لمعاينة هذه الصورة] وخصوصا ان طلباتى متواضعة جدا وكمان أهلى مش ماديين ويهمهم انهم يفرحوا بى مع عريس طيب ويتقى الله فى بنتهم .........

لكن ما شاء الله كل اللى اتقدموا لى فيهم عيوب قاتلة اللى ماعمره ما صلى الا فى المناسبات والاعياد الرسمية !! واللى عاوز يتجوز على مراته بدون اى أسباب !! واللى شخصيته بشعة وغاية فى التسلط عاوزنى اقطع علاقتى بكل الكون بما فيهم أهلى لو أمكن .......[ندعوك للتسجيل في المنتدى أو التعريف بنفسك لمعاينة هذه الصورة].وممنوع الزيارات والاجتماعيات بكل انواعها يعنى جواز مع الشغل والنفاذ !! يعنى بصراحة حاجة تخلى اى واحدة فى الدنيا تكره كلمة عريس وما يتبعها من الفرجة والزيارات المحبطة التى تنتهى دائما بكسرة قلب .......هو قلبى طبعا !!!!!![ندعوك للتسجيل في المنتدى أو التعريف بنفسك لمعاينة هذه الصورة]

- يالا بقى يا سلمى قومى من السرير احنا ورانا حاجات كتير ح نعملها ياعروسة !!

- رددت على ماما باحباط : عروسة ؟ بذمتك ما زهقتيش من الحدوتة دى ياماما ؟ خلاص بقى كبرى دماغك !!

-فدقت على صدرها : اكبر دماغى ؟ ليه هو انتى وحشة ولا انا نشرت لك اعلان اريد زوجا ؟ ماهى ام العريس هى اللى شافتك فى الحنة وطلبت انها تيجى هى وابنها علشان يقابلونا .......انا مالى بقى ؟ نقول للنصيب لأ؟

فجاوبتها بمكر : بذمتك يا جميل انتى ما حطيتى شوية البهارات بتوع الامهات زى – دى بنتى دى زى النسمة تتحط على الجرح يورم !!.....دى ست بيت لهلوبة تنضف ولا الفليت [ندعوك للتسجيل في المنتدى أو التعريف بنفسك لمعاينة هذه الصورة]!!...ده كان كلينتون شخصيا طالب ايدها واحنا اللى ما وافقناش صح ولا لأ ؟

فاحمر وجه ماما وارتبكت كالأطفال ولم تجد مخرج الا من استخدام سلطاتها كأم بالشخط فى : ياسلام عليكى يارايقة يالا عاوزين ننضف البيت قبل الناس ما ييجوا ولا الفلبينية بتاعتنا هى اللى ح تنضف البيت ؟[ندعوك للتسجيل في المنتدى أو التعريف بنفسك لمعاينة هذه الصورة]

-
-
مش عارفة ليه كل واحدة بييجى لها عريس بيحصل تار بينهم وبين فرش البيت؟ هاتك ياخبط ورزع وتنفيض ومسح وتتحول العروس المنتظرة الى زوبة الشغالة [ندعوك للتسجيل في المنتدى أو التعريف بنفسك لمعاينة هذه الصورة]!! كأن العريس ح يبص تحت السجاد يشوف الارض ممسوحة ولا لأ ؟ ما كفاية التنظيف اليومى العادى وخلاص ؟

حيلى اتهد خلاص انا وماما فى مسح وتنظيف الشقة وبعد أن أخييييرا انتهينا وظهرت على بوادر الكساح المبكر [ندعوك للتسجيل في المنتدى أو التعريف بنفسك لمعاينة هذه الصورة]........بدأت ماما فى القاء الاوامر يمين وشمال الى كل من فى البيت :

-خالد روح هات الجاتوة والحاجة الساقعة بسرعة ........خلينا نستفيد منك مرة واحدة لله !!

-ملك هانم روحى لطنط ليلى اللى فوقينا وقولى لها ماما بتسلم عليكى وتقول لك عاوزين طقم الكاسات المدهب واوعى تكسريه لأرميكى من البلكونة .....!![ندعوك للتسجيل في المنتدى أو التعريف بنفسك لمعاينة هذه الصورة]

-وانت ياابو خالد روح هات لنا فاكهة من عند الفكهانى اللى على الناصية أحسن ابنك بيقف زى البيه[ندعوك للتسجيل في المنتدى أو التعريف بنفسك لمعاينة هذه الصورة] ويجيب كل الفاكهة ضاربة مش عاوزين نتكسف قدام الناس .........

-وانتى ياسلمى قاعدة كده ليه ؟ قومى شوفى حتلبسى ايه ؟ وبلاش طقم الميتين البنى اللى انتى بتحبيه ........اصل ام العريس أروبة اوى !!

واندفع كل واحد من أفراد الكتيبة لأداء المهمة الموكلة اليه من الجنرال مانجر الست ماما .......الا انا كان جسمى مهدود من علقة التنظيف وكنت متأكدة انى اول ما ح ادخل اودتى ماما ح تندهنى لأى سبب من الأسباب !!
وفعلا !!!!!!!

-ما تنسيش ياسلمى تطلعى مفرش السفرة اللبنى اللى فى الرف اللى فوق فى الدولاب وتفرشيه واغسلى الورد احسن يقولوا جايبينه من القرافة [ندعوك للتسجيل في المنتدى أو التعريف بنفسك لمعاينة هذه الصورة]!! وطلعى طقم الشاى الصينى بتاع الضيوف واغسليه و .......

-الا صحيح ياماما هم العرسان ما بيشربوش الشاى فى الكوبايات ليه زى بقية مخاليق ربنا [ندعوك للتسجيل في المنتدى أو التعريف بنفسك لمعاينة هذه الصورة]؟ لازم فى الفناجين ؟ ده انا بيتهيألى انهم بيعملوا الفناجين مخصوص فى الاطقم الصينى علشان العرسان .........!!!!

-فردت بضيق : انا مش باخد منكم كلكم الا وجع القلب [ندعوك للتسجيل في المنتدى أو التعريف بنفسك لمعاينة هذه الصورة].. يالا يابنتى ورانا مية حاجة قبل ما الناس ييجوا !! علشان خاطرى يا سلمى لو لقينا العريس كويس نتكل على الله على طول !!!!!

-فرددت بقلق وتعب : ياماما ما تقلقيش انا كمان تعبت من حدوتة العرسان الخايبة دى .......كل واحد ييجى يتفرج على شوية ويسيبنى وياريت فى حد فيهم كويس كنت اتجوزت وخلصت لكن على يدك كلهم بسم الله ما شاء الله ينفعوا يروحوا الاصلاحية !!!!!!

والناس بتتهمنى انى انا اللى بارفض العرسان لحد ما كبرت طيب لو كان واحد فيهم بس فيه 10 فى المية من احلامى كنت اتجوزته علشان اخلص من كلام الناس والسنتهم اللى عاوزة قطعها .......ده انا حتى بطلت احلم ولا احط مواصفات للانسان اللى ح اتجوزه .....خلاص ما باقاش من حقى وانا داخلة على التلاتين ...دى البنات زى الرزوأصغر وأجمل منى ....... انا بقى اللى حا قعد واتشرط ؟ على ايه يعنى لا انا ملكة جمال ولا ابويا وزير ولا عندنا عزبة ولا عمارة .......ما تقلقيش ياماما اللى زيي مش من حقها تدلع ولا تتشرط .....حتى الحق ده ضاع منى خلاص ........

واحتضنتنى امى عندما اجهشت بالبكاء وبكت هى الاخرى وعوضنى حضنها الدافىء عن قسوة الناس ومرارة الافتقاد الى كتف رجل ألقى عليه همومى ....وردت من بين دموعها :

اوعى اسمعك تقولى كده تانى ..ده انتى ست البنات ....وبعدين لسه نصيبك ماجاش .......ده مكتوب اسمه عند ربنا من قبل ما تتولدى ... بكرة اشوفك احلى عروسة فى الدنيا .......وبعدين ياستى ما تقلقيش اوى ما فاتكيش كتير انتى مش شايفة ابوكى واللى عاملة فينا ؟ اهى الرجالة كلها واحد !! نصيحة من امك غمضى عينيكى واتجوزى كلهم زى بعض وقولى يارب !!

فابتسمت وهى تمسح دموعى وانا لا اريد ان افارق حضنها وكأنى جنين سأموت لو تركته .......

.وجاء بابا وهو يحمل الجاتوة والحاجة الساقعة فتعجبت ماما وسألته : ليه انت اللى جايبها ؟ امال خالد فين ؟[ندعوك للتسجيل في المنتدى أو التعريف بنفسك لمعاينة هذه الصورة]

- قابلته خرج من الحلوانى أخدت منه الحاجات وبعته يشترى هو الفاكهة علشان رجلى تعبانى اوى !!!![ندعوك للتسجيل في المنتدى أو التعريف بنفسك لمعاينة هذه الصورة]

- فصرخت ماما : انا مش قلت لك اشترى انت ؟ البيه ده حيجيب لنا مربى فاكهة مش فاكهة وحتنفضح قدام الناس .....

فتمتم بابا بكلمات ساخطة ودخل غرفته وترك ماما تغلى وتقول : ايه الغلب ده ؟ لا يمكن انتفع بحد منهم أبدا ...آه يا قلبى ياانا .......[ندعوك للتسجيل في المنتدى أو التعريف بنفسك لمعاينة هذه الصورة]

وقبل ان تفيق من الصدمة جاءت ملك تحمل الكاسات المدهب وعدتهم ماما فوجدتهم خمسة فقط فسألتها : هى طنط ليلى ادتك الطقم ناقص ولا ايه ؟

فردت ملك بثقة : لا ياماما هى الاطقم الجديدة 5 بس !!![ندعوك للتسجيل في المنتدى أو التعريف بنفسك لمعاينة هذه الصورة]

فعرفت ماما انها كسرت كأس منهم وهمت أن تجرى وراء ملك التى فرت كالزئبق الى الشارع وهى تصرخ : هو كل عريس بعلقة يا ربى ؟

وأخذت أهدىء من ماما قبل ان تأتيها بوادر شلل مبكر من السيرك المسمى بأسرتنا المصونة [ندعوك للتسجيل في المنتدى أو التعريف بنفسك لمعاينة هذه الصورة].......ونظرت الى الساعة فوجدت لم يتبقى الا ساعة ونصف ويأتى العريس وأمه ..فدق قلبى بعنف وأخذت أنظر الى عقارب الساعة وهى تتحرك وكأنها تحمل معها مصيرى ..........[ندعوك للتسجيل في المنتدى أو التعريف بنفسك لمعاينة هذه الصورة]

موضوع: رد: بيت مصرى جدا السبت أغسطس 09, 2008 4:27 am

ههههههههههههه
يوميات مواطنه مطحونه affraid

ربنا يعينها هتقابلهم ازاي دي pale

مستنين الحلقه الجايه

موضوع: رد: بيت مصرى جدا السبت أغسطس 09, 2008 10:40 pm

هههههههههههههههههه
والله حلقة جامده يا ساسو
مستنيين اللى بعدها

» دعاء مصري
» انتحار شرطي مصري لأنه لم يحصل على إجازة