قسم الفضفضة

موضوع: قسم الفضفضة الجمعة أغسطس 31, 2007 5:08 am

قسم فضفضة

للمواضيع اللي ممكن الشخص يكتبها من جواه

موقف حصله النهاردة مضايقه وعايز حل او يفضفض يكتبه فيه والكل يشارك

موقف فرحه برضه يكتبه والكل يشارك

او حتى شعر بس فضفضة بتعبر عن حالته

يعني من الاخر قسم الفضفضة كل واحد يدخل يفضفض فيه

بموضوع بكلمة بمشكلة بحاجة كويسة كل حاجة

ويتحط فيه مواضيع اللي ليها علافة بالفضفضة

هتبقى حلوة وكل واحد هيعبر عن حالته او يفضفض براحته في قسم لده

ارق تحياتي ومستنية الاراء

,والله فكرة حلوة اوى يا سمسم
اهو الواحد يلاقى اللى يشاركة احزانة وكمان يشاركة فرحة
شكرا على افكارك المتميزة

وانا موافق
بس النهارده انا ححط قسم الاثاث والديكو اللى كنتى طالباه

تمام

مرسيه وهنبدا الشغل

مرسيه ماتركس

وارق تحياتي ادمن

عايزين نخلي ايامي الاقسام جامدة

يعني مثلا ...نخلي الفضفضة بدل ماسامها يبقى فضفضة

نسميها مثلا"[color=lightblue]ياوجع ياقلبي"ونكتب تحتها خط صغنن "[color:523e=lightblue:523e]ياقلبي ياكتاكت ياما انت شايل وساكت"

او ممكن كل واحد يقترح اسم ليه

ولو حد خطر على باله اسم لاي قسم يكون جدبد ولذيذ يقول

تحياتي

ياريت والله لانى ناوى اعمل كده بكره او بعد بكره
ان شاء الله

طب تمام خلاص كله يجي يقترح اسم لكل قسم يكون جديد وفي حركة كده جديدة

من باب التجديد

تحياتي

هحـط شوية تعليقات لبعض الاقسام

العامة...هنا هتحط المواضيع اللى مالهاش مكان او تصنيف وانتا اكتب بس واحنا هنظبطك ( قهوة - شاى -زنجبيل - سحلب مكار -شيشة - كوكو الضعيف انما مارلبورو لاء يا عم الحاج )

فضفضة
خش هنا وصدعنا بمشاكلك واحنا هنسمعك ماهى كانت ناقصاك بقى

الشعر
حبيبى انح انح والحب ظاظا كل ما اشوفه متنح بيزيد لظاظا -------- مع تحيات الشاعر الولهان لؤى فرط الزمان

مسابقات روشة طحن

مسابقات بقى الاعضاء يسابقوا بعض لحد اخر المنتدى - شد الشعر - نط الحبل

النكت
نحن نقبل بكل انواع النكت : صعايدة - بورسعيدية - دمايطة - شرمساح

الموضة

اوعى وشك بقى البنات بتوعنا بنات استايل ضاربين الشبشب مع الجلابية وعالم فايقة لنفسها اوى

والشباب بتوعنا ايه روشين ضاربين الجل والبنطلونات اللي منتوشة والقمصان اللي هي وشايفين روحهم

مطبخ روش

طبعا هنا وانتا داخل لازم تلتزم بقواعد المنتدى ده واولها تاخد معاك طفاية حريق للظروف وتكون مأمن على حياتك

وحاجز اوضة عمليات لزوم غسيل المعدة والذى منه

االمنتدى الرياضى العام

اى رياضة تخطر على بالك زى بلى مسافات طويلة - سباحة 100 متر فى الترعة بإيد واحدة - حدف الطوب - نط سور المدرسة المهم ان العقل التخين فى الجسم التخين

المصارعة

هنا هتلاقى كل المصارعين اللى يخطروا على بالك جولد بيرج - جون سينا - على هباللو - ابراهيم عجوة

الا

الاغانى العربيه

من اول ما غنى تحتمس احمد عبد السلام وقال اه يا عينى لحد ما ظهر صميدة حاتم وعدل على تحتمس وقال بوس الواوا

الاغانى الاجنبيه
اللى هيا نقعد ندندن معاها ونعمل فيها فاهمين واحنا وحياة سيدى هيثم ما فاهمين اى حاجة خالص

الصور

اى صورة حلوة او منظر طبيعى حلو (زى منظر كوبرى 6 اكتوبر من تحت كده ) هتلاقيها هنا اكيد

الاقتراحات

اكيد لو كل واحد اقترح اقتراح المنتدى ده هيبقى اكبر منتدى عالنت كله ياريت كله يشارك هنا ياجماعة والنبى , الهى يعود عليكوا فى صحتكم وفى عافيتكم قادر ياكريم

قسم الشكاوى
طبعا من حق كل واحد انه يشتكى عضو او مشرف لكن اوعى الادمن بقى لنطلع روحك هنا ..انا عايز القسم ده يكون خرابة محدش ييجى جنبه , اصل بينى وبينكم مسكون عفاريت عووو

منتدى الالعاب
سيبك بقى من ام اللعب اللى على جهازك هيا اساسا زهئت منك مش انتا اللى زهئت منها تعالى شوفلك هنا كام لعبة جديدة وسلى نفسك

منتـــدى التهــانى والتعـــارف
سيبك بقى يا عم من دور الغموض بتاعك ده واعمل فيش وتشبيه وادخل هنا عرفنا بنفسك او هنى حد بتحبه بمناسبة سعيدة لطيفة زى مهرجان الطماطم

منتدى القصص القصيرة والطويلة بالمرة
الواحد جاله ملل من قصة الشاطر هيثم و 21 حرامى- والاميرة والمعيز السبعة- وبهانة والوحش ---هاتو قصص جديدة بقــــــــى

البرامج وشروحتها
بـــث يا ثـــيدى ادخل هنا وهتلاقى اى برنامج وأى شرح لبرنامج انتا عاوزه ,, خليك باثـث ياعم وكمان ادخل اطلب اى برنامج او اى شرح واحنا هنجيبهولك على طول

الافلام العربية
من اول ما صوروا بالكباية والقلم الرصاص لحد بعد عشرميت سنة

الافلام الاجنبية
براد بيت - نيكولاس كيدج - جون ترافولتا - سلفستر استالونى - فان ديزل طبعا هتقول يااااااااه كل النجوم دول هنرد ونقول اكتر كمان بكتيييييييير كل الناس دى ما يعرفوش المنتدى ده ولا عمرهم شافوه

الحب
كل واحد طبعا عنده حتة طرية تحت القفص الصدرى فى الشمال كده وكله ماشى يحب على روحه ويحرق جااااااااز تعالوا نتكلم هنا ونحاول نوصل لأسمى معانى الحب

اه في حاجة كمان بعض التعليقات

زي مثلا للي مش مشتركين يبقى مكتوب اشترك الاول ياجميل وبعدين بص براحتك

مثلا لما يدخل المنتدى يكتب نورت من تاني ياجميل

مثلا تواريخ الميلاد لما بتتكتب حد ويبلغ ان حد عيد ميلاده النهاردة...اتولد فى يوم زى النهاردة كدة

عايزين نضيف انشط 5 او 10 اعضاء..وانشط 5 او 10 مواضيع واحدث 5 او 10 مشتركين

لما بيتكتب تحت ان عضو جديد اشترك بيتكتب جنبها" معاك 7 طلقات فى الجو لاحلى روش جديد دخل ورقصنى يا جدع كله يرحب ب...."

يعني بعض التعليقات...كام افندي افندياية كانوا موجودين خلال الربع ساعة اللي فاتت

كد يعني واللي عنده تعليق تاني يقوله

فكرة جميلة والله يا سمسم وانتي طبعا طول عمرك افكارك جميلة وياريت الاعضاء والمشرفين والادمن يوافقوا ع الافكار الجميلة دى

ميرسيه يا قمر ع الاقتراحات

انا موافق
بس فيه مشكله صغننه
تانى طلب ده مش ممكن لان المنتدى مافيهوش الميزه دى

طب وتغير الاستايل الاستايل الجديد مفيهوش

عامة مش مشكلة لو مش هينفع خلاص خلينا في الفوق

تحياتي

كله تمام سمسمه
تحت امرك

اخدت بالي

بقى لذيذ

تحياتي ليك