كرسى الاعتراف (sasoo )

تذكير بمساهمة فاتح الموضوع :

[

النهارده ياشباب انا جايبموضوع مش جديد ...لا هو موضوعقديم ومتكرر فى منتديات كتيره اوى

بس نااجح جدااااااااااااااا

الموضوع اسمه كرسى الاعترااف

ايه فكره الموضوع ..

فكره الموضوع ان كل فتره هيكونفى ضيف على كرسى الاعترااف .

وباقى الاعضاء كل واحد فيهميساله كل الاسئله اللى كانو يتمنو او يحبو يعرفو اجابتها منه

على سبيل المثال

يعرفنا بشخصيته ... هوايته .. حكمه مفضله ليه ومؤمن بيها اوى

حكمه مشهوره هو معارض عليهاا .. ورده معاه يهديها لمين فى المنتدى

يتمنى ايه لمنتدى افندينا.. وكدهمثلا ..

وأى اسئله تانيه ..

ملحوظة مهمة: كل عضو او مشرف مسموح ليه بعدد مفتوح من الاسئلة

اتمنى الموضوع يكون لذيذويعجبكو وتوافقو عليه ...

وعلى فكره الموضوع ده واللهبشوف فى باقى المنتديات الردود فيه بتعدى ال100 لكل عضو

والاسئله بتكون كتيره اووووووى

وانا اللى عجبنى فيه انى حسيتانه بيقرب الاعضاء من بعض .. بحيث ان كل عضو بيكون عارف عن غيره حاجات كتيره اوى

عشان كده اتمنى تشاركو فىالموضوع ونختار مين هيكون اول عضو معاناا .. على كرسى الاعتراف

ويلا مستني ردودكو عشان اعرفالموضوع هيلاقى قبول ولا .........

كفااااااااااااااااااااااااااااااااااااااااااااااااااااااااااااااااااااااااااااااااااااااايه
ده امر
ههههههههههههههههههههه

بسم الله الرحمن الرحيم.

ماشي يا أسماء بقي كده وانا اللي بقول عليكي طيبة.

1- ما الافلام اللي تثيركـ ،، عاطيفاا ؟
الافلام الاجنبية الرومانسية التي تنتهي بموت البطل أوالبطله.
2- امنيهـ تطمحي لـ تحقيقهـا في المستقبل ؟
تكوين منزل مستقر وأكون فية زوجه صالحة وأم حنون.
3-ماهو افضل مكان تحبي ان تقضي فيه وقتك؟ ولماذا؟
الريف أو البحر بس يكون فاضي ميكونش فيه ناس. وليه لاني بحب المنظر الريفي والبحر طبعا بحبة جدا.
4-هل انتي متابعة للصحافه وماهي افضل صحيفه بنظرك؟
مش متابعه قوي بس هي جريده الاهرام كويسة.
5-الشخص اللي يقدر يأثــر فيكيـ وبـ آرائكـ ..!!؟ (من المنتدى طبعاً) ..
لا لسه ملقتش حد منكوا يأثر فيا بصراحة لاني متعاملتش معاكوا وجه لوجة.
6- الطفووله براءه العمر وشعاع المستقبل الجميل فهل تشتاقي للحظات الطفوله ؟
جدااااااااااااااااااا جداااااااااااااااااا جدااااااااااااااااااا.
7-هل تحبي نفسك؟
مش فاهمة المغزي من السؤال؟ ازاي بحب نفسي يعني مغروره ولا يعني ايه؟
8-لكـل إنسـان مـاضيه سواء كان محزن ام مفرح هل انتي من الاشخاص الذين يحبون تذكره ورسخه في عقولهم ..ام إطوائه مع دروب الزمن ..؟
لا في حاجات طبعا متتنسيش وفي حاجات هي مع الزمن بتنطوي لوحديها.
9ـ إمنيــه تتمنيها في المنتدى وتحققت؟ إمنيه لم تتحقق؟
الامنيه اللي تحققت اني وانا بسجل في المنتدي ألاقي اعضائة ناس كويسه ومحترمه والحمد لله لقيت اللي انا عايزاه. أمنيه لم تتحقق لا يوجد.
10-ماهي اللحظة التي تمنيـتي أن لا تفارقـك أبـداً .. ؟
مش عارفه اجاوب عليه معلش بقي؟
11-هل أنتي ممن يحب التعلم الكتير ؟
الصراحة لا انا مش بحب التعليم قد كده.

بصوا بقي الادمن قال خلاص مفيش أسئلة تاني وده أمر منه يعني اللي مس هيسمع الكلام هينضرب صح يأحمد وبالذات محمد لازم تضربه.

مرسي كتير يا أسماء اسئلة جميله وخفيفه جدا

تيلمي يا قمر.

ههههههههههههههههههههههههه
يا زيزى بس انا مش عايزك تزهقى
عايزك تتسلى فى الاسئلة
ههههههههههههههههههههه
لسة فى اسئلة كتيييييييييير
اوعى تقومى
ولو على الادمن انا وهو شكلنا هنقلبها مصارعة النهاردة
ههههههههههههههههههههه

ماتخافيش
انا ضربته ومش حيسال تانى ولو سالو
حلغى الاسئله
ههههههههههههههههههههههههههه

كفايه كده يا زيزي
انتي عديتي اسبوع كده ع الكرسي
ولا ايه يا جماعه
ومرسي على اجاباتك اللذيذه

ايوه كده

اختارى اللى بعدك بقى

بلا يا زيزي
اختارى

اخيييييييييييييييييييييييييييييييييييرا

هتفرجوا عني اخيرا
ايه الهنا اللي انا فيه ده

يالا يا ديــــــــــــــــــــــــــــــــــــزل

شرفت الكرسي يا باشا

اهلا بيك يا ديزل على الكرسى
كل واحد يسال باه
وانا اللى بوصى المره دى

اهلا وسهلا يا الديزل
نورت الكرسي
ليا باااااااااااااااااك تاني
بس برحب بيك

أشكركم علي الترحيب العربي الكريم الجامد ده .

وأهلا وسهلا بكل سؤال . ومرحبا بكل استفسار .

أنا جاهز تماما . ولمدة شهر كامل للأجابة علي أي سؤال .

وأرجوا من الجميع السؤال في أي شئ . بلا أي حرج أو كسوف .

ألكل يسأل زي ماهو عاايز .

ده شرف ليا كرسي الأعتراف .

أهلا بكم . ومرحبا .

منتظر الأسئلة .

يلا يا ديزل
جاهز
اتفضل اقعد

بسم الله الرحمن الرحيم
ابدء الاسئلة

1-اسمك وسنك وعنوانك؟

2-ماهى اكثر المواقف المحرجة التى تعرضت لها؟

3-متى احسست بالندم؟

4-ماهى اخر مرة سمعت فيها كلمة حلوة؟

5-ماهى اخر مرة انتقدك شخص فيها؟

6-هل يكذب الديزل؟ومتى يكذب؟

7-ماهو لونك المفضل؟رقمك المفضل؟اكلتك المفضلة؟يومك المفضل؟شهرك المفضل؟

8-ماهى اكبر غلطة ارتكبتها فى حياتك؟

9-هل شعرت بانك ظالم فى موقف؟

10-متى احسست بالظلم؟

11-ماهو معنى الحب الخقيقى بالنسبة اليك؟

12-من هو الديزل؟

كفاية كدة النهاردة
وفى دفعة تانية ان شاء الله

مرحبا ماتريكس ...

أهلا وسهلا أخي وصديقي .

أتفضل شاي مظبوط .....

أسمع بأه الاجابة .

1-اسمك وسنك وعنوانك؟

هاني العزب ... ... القاهرة . العباسية .

2-ماهى اكثر المواقف المحرجة التى تعرضت لها؟
من أكثر المواقف المحرجة التي تعرضت لها . كانت أثناء عملي كعازف موسيقي

حينما كنت اعزف بالجيتار . وكنت منسجم جدا مع الأغنية .. وكنت أغمض عيني من شدة الانسجام ... وكنت أهتز بشدة من الطرب ... وفجأة أنكسر اللوح الخشبي تحت قدمي ... ووجدت نفسي بين أعمدة الحديد أسفل الأستيدج . وسط ذهول الفرقة والمتفرجين ... وبعد ثواني معدودة أنفجر الجميع بالضحك ..
حتي أعضاء فرقتي .. وكنت في شدة الكسوف والحرج من الجميع ...

3-متى احسست بالندم؟
الشعور بالندم شئ مهم جدا فهو شرط من شروط التوبة ...

وفيه حاجات كتيرة جدا فعلتها وشعرت بالندم بعدها ... ولكن أخر حاجة هي
خسارة صديقة وأخت عزيزة عليا جدا جدا .. ومازلت متأثر جدا بسبب ذلك
الخلاف وأندم أشد الندم علي خسارتها ....وأنتهاء صداقتنا القائمة علي الأخوة .

4-ماهى اخر مرة سمعت فيها كلمة حلوة؟
والله من ساعة أخي ماتريكس ... سمعت فعلا كلمة حلوة جدا جدا تركت انطباعا حسنا في نفسي ...

5-ماهى اخر مرة انتقدك شخص فيها؟
الشهر اللي فات أنتقدتني صديقة غالية عليا . وأخت .. وقالت بالحرف الواحد
أنت فاكر نفسك فاهم كل حاجة .. بس ده وجه نظرك انت .. أوكي براحتك .

ومنذ اسبوع برضه أنتفدني صديق غالي أوي وقالي .... أنت ليه بتكلم الجرسون بعصبية وبحدة كدة .؟ حاول تكون هادي شوية .
( مع أني والله هادي جدا ومسالم أوي )

6-هل يكذب الديزل؟ومتى يكذب؟
بص ياماتريكس ... السؤال ده غالبا مايكون رده ... أنا لا أكذب . ولا أحب الكذب ..... تمام
لكن أنا هاقولك ... أيوة أنا بكذب أحيانا .. في كل المجالات . حتي في شغلي
وبكذب لما أعمل حاجة مش مفروض أعملها ولما أبرر تصرفي بضطر أني أكذب .. بس صراحة مش كتير اوي يعني ...

7-ماهو لونك المفضل؟رقمك المفضل؟اكلتك المفضلة؟يومك المفضل؟شهرك المفضل؟
اللون المفضل . الازرق بدرجاته ...

أكلتي المفضلة .. اللحوم .

يومي المفضل . الخميس

شهري المفضل .شهر سبتمبر . علشان الجو بيكون جميل جدا فيه .

8-ماهى اكبر غلطة ارتكبتها فى حياتك؟
أكبر غلطة في حياتي . هي أني ماسمعتش كلام والدتي الله يرحمها في أمور كثيرة . وأكتشفت أنها كانت صح .. لكن بعد فوات الاوان .

9-هل شعرت بانك ظالم فى موقف؟
أيوة شعرت اني ظالم في موقف حصل ... كنت راكب تاكسي مرة ولما وصلت عند المكان اللي هنزل فيه . أعطيت السائق أجرته . لكنه طلب زيادة وانا رفضت بشدة وأتخانقت معاه وتطاولت عليه ... ولما مش وكل واحد راح في حاله
سألت علي أجرة المشوار . أكتشفت اني ظلمته . وندمت جدا . ولومت نفسي .

10-متى احسست بالظلم؟
كثيرا أخي ماتريكس شعرت بالظلم ... وخصوصا في حياتي الخاصة .

11-ماهو معنى الحب الخقيقى بالنسبة اليك؟
الحب الحقيقي بالنسبة لي . هو الخالي من الأغراض .
من غير دفع لمضرة . ولا طلب لمنفعة .
وأرجع لأشعاري وسوف تعرف ماهو الحب الحقيقي بالنسبة لي .

12-من هو الديزل؟
الديزل . هو أنسان بسيط جدا . ليست له أحلام بعيدة . سهل لين . سمح
محب جدا للصداقة ويعرف معناها جيدا . خادم لكل الناس . يسأل عن الكل
يحتاج الكل . يحب الكل . حقق ثلثين أحلامه .
ولو سألته الآن ماذا ينقصك .... لقال لك ... لاشئ .
ولو سألته ماذا تريد ... لقال لك ... لاأريد أي شئ .
ولو خيرته بين كنوز العالم . وصادقة خالصة حقة . لأختار الصداقة .
عاطفي جدا . حالم جدا . خياله خصب جدا جدا .
يحب الشعر . والكلمات . يهوي الكتابة .
يحبك ياماتريكس جدا .

مرحبا بك ماتريكس . سعيد جدا بوجودك . وأنك أول من يسألني .

وأطلب منك أن تسأل عن كل شئ . فكل سؤال يدور في رأسك . عندي أجابته .

شكرا لك أخي الفاضل

شكرا ليك اي ديزل
وبجد اجابات رائعة
وانتظر منى المزيد من الاسئلة

انا معلش حسال
بس بعدين لانى مشغول شويه
بس لينا لقاء
باذن الله

تحت أمركم .... أنا جاهز في أي وقت

ومنتظر الجميع بلا أستثناء .

ومستعد لأي أجابة . في أي وقت . وعن أي شئ .

مرحبا بكم جميعا .

1-ما\من هو\هي...

كلمتك المكررة؟
جملة شهيرة ترددها؟
الحلم في حياتك؟
اسوء عاداتك؟ أفضلها؟

2-لمن...

تفضي بكل أسرارك؟
تضحك وأنت تبكي؟
تهمس أحبك؟
تصرخ أحبك؟
تهدي باقة ورد اعتذارا؟

3-رتب هذه الاوصاف حسب قوتها ومطابقتها على الديزل:-

عصبي...مغرور....حساس جدا...غيور....ذكي....متسرع....صريح....... .محب لكثرة المزاح...جاد ....رياضي....كسول....سياسي....دبلوماسي

4-أقرب نـاس ليك هنا فى المنتدى وبصراحة ؟؟

5-اية رائيك فى المنتـدى؟وتقدر تديـلو كام فى المـية من حياتك؟

6-ايـة الاشياء الى معـترض عليها فى المنتـدى؟لو في؟؟

7-انتـا راضى عن نفـسك؟ ولو راضـى لية راضى؟ ولو مش راضى لية برضو؟

8-امتى بكيت بحرقة؟

9-اية رايك فى صداقة الولد والبنت؟

10- نقطة ضعف الديزل؟؟

كفايه عليك كده انهارده
بس الاسئله مخلصتش
انا راجعه تاني

ياهلا ياهلا .

مرحبا كيت كات ..

كيف حالك ..... تشربي أيه .؟

طيب بالهنا والشفا .

أسمعي الرد علي أسئلتك ......

1-ما\من هو\هي...

كلمتك المكررة؟
جملة شهيرة ترددها؟
الحلم في حياتك؟
اسوء عاداتك؟ أفضلها؟

كلمتي المكررة كلمة .... ( ياصديقي ) دائما بقولها كتير جدا .

جملة شهيرة . ( خير أنشاء الله ) دائما بقولها كتير جدا .

حكاية الأحلام دي خلاص . أنا معنديش غير حلم واحد .... أني أقابلها . تلك الفتاة التي بشرت بها ... أنتظرها بفارغ الصبر .

أسوأ عاداتي هي النت . بقعد عليه كتير . أفضل عاداتي هي زيارة الأهل والاصدقاء .والسؤال عنهم بستمرار .

2-لمن...

تفضي بكل أسرارك؟
تضحك وأنت تبكي؟
تهمس أحبك؟
تصرخ أحبك؟
تهدي باقة ورد اعتذارا؟
كنت أفضي بأسراري لصديقة وأخت عزيزة عليا جدا .... لكن حاليا لايوجد .

لمن أضحك وأنا ابكي .... لكل الناس ... مهما كان بداخلي حزن . فأنا أبتسم أمام الآخرين ..

لمن أهمس أحبك ... لتلك الفتاة التي لم أراها بعد . ولكني أحبها . ومن قديم بشرت بها .. هي الحبيبة والزوجة . والاخت . والام . أدعوا الله أن أراها قريبا

لمن أصرخ أحبك .... لها . وإليها . وعندها . وبين يديها . ومن أعماق أعماق قلبي . أصرخ وأندفع اليها . أحبك ياغاليتي . يامن تربعت في قلبي . يامن تصنعين مصيري . يامن بيدك كل العشق . وباليد الأخري كل الهوي .

أهدي باقة ورد أعتذارا مني لأختي وصديقتي وزميلتي

سمسم

التي ساعدتني كثيرا كلما طلبت منها المساعدة . وهي تعتبر من أعز الأصدقاء .

3-رتب هذه الاوصاف حسب قوتها ومطابقتها على الديزل:-
عصبي ......... لا لا لا ... مستحيل . أنا ضد العصبية .وأنا مسالم جدا .

مغرور ...... ليس عندي ماأغتر به ... فأنا أنسان عادي جدا وبسيط جدا .

حساس جدا .... والله فعلا الديزل حساس جدا . وكما يقول المثل .. الأحساس نعمة . وقرأت مرة توقيع لأحد الزملاء يقول .. ماأصعب أن يكون الانسان حساسا .... وهي مقولة صادقة تماما .... هل تفهميني أخت كيتي .

غيور ...... طبعا . عندي غيرة علي اشعاري . وعلي كل حرف أكتبه . والمنتدي الذي أكتب فيه . علي زملائي . وعلي أخوتي . وعلي أهلي . وعلي كل شئ يهمني . حتي كتبي أغير عليها أن تمسكها يد لا تعرف قيمتها .

ذكي ..... والله مش عارف . لكن أعتقد أن الديزل ذكي ... لا تعليق .

متسرع .... لا لا . الديزل متأني أخت كيتي . ويصبر . ويصابر .

صريح .... جدا جدا ... لأنه لايخشي شئ . ودائما مايعلن صراحته .

محب لكثرة المزاح ..... أكيد . الديزل مرح جدا ويحب الضحك . والأبتسام .

جاد .... في العمل فقط ... وفي بعض الامور الهامة فقط ...

رياضي ..... الديزل ياأخت كيتي من أكبر الرياضيين في وقته . فهو حائز علي بطولات وكؤوس وشهادات تقدير . ومادليات كثيرة من رياضة هوكي الانزلاق . وله تاريخ طويل في عالم الرياضة .

كسول ... يوم ألاجازة بس بكون كسول .

سياسي .... جدا جدا جدا ... من أجل المحافظة علي الآخرين . يجب ان يكون سياسي ودبلوماسي .علي أعلي درجة ومستوي .. فن الحفاظ علي الأصدقاء يجب أن يكون فيه سياسة ودبلوماسية .

4-أقرب نـاس ليك هنا فى المنتدى وبصراحة ؟؟
طبعا يشرفني أن يكون أقرب أصدقائي في المنتدي هما

موشا .... أخت غالية جدا ..... كيت كات ... أخت عزيزة جدا .

وهما قد ساعدوني كثيرا منذ أول يوم أدخل المنتدي . وأشكرهم جدا .

5-اية رائيك فى المنتـدى؟وتقدر تديـلو كام فى المـية من حياتك؟رأيي في المنتدي أنه منتدي هادئ جدا . محافظ جدا . شيك . وفيه ناس آخر أحترام . بجد ناس محترمة جدا . منتدي بعيد عن سفاسف الامور . وبعيدا عن خط الشباب الروش . والمنحرفون . يعني بصراحة .. منتدي راقي جدا .

أعطي للمنتدي 85 % لأنه مازال ينقصه أعضاء كثيرون . وهذا أمر مهم جدا

6-ايـة الاشياء الى معـترض عليها فى المنتـدى؟لو في؟؟
لست معترضا علي شئ فيه . فالامور علي مايرام .

7-انتـا راضى عن نفـسك؟ ولو راضـى لية راضى؟ ولو مش راضى لية برضو؟

والله أخت كيتي مفيش حد راضي عن نفسه .. لكن نقول .. راضي عن أعمالي ومكاني . وحياتي .وزماني . نعم راضي وكلي رضا بما قسمه الله لي .حلوه ومره . لا فرق عندي . وكلي قناعة والحمد لله .

راضي لأن ذلك ماقسمه الله لي . وماقسمه الله لي سوف أراه . شئت ام أبيت .لذلك أرتضيت حكم الله . ورضيت بالمقسوم . خيره وشره .

والحمد لله .

8-امتى بكيت بحرقة؟
يوم وفاة والدتي بكيت كما لم أبك من قبل .. رحمة الله عليها .

9-اية رايك فى صداقة الولد والبنت؟
هذا أمر مختلف فيه ... ولكن رأيي أنا الخاص بي .
أوافق علي الصداقة . والزمالة . أما غير ذلك فلا .

10- نقطة ضعف الديزل؟؟
عندما يستفزني رجل بقوته . أثور . عندما يستفزني رجل يعمل عنده ناس فيتكبر عليهم .. أثور . عندما أري ضعيفا يرضي بالذل من أجل شئ ينقصه .
أثور . عندما يستغل أنسان .. أنسان من أجل منفعة . أثور .

نقطة ضعف الديزل هي أن قلبه يتأثر حقا أمام الكلمة الطيبة . الكلمة الحنون .

مسح دمعة أنسان يبكي . زيارة مريض . نفطة ضعف الديزل هي

الحب . الخير .. السلام .

نفطة الضعف عند الديزل هي نقطة القوة . فأن ثورته تكون دائما لرفع الظلم
أو للمساعدة . أما نقطة ضعفه التي تضعفه حقا . فهي .. لم توجد بعد .

أشكرك أخت كيتي علي أهتمامك .. وعلي اسئلتك التي أستعادت أجزاء من حياتي . وذكرياتي .

شكرا لك أخت كيت كات

اولا ارحب بيك اخى ديزل
واهلا بيك على الكرسى
[ندعوك للتسجيل في المنتدى أو التعريف بنفسك لمعاينة هذه الصورة]

اتفضل كنافه وقطايف لبعد الفطار

وبعديه عصير

نبدا باه

1)هل عاش الديزل فتره مراهقته؟

2)متى اول مره سمعت كلمه بحبك؟ومتى اول مره انت قلتها؟

3)هل انت متزوج؟ اختيارى

4)انت بتقول لمحمد ان موقف محرج حصلك وانت عازف جيتار
هل هذه هوايه لديك
متى اول مره بدات عزف الجيتار
وهل مازلت الان تعزف

5)اكتر موقف بتضحك عليه لما تفتكره؟

6) ماذا علمتك الحياه؟

7)بماذا تنصح كل من هو غالى عليك من خلال تجربتك فى العمل والحياه؟

دى بس كانت مقدمه
ياريت تكون اسئله خفيفه
ومتزعلش

يلا يا ديزل
كمان دفعة من الاسئلة
مستعد
يلا

يلا نبدء الاسئلة

نبدء الاسئلة

1-ايه هى الاغنيه اللى بتفكرك دائما بذكرى جميله فى حياتك ؟؟؟
2-اية الشى الى بيفرحك واية الشىء الى بيخليك تبكى؟؟؟

3-ايه اكتر حاجه بتخاف انها تحصل؟؟؟
4-ايه الحاجه الي عملتها وندمت عليها ؟؟؟
5-فاكر أول موضوع نزلته علي المنتدي ؟ كان ايه ؟؟؟

6-اية اخر مصيبة او كارثة عملتها ؟؟؟

7-ماهي اجمل كلمه قيلت لك ؟؟؟

8-ما هو هدفك فى المنتدى ؟؟؟
9-كنت بتغش ايام الكليه؟ ايه اغرب طريقه غشيت بيها؟؟؟

10-اكمل الفراغات الاتية

*عضو ما تعرف عنه شي .......

*عضو لافت .......

* عضو تتابع مواضيعه أول بأول .......

*عضو مضبط الدنيا بجد .......

*عضو مبدع .......

*عضو غامض .......
11-احلى موضوع قريته على المنتدى.كان ايه ؟؟؟
كفاية كدة النهاردة
ولينا كام لقاء كمان

وبالتوفيق ان شاء الله

ازيك الديزل

ان شاء الله تكون بخير

لازم اسئلك شويه اسئله ان شاء الله تكون خفيفه

من هم الاعضاء المميزين من وجهة نظرك ؟؟؟ ولاتقول الكل مميز عايزه اسامى

.. من الشعراء المفضلين عندك ودايما تقرأ لهم ؟؟؟

مقولة تقول

" دع القلق .. وابدأ الحياة "

متى تواجه نفس بتلك المقولة ؟؟؟

" ليس كل ما يتمنى المرأ يدركه "

هل تردد هذه العبارة كثيراً ؟

وهل تجد من خلالها متنفساً عندما تعجز عن الحصول على أحد أمنياتك في الحياة !

" النت " ماذا اضاف لك هذا الـــ( نت ) !

وماذا أضفت له ( أنت ) !

ايه اكتر شيء تكــــــــــــــــــــــــــــــــــــــرهه في البنات وماتحب تشوفه في قريباتك ((وبصراحه)) ؟؟؟

ما هو اكلك المفضل ؟؟؟؟

مين اعز الناس على قلبك ؟
*مستحيل انسااااك * كلمه تقولها لمين ؟
من تختار يمسح دمعتك ؟

ذكرى حزينة تلازمك؟

نقطعة ضعــف الديزل في الحيـــاة ..؟؟

متى تشوف الحياه حلوه بعيونك ..؟؟

واخيرا

كلمه مرور تعبر عن الديزل وتصل لقلوب الاخرين .فماذا تقول فيها ؟؟؟

يارب مكنش تقلت عليك بس بصراحه اجابتك هتنفعنى كتير

مرحبا آدمن .

أهلا بيك .. وشكرا علي القطايف والكنافة والعصير .

الله لذيذة جدا .

اسمع ياصديقي .

1)هل عاش الديزل فتره مراهقته؟

طبعا عشت فترة مراهقة مثلي مثل أي شاب . وكنت فيها رومانسي جدا جدا
وكانت ليا أحلام . وآماني . كتيرة جدا . كلها رومانسية .

2)متى اول مره سمعت كلمه بحبك؟ومتى اول مره انت قلتها؟
أول مرة سمعت فيها كلمة بحبك كانت وأنا في أبتدائي . زميلتي في الفصل
سنة تالتة أبتتدائي كان اسمها سميرة . قالت لي مرة أنا بحبك أوي . ونفسي أتجوز واحد زيك ... أههههههههههههه

وانا أول مرة قلت كلمة بحبك . قلتها لفتاة كنت أظنها كل احلامي وآمال المستقبل
لكن مفيش نصيب . وكنت وقتها عندي 22 سنة .

3)هل انت متزوج؟ اختيارى
لا لست متزوجا .

4)انت بتقول لمحمد ان موقف محرج حصلك وانت عازف جيتار

هل هذه هوايه لديك
متى اول مره بدات عزف الجيتار
وهل مازلت الان تعزف
الجيتار كان حبي الاول . وسيكون الاخير علي ماأظن . وكان هواية من صغري .ولكني علمت نفسي بنفسي وأتقنت العزف وكونت فرقة كان اسمها الشبح . وأصبحت عملي ورزقي . وأصبحت محترفا علي كل الالات الموسيقة .

بدأت أول مرة عزف وأنا عندي 9 سنوات .

نعم مازلت اعزف الي الآن . ولكن لنفسي فقط . وأحيانا ماتعجبني كلمات فأقوم بتلحينها وعزفها وغنائها .

5)اكتر موقف بتضحك عليه لما تفتكره؟
أكتر موقف ضحكت فيه لما شبعت كنت مرة رايح لصديق لي يسكن في فيلا .
ولما دخلت من البوابة الامامية . فوجئت بكلبين حراسة مندفعين نحوي بكل سرعتهم . وطبعا أنا جالي هلع من المنظر . طلعت أجري وعبرت البوابة وخرجت من الفيلا . لكن الكلاب فضلو ا يجروا ورايا في الشارع . وكنت أنا بجري بسرعة رهيبة .... وسبقت الكلاب . هاتقولي ازاي .. هقولك معرفش .
ولو كان فيه سباق ماراثون ساعتها . كنت طلعت الاول بلا منافس . أههههههه

6) ماذا علمتك الحياه؟
سؤال في منتهي الجمال . أسجل أعجابي بسؤالك أخي أدمن .

علمتني الحياة . البساطة في كل شئ . والسلام . والحب . حب كل شئ جميل
علمتني أنها لاتساوي أي شئ . علمتني أنني لايمكن أن أحقق كل أحلامي .
أعطتني الكثير . وحرمتني من الكثير . أسعدتني . وأبكتني . وكلما تقدمت في السن . أكتشف أن الحياة بلا سلام ومحبة . لاتساوي أي شئ . ولا جناح بعوضة

7)بماذا تنصح كل من هو غالى عليك من خلال تجربتك فى العمل والحياه؟
أنصح كل غالي عليا . أبدأ حياتك بهمة ونشاط وأنت صغير . اتعب . أجتهد
تعلم . أفهم . راقب من هم أكبر منك . قل للصح صح . وقل للخطأ خطأ .
لاتتكلم كثيرا . ولكن أعمل كثيرا . ستجد في الاخر . ماتريد .مهما طال بك الزمن والعمل والتعب . تحمل . حتي تصل لما تريد . وستصل .

شكرا لك أخي أدمن .أسعدتني أسئلتك . وفرحت بها .
وأرجوا أن تسأل أكتر . وأنا أجيب .

شكرا لك أخي الفاضل

مرحيا أخي ماتريكس

أزيك ياصديقي .

أسمع ياأخي .

1-ايه هى الاغنيه اللى بتفكرك دائما بذكرى جميله فى حياتك ؟؟؟
أغنية .. أغدا القاك ... لأم كلثوم . لها عندي ذكريات جميلة جدا . ذكري أول حب . وأول حلم . وأول أمل .

2-اية الشى الى بيفرحك واية الشىء الى بيخليك تبكى؟؟؟
اللي يفرحني جدا جدا . دخول صديق أو صديقة جديد في حياتي . فأنا أحب جدا التعارف علي الناس . والحوار معهم في كل شئ .

واللي بيخليني أبكي . ظلم انسان لأنسان أضعف منه . بيثير جنوني ويعصبني

3-ايه اكتر حاجه بتخاف انها تحصل؟؟؟فشلي في أي عمل أكلف بالقيام به . أو مشكلة في البيت .

4-ايه الحاجه الي عملتها وندمت عليها ؟؟؟
الحقيقة هيا مش حاجة واحدة . هيا حاجات كتير . منهم وآخرهم خسارة صديقة غالية عليا جدا جدا . كانت تمثل لي قمة في الأحترام والثقافة . والثقة . لكن حصل سؤ تفاهم بيننا .. وخسرتها . وأنا ندمان جدا علي تصرفي معاها . لاني كنت غاضب جدا ولم أستطيع أن أتعامل معها برفق . وبهدؤ .

5-فاكر أول موضوع نزلته علي المنتدي ؟ كان ايه ؟؟؟
أبو ة طبعا فاكر . كانت قصيدة شعر . في قسم الشعر والخواطر .

6-اية اخر مصيبة او كارثة عملتها ؟؟؟
أهههههههههههههه . حلو السؤال ده . آخر مصيبة عملتها . أني وافقت علي الغناء في وكالة الغوري مع أصدقائي في فرقة التنورة للفنون التراثية في تاني أسبوع من رمضان . أههههههههههه . وكنت لابس جلابية وعمة . وغنيت أغاني شعبية ومدح . كان شكلي نكتة . بس كان نجاح منقطع النظير . الحمد لله

7-ماهي اجمل كلمه قيلت لك ؟؟؟
ماتريكس .. السؤال ده ممكن يتفسر علي أنه غرور . لكن أنا هاجوبك .

أجمل كلمة قيلت لي . ( أنت أنسان محترم جدا . وأي واحد يعرفك غصب عنه بيحترمك جدا جدا ) والله ماهو غرور . ولكن أجابة بصراحة .

8-ما هو هدفك فى المنتدى ؟؟؟
أني أعبر عن مشاعري بواسطة أشعاري ومواضيعي . وأنفث عن خلجات تختلج بصدري . كلها حب . وخير . وسلام .

9-كنت بتغش ايام الكليه؟ ايه اغرب طريقه غشيت بيها؟؟؟
ماتريكس . أنا مادخلتش كلية . لكن كنت بغش في الثانوي . وبطرق عادية جدا .

10-اكمل الفراغات الاتية
*عضو ما تعرف عنه شي ....... ميدو 010
*عضو لافت ....... موشا
* عضو تتابع مواضيعه أول بأول ....... كيت كات
*عضو مضبط الدنيا بجد ....... طبعا العزيزة جدا .... سمسم .

*عضو مبدع ....... ماتريكس . والله مش مجاملة . والله كمان مرة .
*عضو غامض ....... ريهام بوتا . مش عارف ليه مش بفهم كلامها .

11-احلى موضوع قريته على المنتدى.كان ايه ؟؟؟
هو مش موضوع لكن هيا صور . موضوع موسوعة توم كروز . لسمسم

شكرا ماتريكس . منتظرك علي ناررررررررررررررر .

شكرا لك

هاي موشا

ازيك

هاجاوبك .

من هم الاعضاء المميزين من وجهة نظرك ؟؟؟ ولاتقول الكل مميز عايزه اسامى
موشا .. أنا لا أجامل أحد إطلاقا . ولا أعرف ذلك مهما كان .

أولا . مستر أدمن . لأنه مهتم جدا بالرد علي كل المواضيع . وبهتمام شديد .
وعنده أسلوب سياسي جميل جدا جدا . ومتفهم لكل الأراء . وده عن تجربة معاه .

ثانيا . من أكثر المواضيع اللي بنتظرها بجد . هي مواضيع موشا . لأنها تستخدم أسلوب النقاط . لكل فكرة نقطة . وتحدد ماتريد أن تعرضه لنا .

ثالثا . كيت كات . مواضيعها . كثيرة . ومتنوعة . وملفته . ومعبرة .

.. من الشعراء المفضلين عندك ودايما تقرأ لهم ؟؟؟
موشا . هل تصديقني أذا قلت لك أنني لا أقرأ الشعر إلا نادرا جدا .

ولكن يعجبني جدا عبد الرحمن الأبنودي .

مقولة تقول

" دع القلق .. وابدأ الحياة "

متى تواجه نفس بتلك المقولة ؟؟؟
حينما أواجه نفسي بالفشل في أمر ما . وأعرف تماما أني قد فشلت . أرددها .

" ليس كل ما يتمنى المرأ يدركه "

هل تردد هذه العبارة كثيراً ؟

طبعا . ارددها كثرا جدا . فلا يوجد أنسان علي وجه الارض حقق كل مايتمناه .

وهذا بديهي . وأنا مؤمن بذلك . وأرضي به . حتي لا تسبط عزيمتي في أمر ما

وهل تجد من خلالها متنفساً عندما تعجز عن الحصول على أحد أمنياتك في الحياة ! طبعا موشا . فأنا الوذ بها لأقنع نفسي أنني لست الوحيد في هذا العالم الذي لم يستطيع أن يحقق كل أمانيه .وحتي أستمر في محاولة تحقيق الباقي .

" النت " ماذا اضاف لك هذا الـــ( نت ) !

وماذا أضفت له ( أنت ) ! النت موضوع خطير وسلاح ذو حدين . وحينما عرفت سره . تحكمت انا فيه .
ولم يستطيع النت أن يتحكم في الديزل ولو يوما واحدا . فانا أختار ماذا أكتب فيه
وماذا أقرأ منه . ومع من أتكلم . وماذا أريد منه . صدقيني موشا . أنا أتحكم تماما في النت . فهو لم يغير في شخصيتي أي شئ . ولم يأخذني من تعاليمي ومروئتي . وديني . ولم يستفذني يوما . ولم يغريني أبدا رغم كل مافيه من مغريات . لذلك أصبحت أنا من يتحكم فيه .

أنا أضفت للنت كل ماأريد أن أقوله . في حدود علمي وثقافتي . ومبادئي وديني.
وأنا راض تماما عما اقوم به في النت . من علاقات . ومواضيع .

ايه اكتر شيء تكــــــــــــــــــــــــــــــــــــــرهه في البنات وماتحب تشوفه في قريباتك ((وبصراحه)) ؟؟؟
بصراحة بصراحة .... الكلام الكثير في الموبايل . أصبحت عادة سيئة جدا .
والاستهتار برأي الاخرين . أتضايق جدا لما أسمع واحدة بتقول . أنا مايهمنيش راي الناس فيا . أنا عارفة نفسي كويس . لا لا . راي الأخرين مهم جدا . فهو يعرفني سلبيات شخصيتي . التي لا أراها في نفسي .

ما هو اكلك المفضل ؟؟؟؟
ورق العنب . ومعاه فراخ . وسلطة خضراء .

مين اعز الناس على قلبك ؟
أولاد أخوتي . هما أعز الناس لقلبي . ودنيتي . وكل حياتي .

*مستحيل انسااااك * كلمه تقولها لمين ؟أقولها لأختي .. سمسم . مستحيل أنسي أفضالها عليا .

من تختار يمسح دمعتك ؟

من أبكاني . أختااره هو اللي يمسح دمعتي . ولا أرضي بأحد غيرة .

ذكرى حزينة تلازمك؟
وفاة والدتي . مازلت هذه الذكري تؤلمني حتي الآن .

نقطعة ضعــف الديزل في الحيـــاة ..؟؟
نقطة ضعفي هي نقطة قوتي ياموشا . لأني أفهم معاني الكلمات . وكثير من التصرفات . والاشارات . فتتولد لدي قوة أما م الكلمة الحلوة . والتصرف السئ
والاشارة التي فيها خير فتضعفني . والتي فيها شر تستفذني فيأخذني العنف .

متى تشوف الحياه حلوه بعيونك ..؟؟حينما أنا م وكل من حولي راضيين عني . وعن أفعالي . وتصرفاتي .

كلمه مرور تعبر عن الديزل وتصل لقلوب الاخرين .فماذا تقول فيها ؟؟؟
العفو خيرا وأبقي . وأن كنت قويا ..... قال رسول الله صلي الله عليه وسلم .

أتدرون من القوي . ليس القوي بالصرعة . ولكن القوي من يملك نفسه عند الغضب . ...... ففي هذا الحديث معان وتعاليم . لو عملنا بها . لاصبحنا نعيش في المدينة الفاضلة . ويصبح السلام جزا أساسيا في حياتنا .
وخيركم من بدأ بالسلام . كلمة قيلت عن حق . وفيها معني الخلاص .

أشكرك جدا جدا أخت موشا .

أرجوا ان تكون أجاباتي واضحة . فأنت كاتبة عظيمة . وستفهمين كلامي .

شكرا لك موشا

سؤال واحد لأخي العزيز ديزل بأحترمك جداً من خلال أجوبتك ومش جديدة عليك

المهم سؤال واحد بس هو ممكن تقول عليه قديم شوية

مرة في أحد مواضيعي كنت بترد عليا بطريقة جديدة رغم كنت وقتها برده عضو جديد إيه إلي خلاك ترد في موضوع عن الجن والرؤيا وما صدقتني؟؟؟؟ رغم كنت صادقة

على فكرة بعدها عرفت إنك كويس ومحترم

عندما تبدأ في التفكير بالايام الماضية مااجمل ماتتذكره ؟

الاغاني دي تهديها لمين

ولا نص كلمة...

ليك حق تزعل...

هودعك...

هنساك...

مالي بس ومالك...

طيب طيب....

اية الموقف اللى خلاك تقول (( نفسى الارض تنشق وتبلعنى دلوقتى )) ؟

ايه اكتر موقف محرج اتعرضت ليه ؟ وخرجت منه ازااى ؟

موقف نفسك لو يرجع بالزمن وراء علشان تمسحه ؟؟

مين من الاعضاء ::

مثقف ....
بسيط ....

رغاى .....

ابو دم خفيف ...
العاقل ....

المتجدد ...
نشيط ...
مشاغب ....

رومانسى ..
متفهم ....

قول رايك في اللي انت تعرفهم من هنا ؟

احلى فترة من فترات عمرك كانت اية ؟؟

لو طُلبَ منك دعاء واحد ويتم إستجابته فوراً فماذا تدعي :وكمان نفس السؤال بس هتدعي لمين؟

1- على المستوى الشخصي ...

2- على المستوى العائلي ....
3- على المستوى العامي....

ايه احلى توقيع شدك ؟؟

معاك تلات هدايا قيمة .. ياترى فى خيالك اية هى الهديا دية وتهديهم لمين فى المنتدى وتلاتة غيرهم برة المنتدى ؟؟

حكمة تتخذها شعارا لك في الحياة ؟

ماهي التجربه التي تتمنى تكرارها ...؟؟

ماذا تعني لك الكلمات التاليه :
البحر .. القلب .. الغروب .. الوفاء .. الرجل .. .. المرأه

بتدخن..لو اه ليه ولو لا تنصح اللي بيدخنوا بايه؟

تهدي الكلمات الاتية لمين..

شكر...

عتاب ....

اسف...

حب..

بتبعد ليه...

فينك...

ماتخفش...

ما هو اقدم شي احتفظت به الى الآن؟

الى اي مدى تثيرك الضوضاء؟

مين لما بتتكلم معاه بتعجبك مناقشته واسلوبه؟

ايه الموقف او القصه اللي سمعتها او شخص قالك كلام وأثر فيك وده خلاك غيرت من تفكيرك؟

تخيل العالم يصغي إليكـ بهذة اللحظة , ماذا ستقول ؟؟

ايه الموقف اللي كل ماتفتكره تزعل من نفسك

حاجة بتحب تعملها يوميا او عادة يعني..؟

» كرسى الاعتراف ومع تالت متهم اووووووووووووزة
» كرسى الاعتراف ومع تانى متهم سم سم الجامدة اوىىىى ليلتك عسل يا عسل هههههههه