كرسى الاعتراف (sasoo )

الله ينور يا شباب
شكرا يا محمد
اتوصيت كويس
يالا يا احمد ورينا الشغل
واستنينى يا اسماء
جايبالك اسئله كويسه
والديزل ما شاء الله اسئلتك تحفه بجد
يالا يا اسماء مستنيه اجابات ميه ميه

يلا الاسئله كمان شويه ححضرها
هيه هيه هيه
ربنا معاكى

هههههههههههههه
الكل متوصى بأسماء
ههههههههههههههههه

يلا يا اسماء اظن انك فطرتى والحاله عال
اشربى حاجه بقى
اللى انتى عاوزاه


يلا باه كفايه كده

افتح المحضر يابنى

س: اسمك وسنك وعنوانك
س:ايه اكتر موقف محرج
س:ايه اكتر موقف كوميدى
س:ايه اكتر موقف فرحتى لما حصل
س:مذا تعنى لكى الكلمات الاتيه
الحب - الصداقه - الاخوه - القمر
س:ايه رايك فى المنتدى وهل استفدتى منه
س:ايه هى السلبيات اللى انتى شايفاها وكيف يمكن تجاوزها
س:الى اى مدى انتى طموحه
س:ايه اكتر قسم عاجبك
س: لونك المفضل واكلتك المفضله

استنينى فى الجلسه التانيه بعد الحكم
يارب تكون اسئله حلوه واكون وفقت فى الاختيار

يلا جاوبى وكل سؤال بدرجتين

نبدأ نجاوب
اولا: زيزي:

من هي أسماء؟ وهل شخصيتك في المنتدي هي نفس شخصيتك الحقيقية.
والله يا زيزي ده اصعب سؤال ممكن اتسأله .. اسماء انسان
انا شخصيه واحده في كل مكان وأي زمان
ماذا يعني البحر لكي؟
البحر يعني الحزن والشجن
هل تعتبرين نفسك شجاعه؟ وليه نعم وليه لا؟
بصراحه لا... لأني خوافه جدا
ما هي الاشياء التي ندمت عليها في حياتك؟؟
اني ماذاكرتش كويس ومحققتش أمنيه بابا اللي كان بيتمناها
ما هو مبدأك في الحياة؟
مبدأي الشئ اللي انا مش بحبه لا يمكن اعمله في حد غيري
ما هي حمكتك المفضله وشعارك المفضل؟
الحكمه عامل الناس كما تحب ان تعامل
انا اشاء وانت تشاء والله يفعل ما يشاء
من هو أو هي أقرب الناس اليكي؟
حتى الآن لا يوجد لدي اقرب ناس
هل انتي راضيه عن نفسك؟
الحمد لله
ما هو لونك المفضل؟
والله الالوان دي على حسب الحاله المزاجيه والنفسيه مفيش لون معين
ما هي أكلتك المفضلة؟
محشي الكرنب
رقمك المفضل؟
4
ممن اين تعرفتي على المنتدى؟
من رساله

نجاوب على الديزل

1- ايه اكتر حاجه بتخليكي كئيبة ومش ليكي نفس تعملي اي حاجه؟
اني أغلط في حق شخص عزيز عليا .. او اني انجرح برده من شخص عزيز

2- هل تجيدين تقيم الاخرين؟ ولماذا ؟
في بعض الاحيان


3- ايه معنى الحب بالنسبه ليكي ؟
الحب ... تفاهم و وفاء و اخلاص

4- مين بتفتقديه لما بيغيب عنك فترة ولو قليلة ....؟
لا احد


5-- جرحتي كام مرة واتجرحتي كام مرة ؟؟؟
لا اعتقد اني جرحت حد واتمنى فعلا ان ميكونش حد اتجرح او اتعذب بسببي
اتجرحت كام مره هي مره واحده ولا اعتقد انها هتتكرر تاني


6- متي تسقط دموع كيت كات ........؟
عند فقدان شخص عزيز او اتجرح جامد




7- لمن تقولي ..... بصراحه مش فاهمه القصد من السؤال ولكن هحاول اجاوب على قد ما فهمت

كلمة بحبك أوي ....؟ بابا وماما

بكرهك جدا .....؟ لا احد

انت أعز صديق ؟ لا احد

أنت عادي . أي شخص اتعاملت معاه معامله عاديه

آسفة ... وأعتذر جدا .؟ لا أحد



8- ماهي الحكمة التي تؤمني بها في حياتك .....؟
عامل الناس كما تحب أن تعامل
حب لأخيك كما تحب لنفسك


9- نفسك تغيري أيه في منتدي أفندينا ..... ولماذا ...؟
حقيقي هو مش فيه حاجه عايزه تتغير هو كده جميل جدا
وان شاء الله يكون من أكبر المنتديات


10- كيتي .... أتكلمي عن حقيقة نفسك . كما تشعرين بها حقا داخلك ..

في ثلا ث سطور .... ولاداعي للتجمل ....؟
السؤال ده زي ما قولت لزيزي يمكن اصعب سؤال ممكن اتسأله
لأني معرفش اوصف نفسي او اتكلم عنها

نجاوب على أسئله محمد
بسم الله

1-ماهى امنيتك فى الحياة؟
اني اكون انسانه صالحه أفيد الناس اللي حوليا

2-متى شعرت بأنك مظلومة؟
في 2 ثانوي

3-متى شعرت بأنك ظالمة؟
لم اشعر بهذا الشعور
4_ماهى اجمل كلمة سمعتيها فى حياتك؟
مفيش

5_ما هو اكثر المواقف المحرجة التى مررت بها؟
الحمد لله محصلتليش مواقف محرجه

6-متى تغيرى من اسلوبك مع من حولك؟
اغير اسلوبي مع اللي حولي لما احس انهم بيستغلوني او بيكذبو عليا

7-ماهى اكثر المواقف التى حدثت لكى وجعلتك تبكين بشدة؟
يوم ما جبت نتيجه 2 ثانوي


8-ماهى اخر مرة قسيت فيها على شخص؟
لا اعتقد اني قسيت على حد
9-متى تكذبين؟
لو هصالح بي اتنين او اخفف من حده الخلاف لكن عمري ما اكذب علشان اطلع نفسي من موقف الحمد لله
10-مامعنى الحب من وجهة نظرك؟
الحب يعني تفاهم و وفاء و اخلاص
11-هل انتى سعيدة.ام لا؟ولماذا(عايزة تجاوبى عادى مش عايزة عادى بردة)
الحمد لله

نجاوب على أحمد
بسم الله

س: اسمك وسنك وعنوانك
اسمي اسماء
سني 21.4
عنواني طنطا

س:ايه اكتر موقف محرج
الحمد لله لحد دلوقتي مفيش مواقف محرجه

س:ايه اكتر موقف كوميدى
حقيقي لا اتذكر

س:ايه اكتر موقف فرحتى لما حصل
لا اعتقد ان في موقف فرحني

س:مذا تعنى لكى الكلمات الاتيه
الحب - الصداقه - الاخوه - القمر
الحب تفاهم و اخلاص ووفاء
الصداقه تقارب مستوي التفكير ووفاء واخلاص
الاخوه الترابط
القمر التأمل

س:ايه رايك فى المنتدى وهل استفدتى منه
المنتدى فعلا جميل جدا ... اكيد استفدت منه في حاجات كتير

س:ايه هى السلبيات اللى انتى شايفاها وكيف يمكن تجاوزها
مافي سلبيات

س:الى اى مدى انتى طموحه
والله ما في طموحات معينه

س:ايه اكتر قسم عاجبك
الاسره والطفل

س: لونك المفضل واكلتك المفضله
مفيش لون معينالالوان بتبقى حسب الحاله الزاجيه
أكلتي المفضله محشي الكرنب


اي حد عنده اسئله تاني انا موجوده
وتحت أمركم

ايوة طبعا ده انتى متوصى عليكى جامد اوى اوى
ههههههههههههههههههههههههه
بحضر شوية اسئلة حلوة وخفيفة

اوك يا محمد
وانا جاهزه
واتمنى اني اكون وفقت في الاجابه
على الاسئله اللي فاتت
لاني بصراحه مش بعرف اعبر بالكلمات

يالا يا اسماء
انا هسالك حبه اسئله خفيفه
يارب تعجبك

ما هو تعرفك للمجنون؟؟

العاقل؟؟

المتكبر؟؟

المتواضع؟؟

الخيانة ..؟؟

المرأه..؟؟



ماهي اجمل اللحظات في حياتك ؟

ما هي اعلى المرااتب العلمية في نظر اسماء ؟؟

ما رايك فى تربية الابناء على الشريعة الاسلامية؟؟

ما رايك فى متابعة الاسرة للاطفال وهم على النت؟؟

لمن تهبى ابتسامتك دائما؟

شفتى بقى انا طيبه ازاى
وجايبالك اسئله فى مجالك وميه ميه
عايزه اجابات تمام بقى نستفيد منها
هههههههههه

انا لسه عندى اسئله بس مش النهارده لانى مش فايق
هو عالعموم القانون بتاع اللعبه اللى قريته فى منتديات كتير ان كل واحد يقعد اسبوع

صح يا احمد
ويارب تفوق مفيش حاجه تستاهل
ههههههه

ههههههههههههههه
ان شاء الله
بس لو كله خلص الاسئله قبل اسبوع يبقى الحق للى على الكرسى انه يختار

اسبوع كويس
حتى الواحد يبقى عنده فرصه يحضر اسئله
ههههههههههههههه

ههههههههههههههههههههههه
بالنسه ليكى تجاوبى على الاسئله
ههههههههههههههههه

هجاوب على سميه بقى
بسم الله

ما هو تعرفك للمجنون؟؟

هو الشخص اللي يتصرف تصرفات غير عقلانيه

العاقل؟؟

هو الشخص اللي بيعرف يتصرف بحكمه ويعرف ان لكل مقام مقال

المتكبر؟؟

هو الشخص اللي بيبقى حاسس بنقص في شئ وبيعوضه عن ذلك بترفعه عن الناس

المتواضع؟؟

التواضع اجمل صفه ممكن يتصف بيها الانسان .. والانسان المتواضع يعني بيكون انسان مهذب .. يخدم الناس ..وكذلك بيحب الناس

الخيانة ..؟؟

اسوء صفه في الوجود..

المرأه..؟؟

المرأه هي المجتمع.. فهي نصف المجتمع الذي يبني النصف الآخر

ماهي اجمل اللحظات في حياتك ؟

والله يا سميه لا اتذكر

ما هي اعلى المرااتب العلمية في نظر اسماء ؟؟

مفيش اعلى مرتبه في العلم لان الانسان مهما وصل في علمه بيموت ناقص علم

ما رايك فى تربية الابناء على الشريعة الاسلامية؟؟

احسن تربيه طبعا وعموما اهم شئ في التربيه ايا كانت هو تربيه الضمير في الانسان لأن الضمير هو الانسان


ما رايك فى متابعة الاسرة للاطفال وهم على النت؟؟

انا مش مع ان الاطفال يقعدو على النت اساسا ... بس لو حصل وقعدوا اساسي المتابعه علشان ميحصلش مالا يحمد عقباه

لمن تهبى ابتسامتك دائما؟

والله يا سميه انا مش عارفه ده عيب ولا ميزه.. بس انا تقدري تقولي مبتسمه دائما لاني معرفش اكشر في وجه احد ...لان الابتسامه لا تكلف

ان الابتسامه لا تكلف شيئا مع ذلك تعطي الكثير
فهي تثري من ياخذها دون ان تاخذ ممن يعطيها
وهي لا تدوم الا للحظات ولكن ذكاها يكون ابديا
فهي تخلق جوا من السعادة والمرح وتريح المتعب
وتبث السعادة في نفس البائس وتواسي الحزين
وهي دواء لكل داء ولكافة الاحزان والالام

وكذلك ... الابتسامه في وجه اخيك صدقه

أتمنى اني اكون وفقت في الاجابات

ميه ميه يا باشا

ها حد عنده اسئله ولا خلااااص
كلكم خلصتو؟؟؟؟؟؟؟؟؟؟؟؟؟

مرحبا اخت كيت كات


أتفضلي أشربي جوافة باللبن .


بالهنا والشفا ...



نبدأ أسئلة .




1- من أقرب الأشخاص إليك ....؟


2- أيهما أفضل ..... ولماذا ... الصراحة ... أم .... المجاملة ..؟



3- -شئ تتمناه ولايوجد لديك؟


4- لو ربنا أكرمك وطلعت تحج وقالولك تاخد معاك مجانا 5 أشخاص تختار مين؟


5- إيه الخصال الي تتمنى بعد ما تشتهر تكون موجودة فيك؟



6- من هي أسماء بالنسبة ل كيت كات .......؟



7- هل أنتي ......... راضية تماما . وكليا عن نفسك ... وتصرفاتك ؟


8- أيه وجه الشبه بينك وبين ......... والدك .. ووالدتك ...؟


9- اختاري من المنتدي تقدمي له كلمة ...


شكر ..

عتاب ..

كلمة حب .

باقة ورد .

10- ماهو أكثر موضوع عجبك جدا جدا .... ( لازم تحددي موضوع ) ؟


11- لو أصبحت فجأة ريئسة المنتدي .... ماهو أول قرار تتخذيه ؟

12- أفضل قسم في المنتدي تحبيه جدا ..؟

13- قولي كلمة للأستاذ . أحمد .. ( أدمن ) شكر... أو .... عتاب ؟



شكرا جدا لك أخت كيت كات .


مع خالص تحياتي وأحترامي لك .


أخوك

ال

دي

زل

بسم الله

- من أقرب الأشخاص إليك ....؟

لا أحد

2- أيهما أفضل ..... ولماذا ... الصراحة ... أم .... المجاملة ..؟

الصراحه طبعا .. بس الصراحه بطريقه متجرحش الشخص اللي قدامي

3- -شئ تتمناه ولايوجد لديك؟

صديقه


4- لو ربنا أكرمك وطلعت تحج وقالولك تاخد معاك مجانا 5 أشخاص تختار مين؟

بابا وماما و لو كان عندي زوج يبقى معاهم .. وشخص يكون نفسه يحج وليس لديه مقدره

5- إيه الخصال الي تتمنى بعد ما تشتهر تكون موجودة فيك؟

التواضع

6- من هي أسماء بالنسبة ل كيت كات .......؟

اسماء هي نفسها كت كات

7- هل أنتي ......... راضية تماما . وكليا عن نفسك ... وتصرفاتك ؟

الحمد لله.. ولكن اكيد في بعض التصرفات نفسي اصلحها ومتكونش فيا

8- أيه وجه الشبه بينك وبين ......... والدك .. ووالدتك ...؟

قد اكون شبه والدي في شخصيته..

9- اختاري من المنتدي تقدمي له كلمة ...


شكر .. (أحمد)

عتاب .. ( لا احد)

كلمة حب . ( كل الاعضاء)

باقة ورد . ( كل الاعضاء)

10- ماهو أكثر موضوع عجبك جدا جدا .... ( لازم تحددي موضوع ) ؟

من تجارب الحياه

11- لو أصبحت فجأة ريئسة المنتدي .... ماهو أول قرار تتخذيه ؟

بصراحه معرفش

12- أفضل قسم في المنتدي تحبيه جدا ..؟

الاسره والطفل

13- قولي كلمة للأستاذ . أحمد .. ( أدمن ) شكر... أو .... عتاب ؟

اولا.. اشكره جدا لانه عرفني بالمنتدى ...واشكره جدا لثقته فيا واعطائي رتبه مشرفه في المنتدي ... وأتمني اني اكون عند حسن ظنه

وأتمنى اني اكون وفقت في الاجابه

انا مش فايق خالص عشان كده جاوبى على الاسئله يتاهع الديزل
وانا ماعنديش
بس الله ينور يا ديزل على اللاسئله دى

الله ينور يا ديزل بجد عالاسئلة
وانا ماعنديش خلاص
الديزل سئل كل الاسئلة وماسبش حاجة الا وسئل فيها

بسم الله

نجاوب على اسئله الديزل

- لو قالولك حنطلعك القمر ومن حقك تختار 3 اشياء حتخدهم معاك ...تختار ايه؟؟؟

بصراحه انا متمناش اطلع القمر... ولو قالولي هنطلعك هقولهم بلاش شوفو حد تاني

2- أخبرينا عن .. أسم بتحبيه ... ...بلد بتحبيها... يوم بتحبيه ...برجك ايه....زمن تحبي تعيشي فيه.....؟؟؟؟

اسم بحبه .. ريان ، بنان
بلد بحبها .. ألمانيا
يوم بحبه .. الاربعاء
برجي .. الجوزاء
زمن احب اعيش فيه .. زمن الرسول (عليه الصلاه والسلام) والصحابه

3- حاجة تنرفزك وتعصبك؟

اني اكون بعمل حاجه ومركزه فيها قوي .. وبعدين يجي شخص يسألني انتي بتعملي ايه....

4- مدى علاقتك بأسرتك؟

قويه وتمام الحمد لله

5- لو شوفتي رئيس الوزراء . ماذا تقولين له .....؟

متمناش اشوفه..


6- لو انتي زعلانة وحزينة بسبب مشكله شخصية عاطفيه عندك .. بتعملي ايه؟

بيبقى عندي اكتئاب وبنام كتيييييييييير..

7- لو اختاروك لحضور اجتماع يضم من كل بلد عربى فرد وانت منهم لتمثيل مصر

وكان المؤتمر لعمل حل جذرى بين الامة العربية واسرائيل وامريكا .. ايه هى

مقترحاتك فى الموضوع لحل مشاكلنا فى النقطة دى ؟

اول حاجه الاتحاد بين العرب وكلهم يبقو ي واحده... وانهم يبقو على الشريعه الاسلاميه ويعملو بالقرأن والسنه

8- هل حياتك اليومية روتينية .. وتنصحي بايه الناس يستغلوا عمرهم صح ؟

الى حد ما .. يستغلو عمرهم في فعل الخير والتقرب الي الله وده ميمنعش انهم يعملو لدنيتهم برده ( اعمل لدنياك كأنك تعيش ابدا..واعمل لاخرتك كأنك توت غدا)

9- من هو الشخص الذي أذا رايته يبكـي تبكـي معه؟

بصراحه انا مقدرش اشوف اي شخص بيبكي قدامي .. وخصوصا الاطفال

10- ماهي الكلمـه اللي تردديهـــــا دائماً؟

عادي

11- لديك ثلاث أوسمة ذهبية لمن تهدي هذه الأوسمة ؟ ( لأعضاء في المنتدى ) ...

أحمد ... سميه ... محمد

12-ما هو الشيء الذي يخرجك من سيطرتك ويجعلك تضحكين من كل قلبك ؟؟

مش عارفه والله


13- لو صادفك في الطريق شاعر ورسام فأيهما يلفت نظرك أكثر ولماذا ؟

الرسام ... لان انا بحب الرسم جدا.. وكذلك بحب الالوان وتأثيرتها والاحساسات والانطباعات اللي بتتركها الالوان


14- لما تكوني فرحانة شوية ونفسيتك مظبوطة بتعملي ايه ؟

ببقى مبسوطه .. عادي .. مش عارفه


15- كتبتي خواطر ليكي قبل كده ؟.. ولو كتبتي ممكن تكتبي لنا منها سطرين؟

حقيقي مكتبتش قبل كده خالص.. يعني ماحاولتش


16- ايه الاسئله اللى مفيش حد فينا سألك عليها ؟

بيتهيألي سألتو كل الاسئله اللي ممكن تتسأل
ههههههههههههههههههههههههههههه