الف علامة استفهام لازم تتحط لما اقف عند موقف زى دة الحقيقة اغلب المواضيع الى بعرضها بتكون قابلتنى بالحياة من شخصيات حقيقة عشان محدش بيقول انتى بتبالغى المشكلة الوقتى على فكرة المرة دى الشاب مش فى عيب واحد ومع ذلك اترفض لان والد البنت قال مش من مستويا اكيد يا شباب سمعنا الكلمة دى من زمااان فى مسرحية لفؤاد المهندس وكانت المسرحية تعرض الحياة ايام الملوك والسلاطين تقريبا اتعملت المسرحية ايام الانفتاح على ما اعتقد مكنتش دراسة تاريخ مسرحى المهم القصة وما فيها ان زميلة ليا وجدتها منهمرة فى البكاء من عادتى انى لما بلاقى حد كدة بتركة لانى مش بحب ازود الهم لما يبقى واحد مضايق مش ينفع نروح نسالة فى الوقت دة مالك بالذات لو مش تعرفة لكن بكاءها كان بصوت عالى جلست قدامها اشاهدها وانا بالظبط زى الى بحالة زهول لوحدها قالتلى انا تعبانة ممكن احكيلك قلتها اتفضلى البنت دى من عيلة كبيرة جدا صحيح بلد ارياف لكنها رائعة الجمال تفتن ناظريها حتى البنات ذكرت تلك الفتاة انها من عيلة كبيرة جدا ذو نفوذ عالى ولاجل الحظ السىء انها مثل اى فتاة قابلت شاب من بلدها اعجبت بية واعجب بها ووقع الحب وعاشت اجمل قصة حب من شاب جاد تجاهها انهى دراستة وعمل الشقة ومعاة فلوس الشبكة وفلوش الموبيليا كمان وشاب ممتاز معروف بسمعتة الطيبة وتدينة ومن سعادتة يوم ذهابة للتقدم لها اشترى ملابس جديدة ليقابل والد العروس وعنما جلس امامة ولم يكمل الكلمة الا ووجد رد قاطع اسف يا بنى انت مش من مستوايا تفتكروا رد فعل الشاب كان اية اى واحد مكانة ما هيصدق ويقول خلاص هعمل اية يعنى ويمشى لكنة تمسك بها جدا مش لانة طمعان لان الدليل على عدم طمعة انة قبل ما يتقدم جهز نفسة لليوم دة وصبر حتى تعين فى عمل جيد جدا فهو عريس جيد من كل النواحى ولكن المصيبة ان لما وقف الشاب قدام اهل البنت وعبر عن رغبتة انة يحصل على فتاة احلامة كانت النتيجة انة تعرض لمخاطر عديدة من قضايا وبهدلة الا ان توصلوا معاة لاتفاق ان ياخد مبلغ ويترك البلد نهائيا رفض الشاب بطبيعة الحال الفلوس وغادر البلد فعلا لحصولة على عقد فى السعودية واليوم الى قابلت فية هذة الفتاة كان يوم سفرة وكانت بتبكى لانها لم تراة منذ اكتر من ستة اشهر ولم تودعة حتى الى بحكية دة بنشوفة بالافلام ومكنتش اعرف انة بالحقيقة الدنيا دى اصبحت كالمادة لم يعد للقيم والاخلاق اى مكان لم يعد فرحة الاهل بعريس البنت زى زماان رجع المجتمع واصبح طبقتين وعودة لزمن العبد والسيد فليعلم العالم اجمع ان لا سيد الا اللة ما حدث لتلك الفتاة بعد ذلك جعل عندى اصرار لعرض تلك المشكلة للمناقشة لانها وبدون اى سبب سقطت وكانها جثة وما هى الان مجرد نفس يخرج ويدخل دعونا ندعوا لها بالشفاء وحال الاب الان يزرى لة وندم على مافعلة بفتاة مرهفة القلب كل ما فعلتة ان عشقت وحرمه من هذا الحبيب رغم انة كان افضل من تقدم فحتى لا يعرضها لاهانة اكثر من اهلها غادر وتركها متمنيا ان تجد مع غيرة السعادة هذة احداث واقعية احداث تبكى اى قلب فحتى مع اجمل معانى الحياة الصادقة والتى ىما نادرا فى جيلنا الحالى ما تحدث يقف الاهل عقبة لمجرد ان الاب يريدج بدلا من غرفة صالون ب4 الف جنية يريدها ب20 الف جنية دة مجرد مثال طب اية دة بالزمة دة تهريج كان الخلاف الاول على الشقة والعفش بس ييجى باى حاجة المهم ييجى اة كان فية تعنت بس تعنت وسخرية بالعالم ومع ذلك دفع هذا الاب تمن ما فعلة بابنتة ودفع اهل الشاب ما فعلوة بابنهم ايضا اللهم لا شماتة .
.........
يا جماعة الموضوع معروض للمناقشة
اتمنى ان ندوعو معا لتلك الفتاة ان يخرجها اللة من محنتها امين يارب العالمين
الرئيسية 
الثلاثاء ديسمبر 23, 2014 10:11 pm من طرف 
