ياعم وديها الدار

السلام عليكم ورحمة الله وبركاته ,,

إزيكم يا شباب عاملين ايه ..

كتير مننا الحياه بتاخده .. وبينشغل عن أقرب الناس ليه ..

لكن فى نفس الوقت هو مسؤل .. فيه اللى مسؤل عن عن أولاده ..

لكن لما بينشغل عنهم عملو اختراع حلو اسمه الحضانه وانا عن نفسى مش بحبه ..

لكن اللى مسؤل عن أمه وأبوه .. عمله اختراع برضه اسمه دار المسنين ..

هل تقبل بوضع أمك فى دار المسنين ؟؟

هل تخجل من وضع أمك فى دار المسنين ؟؟

انا عن نفسى عمرى ماعمل كده لو على رقبتى

انا عمري ما اعمل كده ابدا
ولا بحترم البنت او الولد اللي بيعملوا مع اهاليهم كده
ده اقل واجب علينا ليهم ومهما عملنا مش هنديهم حقهم
اننا نتحملهم في وقت ضعفهم والوقت اللي فيه محتاجين حد يرعاهم

شكرا ليك يا احمد
تسلم ايدك

دة لو ابات فى الشارع وامى تبقى ببتها اعوذ باللة من الناس الى بتعمل كدة ربنا يعينا يارب وادينا الصحة عشان نقدر نخدمهم ونرد جميلهم علينا موضوع جامد محمد وسؤال اهم يسلمو مجهودك

تمام
شكرا على مروركم الجميل
وربنا يخليلنا كلنا امهاتنا واباهاتنا ويديهم الصحه يارب

انت بتتكلم عن ايه يااحمد اللى مش ليه خير ف امه وابوة مش ليه خير ف حد تانى خالص

وهو ده اللى احنا عاوزين نوصله للناس اللى بتعمل كده
شكرا على مرورك لينة

لا طبعا يا أحمد انا عمري ما اعمل كده
وبالوالدين احسانا ده اقل واجب علينا اننا
نرعاهم لحد اخر يوم في عمرهم ربنا يديهم الصحه يارب
تسلم يا باشا

تمام
شكرا على مرورك زيزي

لا استحالة

مهما كانت الدنيا وانشغالها وظروفها

مفيش حاجة تخلي حد ينسى اهله او يرميهم في دار

عشان مش فاضي حتى يسال عليهم

ده لو فضى نفسه نص ساعة ساعة يعدي عليهم ويسلم عليهم

يطمن يشوف احتياجتهم ولو حتى بسؤال في التليفون

اللي مالوش خير في اهله مالوش خير في اي حد

لما يرمي اهله اللي ربوه وعلموه وتعبوا وشقيوا عشانه يعمل ايه بقى بعد كده

ربنا يخليهم لينا كلنا ويديهم الصحة ويجعلنا ابناء ابرار ونقدر نوفيهم جزء من جمايلهم وتعبهم علينا

مرسيه ليك موضوع مهم

امين يارب
شكرا على مرورك سمسمه

يانهار ابيض ياحمد
اللى يعمل كده يبقى معندوش دم
ده كده يبقى بيرمى ابوه او امه
ليه مش عارف ياخد بالوا منهم ويراعيهم
يعنى هما يربو و يتعبوا و يكبروا وفى الاخر يبقى ده جزائهم من ولادهم

تسلم ايديك على الموضوع ياباشا

شكرا على مرورك تيتو

» تامر حسنى..غزة مين ياعم
» كباب الدجاج الحار بالثوم