ازمة الشباب والجملة المضلة ( روحو فى ستين داهية انتوا جيل بايز عايز كل حاجة على الجاهز )

جملة سمعتها ولفتت نظرى قلت بقى لازم اعرف اسباب ان الناس فاكرانا مش عايزين نتعب ومش عايزين نشتغل بصراحة الى شايفاة ان مستقبلن بيضيع اولا ندخل الكلية ومعظم دراستنا مش احنا الى اخترناها ثانيا نتخرج بعد ما يطلع عينا من الدكاترة ثاثا نروح ندور على شغل بالذات للرجالة اول حاجة يطلبها شهادات كمبيوتر ولغة رغم ان ممكن يكون العمل دة محل بقالة على اول الشارع نيجى نسال صاحب العمل واية لزمة طلباتك دة يرد ببساطة مفيش شغل دلوقتى من غير شهادة كمبيتر وانا بحب اعمل زى الناس طب يا خويا ربنا يخليك للناس رابعا ابقى قابلنى لو لقيت شغل وابقى قابلنى لو لقيت وطلع صاحبةراجل عندة ضمير مقدر مجهودك وفى النهاية بتبقى قرفان ومفيش قدامك الا حل واحد نروح الهند بلد دملة وفيها افيال عم رشيد ابو ابن خالة عمة جارة ابويا راجل امير شاف حالى صعبت علية ومش بس كدة دة اقنع ابويا بالسفر وقالة بس طلعلة البسبورت وملكش دعوة بس ايدك قبلا على 25 باكوا مقدم 5 مؤخر 10مصاريف فى النص كدة بقت فل وكل عام وانتم بخير اى اب مكان ابونا هيدفع مفيش اب بيكرة ان ابنة ميسفرش ولا يكون مستقبلة وفى بالة هيقول بكرة هيعوضنى ويعوض اخواتة ويعمل البسبور وياخد التاشيرة ويا خدة قريبة ويقولة يلاهتتاخلر على الطيارة ونروح نلاقى الطيارة اية مركب صيد صغيرة فيها تلاتة زى حلاتى والى يحصل يحصل والموضوع ينقلب بلوة ويضيع الالخ ويضيع خامسا بقى افرض لقينا شغل وصاحب الشغل طلع راجل امير وابن ناس روق كدة بقى احلوت وخلاص اخيرا هتقدم لسوسو حبيبة قلبى اولا لازم اروح اجيب تورتة والبس شيك وابوها يكلمنى بقى فى الشبكة والمهر وبساطة الراجل قال ( شوف يا ابنى عليك تجيب شقة وعليك تجهز وتدغع مهر وتجيب شبكة وتعمل فرح فى فندق 10 نجوم وو.....)
هو سؤال واحد بعد كل الرغى دة لو احنا جيل مش عايز يتعب مكنش ظهر على ايامنا حجات يمكن اول مرة نسمع عنها عن جرايم وحجات بتتعمل فى الشباب وبيعملها الشباب مقلناش الحل كلة على الدولة لا الحل هو للقطاع الخاص انا شايفة ان الدولة مغلططش لية لانها حاليا لما لقت نفسها مش قادرة تكفى الاحتياجات للشعب لوحدها قررت تشارك تبقات الشعب الغنية وحولت اغلب منشاتها العامة الى منشات خاصة العيب الوقتى فى اصحاب القطاع الخاص ومش بس العيب عليهم العيب على العصر الى احنا فية ومتطلباتة زمان لو كنا احنا عايشين زمان عمرنا ما كنا هنعرف بعض اصبح الان كل شىء سهل الحصول علية لكن المهم اننا نعرف الهدف ودى مشكلة اغلب شباب جيلنا فيارب ان ندعو لهم بالهداية والتوفيق

يا رب يا لولو بس انا شيفاكى يعنى واخده الموضوع بعصبيه اوى اهدى يا ماما
ريحى نفسك فى مثل بيؤلك مكنش تعزر و باع حزر
ههههههههههههههههه
احنا بنتعب و كل حاجه بس بنتعب تعب مش فى مكانه الصحيح
انها بقينا عاملين زى اللى بيتعلق فى قشايه عاوز يشتغل و يجيب فلوس و انتهانا محدش بيفكر يشتغل صح
و لو على الدراسه اللى بتتكلمى عليها فانسى ان حد يدخل كليه عاوزها و بيحبها الا لو كان حظه حلو او .................
واخد بالك يا ابرهيم
هههههههههههههههه المهم الحياه ماشيه كله بياخد نصيبه
تقبلى مرورى بقا

شكرا اوزة لردك الغالى وشكرا ليك يات احمد وبالعكس انت مخرجتش برة الموضوع انت كلامك سليم جدا بس انا من راىى حاجة مش عارفة هتوافقنى عليها ولا لا ان لما يكون فية مشكلة او ازمة بيبقى السبب فيها كل الاطراف يعنى احنا وا لحكومة والسياسة الخارجية وفئات الشعب صحافة واعلام وتطور تكنولوجى كل دة سبب ازمة مش بس كدة وجود لعولمة واستبدال كل شىء بالسهل جعل الانسان متساهل وبيبحث عن الحلول السهلة عشان كدة الشاب دة دور على اسهل طريق الهجرة فى النهايى اتمنى اشوف البلد دى كويسة لانها بجد تستاهل وشكرا لمرورك الغالى يا احمد وردك المهم

هو احنا ممكن نكون السبب فى كده
عشان حاجة واحده
ان احنا رضيين باللى احنا فية ومش عاوزين نغيره

عندك حق واللة يلا مش نملك غير اننا ندعى لربنا ونعمل ما بوسعنا وشكرا يا قمر للكلام والراى الجميل دة

زمان و انا فى المدرسه كان ديما المدرسين يقوللنا انت جيل مش نافع
بقى هما دول اللى حيحرروا القدس يتكم ستين نيله كنت بدايق اوى
و ياسلام بقى على تعلقتهم على تسريحت الشعر
قال يعنى و هما فى سنينا مكانوش زينا و يمكن اكتر كمان
و بعدين قدس ايه اللى ديما يقوللنا عليها اذا كانوا هما اللى ضيعوها
فعلا هو ده صراع الاجيال و ممكن نشوف ده فى الافلام القديمه شويه
ديما الناس الكبيره مش عاجبهم الشباب ده الطبيعى يعنى
و بيشوفوا اى حاجه الشاب بيعملها غلط
انا شايف ان جيلنا مظلوم اوى و الاجيال اللى جايه ربنا يكون فى عونها
لان العمليه هتتنيل اكتر من دلوقتى
هو مين مننا دلوقتى اللى بتجيله حاجه على الجاهز
مهو الواحد بيشوف الشباب بيتبهدلوا يمين و شمال علشان يعيشوا و مفيش فايده
مش عارف بقى انا صراحه مش لاقى حل
لان كده كده و مهما نعمل مش هيعجب حد هنفضلوا جيل منيل فى عيونهم
احسن حاجه نكبر دماغنا من كلامهم و ناخد منه اللى ينفعنا
و نعيش حياتنا زى ما احنا عيشين

كلامك جميل تيتو بس اللة اعلم يمكن الاجيال الجاية تكون احسن مننا ويمكن لا بس فى النهاية فعلا صراع الاجيال دة هيفضل شغال
ولكم باك يا دوك وحشتنا معنتش تغيب علينا تانى راى صائب ومشاركة رائعة من دكتور تيتو بعد العودة