ويقولوا الدنيا لسه بخير
المقولة دي كلنا عارفينها أكيد
وكنا واثقين منها من 5 سنين فاتوا
إنما النهارده لما بتسمع الجمله دي إيه الشعور إللى بتحسه
زمان لما كنا بنسمعها كنا بنفتخر إن لسه في ناس كويسه
والخير عمره ما بيروح والشر هايجيله يوم وينتهي
لكن الأيام دى الحوادث بتزيد
والجرايم أفظع
ولسه بنقول الدنيا لسه بخير
طيب تعالى معايا نطرح بعض المشاكل
وهانتعرف على الدنيا
هل لسه الدنيا بخير ولا الحمد لله إن إحنا إللى بخير ...؟
فى أحد الصحف المصريه جاء هذا الخبر
جريمة بشعة في القليوبية: معوق يغتصب ابنة شقيقته وجارتها ..!
لما نقوم الصبح ونلاقى الناس خايفة ومصدومة سألنا من إيه ..؟
اكيد طبعا كلكوا سمعتوا عن احدث جريمة الا وهى : الزوج الذى رجع الى البيت وقتل زوجته وذبح ابنه وابنته الكبار وقطع شرايينه بسبب خسراته فى البورصه
بالذمة مش دة سبب تافه)
ولا اللى قتل جارته وهو متربى معاها بقاله سنين عمره كلها
ولا قالوا ده واحد قتل كل أسرته وهو تحت تأثير المخدر
وأب إغتصب إبنته الرضيعه
وأخ يقتل أخته الغنيه من أجل الأموال
وزوجة تقتل زوجها لكي تهرب مع عشيقها
وزوج قتل زوجته عندما إكتشفت خيانته
وووو................
الكثير من الأخبار القابلة للعرض والغير قابلة للعرض
وخبر وراء خبر
لحد ما فقدنا الثقه فى كل من حولنا
وأصبح الخوف يلاحق الجميع
دلوقتى معاكسات فى كل حتة .. يعنى لو هركب تاكسى هتخاف احسن تتخطف ولو مواصلة عامة تخاف من التحرش طب نروح فين ؟؟؟
دلوقتى الطلبة لما يروحوا الجامعة ويرجعوا على خير يقولوا الحمد لله إن إحنا كويسين
والزوج لو رجع بالمرتب كل أول شهر من غير ما يتعرض للسرقه
يدعي ربنا ويصلي شكر وحمد إنه رجع بالسلامه لولاده
زمان كنا بنخاف نرجع متأخر علشان الحوادث
دلوقتى الحوادث بتحصل فى عز الضهر ياترى نعمل إيه ...؟
ماننزلش من البيت ....؟
طيب مهو ساعات بنقرى إن في حوادث تمت داخل البيوت يعنى
حرامي إقتحم شقة قتل إللى فيها
نعمل إيه بس .... ؟
طيب إزاى هاثق فى الدنيا بعد كده وأنا شايفة كم هذه الحوادث
السؤال ياجماعة
ليه وصلنا لكده ...؟
ليه بقينا خايفين ومستسلمين لجشع السوقيين وطماعهم ...؟
ليه النخوه راحت من الرجال ومبقاش حد ينقذ عرض حد ..؟
ليه كل حاجة تقول وأنا مالي .....؟
ليه بقينا بنخاف...؟
زمان كانت البنت تمشى لابسة قصير ولا يحصلها حاجة .. لان كل الرجالة كانوا بيخافوا على كل البنات اللى حواليهم .. لكن تقدر تقولى لو اى شاب شاف بنوتة بتتعاكس من شخص ما .. انا واثقة انه ممكن يروح يعاكس معاه لأن مفيش نخوة خلاص.. معرفش ليييييييييية؟؟
علشان ولادك ... ولا علشان سنك كبر ومتاقدرش على المواجهة
ولا علشان معندكش القدرة إنك تغير السلبيات
ولا لإنك واحد من اللى بنتكلم عنهم
ياجماعة
أتمنى الإجابة
الدنيا لسه بخير ......؟ ولا الحمد لله إن إحنا بخير ...؟