حوار مع مسطول فايق جداااااااااااااااا

في ظل الاوضاع الحاليه,ومجاراة لعصور القنوات الفضائية
كان لنا الحوار التالي مع احد المساطيل من احدي الغرز على ناصية الشارع

بدأنا الأسئلة
وكان اول سؤال للمحاور:

بصفتك واحد من المواطنين المحبين والمضحين من أجل هذا البلد
كيف تري مستقبله؟

المسطول:أكيد هيكون لوز وآخر بهججة
والناس هتكون فوووووووووووووووق وطايرة وآخر سعادة

المحاور: في رأيك ما هي أفضل الأساليب والطرق اللازمة لحل كل المشاكل التالية؟

البطالة

المسطول: إحناا نموت الشباب الجديد الصاعد اللي عاوز يشتغل من دلوقت,
قبل ما يموت هو من الحسرة..أو يفكر انه يفجر نفسه
وبكده يكون عندنا وظائف خالية للجيل اللي بعديه ..

تلوث المياه

المسطول:دي بقى حلها سهل جدا..الميه المعدنيه موجودة ومتوفرة في كل مكان وباي كميه
ولا احنا بقي غاويين صنع مشاكل وخلاص؟
وأنا لي رأي ممكن يحل الموضوع ده ..
إن يتصرف لكل مواطن إزازه ميه معدنيه نظيفه علي التموين
وأظن ان دا حل كويس يرضي جميع الاطراف ..

رغيف العيش

المسطول: أعتقد ان لغايه النهارده وحتي هذه اللحظه إنه في متناول يد الجميع
وسعره مدعم لكل الناس..ويعني هو لو كان شاحح شويه في البلد
فالبديل موجود..البسكوت حلو وجميل وفي منه كمان بالشيكولاته
وموجود في كل مكان ..العيب في الناس اللي مش عايزة تفكر في حلول لمشاكلها.

الصرف الصحي

المسطول: نلغي حاجه اسمها الحمامات دي خالص
ويتوفر لكل مواطن أكياس بلاستيكية يقضي فيها حاجته
وأهو برضه ممكن يبقى استثمار للفضلات..

التعليم

المسطول: دي بقي أهم حاجه لازم نعالجها بجد..
لان التعليم هو اللي بيربي الناشئين للمستقبل وبيصنع الاجيال
بس أهم حاجه لازم نعلمها لولادنا ..امشي جنب الحيط
وخليك في حالك احسن لك..وإن شفت الغلط غمض عنيك وماتتكلمش..

ارتفاع الاسعار

المسطول:ممكن نحلها بخفض الاجور لكل فئات الشعب
وهنا الناس مش هاتعرف تشتري حاجه و التجار مش هايبيعوا
وتحصل حاله كساد اكتر.. هيضطر التجار يخفضوا ثمن السلع بأقل من تمنها الحقيقي
وتبقي كل حاجه ببلاش ..(سيدي يا سيدي) [ندعوك للتسجيل في المنتدى أو التعريف بنفسك لمعاينة هذه الصورة]

وأخيرا .. في ناس عماله تتكلم و تقول إن كل حاجه دلوقتي بتغى وبيرتفع سعرها
ماعدا الانسان بس هوا اللي بيرخص ..إيه رد حضرتك؟

المسطول:

آه ..لما الناس تفوق بجد وترفض تتعامل على انها حيوانات
وعلى الأقل يتعاملوا بينهم وبين بعضيهم على انهم بني آدمين
وكل واحد يعرف حقوقه وواجباته و....

المحاور
بس..بس..ستوب..انت بتقول ايه؟
انت جاي تفوق دلوقت...فاصل ونعود مع مسطول آخر من غرزة تانيه في حته تانيه

[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههههه
احلى كلام
هى دى حلول مشاكلنا وله بلاش
ميجبها اللى مساطيلها

تسلم ايديك ياحمد

ههههههههههههه
اه والله يا تيتو
بس المشكلة انه فاق فى الاخر
فمش حيعرف يحل حاجة

هههههههههههههههههههه
والله دماغ

تسلم ايدك يا احمد

ههههههههههههههههههههههههههههههههههههههههه
الله ينور بجد
مسول بس دماغه تمام
هههههههههههههههههه
شكرا ليك يا مودى

ههههههههههههه
شكرا على مروركم اسماء ومحمد

» هههههههههههههه حوار بين اتنين طرش بس حوار جامد
» مسطول ومسطول اوى
» حوار بين طالبين بيمتحنوا