المؤهل

لا هو فعلا الموضوع قوى
وكتير من زميلاتى كانوا يسالونى عن الموضوع دة وخدوا راييى والحمد اللة ربنا يسعدهم ويكملهم يارب
بص يا سيدى انا راييى ان الراجل دلوقتى من الاشياء النادرة فالمجتمع بتاعنا دلوقتى ما اكثر المنافقين الى فية وكلنا سمعنا عن الرجل الى مرة يعمل نفسة قبطى ومرة مسلم عشان يتجوز على مزاجة طبعا دى اسمها يعنى مش لاقية لفظ اوصف بية فلو اتقدملى واحد محترم وعلى خلق راجل ويعتمد علية من النوع الى يقول وينفذ ولة شخصية كدة وعيشها زينا اليوم يعدى والحمد للة ومتعلمش اصلا واللة الادب والاخلاق دلوقتى عملة نادرة واصبح التعليم لازم نضربة بال.......ماشى لانة مبقلوش لزمة ممكن يبقى فى واحد متعلم وقليل الادب ومنة فية طبعا فاذن ردى عرفتة اة طبعا اما الكلام الفارغ الى هو التعليم فطالما راجل محترم وعندة دراعة هيعرف ازاى يبتدى من الصفر ولازم اقف جمبة طبعا ولا مجتمع ولاناس ولا كلام فارغ طالما انا مقتنعة واهلى كمان يبقى خلاص يا عم حد لاقى بس هو ييجى ان شاللة لو كان ميكانيكى
هههههههههه
يلا طولت عليك تسلم على الموضوع الجامد دة

طبعا يا لولا كلام جميل
والحب مالوش كبير
وطبعا كفاية انه يخاف عليكى ويحبك
ده بالدنيا كلها
شكرا على رايك يا قمر

انا راى ان البنوته لازم تاخد واحد تفكيره اعلا منها لسبب مع احترامى لكل الرجاله بس ربنا ادى للبنوته دماغ بيفكر بطريقه اكتر دبلوماسيه عن الراجل عشان كده بيتقولوا علينا بردين ها
المهم عشان كمان البنت لما بتحس انها اعلا من الراجل اللى قدمها مش بيعلا فى نظرها ابدا و دا مش المروض
يحصل
بس لو الولد اخد بنوته اقل منه فى المستوى التعليمى اوى دا هيكون غلط لانه هيكون عاوز واحده تلاغيه فى الكلام مش يقولها القنبله الذريه تقوله تتعشى محشى ورق عنب ولا كرنب
فهمانى اقصد ايه؟؟
بس دا راى

oza

اكيد طبعا لكل واحد لازم يختلف فى راية عن التانى
بس تعمل اية باه لو انتى مثلا حبيتى واحد اقل فى المستوى التعليمى
انا مش بقول جاهل
هل حتتقبلى الوضع ولا حتحاولى تنسية ولا ايه
هو ده كان قصدى
يعنى انتى حبتية وخلاص مش لسة حيتقدم لك او لسة شايفاه لاول مرة

بس يا باشا بالنسبه ليا انا أصلا مش ممكن أحط نفس في موقف زي ده
لاني أول واحد مش هبقي مقتنعه بالموضوع وانا مش مع ان الواحده تحب
واحد أقل منها في التعليم لان ده ممكن يأثر سلبيا علي حياتها لان الراجل عمره
ما يقدر يعيش مع واحده وهو حاسس انه أقل منها ده عند تجربه قريبه مني
بس الراجل يعني ممكن عادي لو هو حب واحده أقل منه عادي ممكن يكمل بقيت
حياته معاها عادي لان الاساس عليه هو بس ميبقاش برده الفرق كبير بينهم
وأتنمي انك تكون فهمت رايي
تسلم يا باشا موضوع جامد

شكرا على رايك
بس برده احنا بنتكلم عن انك خلاص حبتية
مش لسة حتفكرى

ما اصل انا أصلا مش بحاول أقرب من حد أقل مني أصلا يا احمد
علشان أحبه ولا لاء يعني بلغي الفكره من تفكيري أصلا
الا بقي لو نصيبي بس برده مش مش هواجه أهلي ولا هقنعهم
هو الموضوع ساعتها هيمشي لوحده ده لو نصيبي وقدري
ياريت تكون فهمت انا قصدي ايه؟

اه فهمتك
بس لو انا حبيته خلاص و شايفه انه مناسب ليا و قلبى خلاص هيتجنن عليه
هحاول اقنع اللى حواليا بيه بس لو فكر يبعنى لو فكر بس
بلاش اكمل
oza

والله الموضوع صعب فعلا
بس اعتقد اني لو حبيت انسان اقل مني في التعليم والحاجه دي مش فارقه معاه وهو واثق من نفسه يعني
حاجه زي دي مش هتخليه مهزوز او ضعيف الشخصيه قدام اللي حواليه
وهو انسان كويس في كل حاجه تانيه يعني اخلاق ومعاملات ودين وهيحافظ عليا
هحاول اقنع بيه اهلي اكيد او اوصل لحل وسط
يعني مثلا انه يكمل تعليمه في جامعه مفتوحه او ينتسب لاي جامعه

وشكرا ليك على الموضوع

و الله انا شايف ان مينفعش ان واحد او واحده جامعى و معاه باكلوريوس يرتبط بحد معاه دبلوم

حتى لو كانوا بيحبوا بعض

لان تفكيرهم هيبقى مختلف تماما

و هبقى صعب اووى الارتباط ده يستمر

انا شايف ان العقل المفروض نحكمه الاول قبل القلب

تحياتى ياحمد على موضوعك المميز

شكرا على مروركن جميعا وارائكم