المفاسد داخل الحرم الجامعى

من المصائب التى هلت علينا مؤخرا هو التدخين طب لو قلنا السجاير اهى الناس كل يوم بتشم من دخان العربيات والجاز الى بترش عشان الدبان وبلاوى زرقة يعنى مش هتيجى على السجاير لكن المصيبة الاكبر الى انا استغربتلها ودة موقف حصل معايا فعلاهو تدخين الحجات التانية الى هى البانجو والحشيش وشم الحجات الى هى طيب ماشى هنقول كل واحد حر فى تصرفاتة وكل واحد مسئول عن نفسة طب المشكلة فين تخبلوا يا جماعة لما تلاقوا طالب جامعى محترم صحى الساعة 8 صباحا قال اية البا رايح يحضر محاضرة وييجى ينام فى المحاضرة ويسمعنا الاوركسترا ويخرج يعمل الدماغ ويكلفها عشان الاستاذ يعرف يكمل اليوم دة حصل فى الكلية عندنا سيبوكوا من نسبة الطلبة العليا جدا فى التدخين ولما سالت واحد فيهم الراجل مكدبش وقال وبمنتهى الصراحة بحس انى راجل وانا بشربها المهم يا جماعة فى المصيبة الى شفتها بعينى لموقف مر عليا لاول مرة فى حياتى يمكن لو كان فى التليفزيون كنت قلت ماشى لكن دة حصل فى الكلية بعد المحاضرة الاولى الى انتهت الساعة 10 جلسنا ان وبعض زميلاتى وكان دة طبيعى وفجاة كل وحدة فينا حست بحالت هستريا ضحك بنضحك على اية منعرفش بنضحك وخلاص وحسينا اننا حالا لازم نروح لاننا بنام يعنى كان شوية ونجيب مرتبة باة بصراحة انا بصيت ورايا لقيت بسم اللة ماشاء اللة ربنا يديهم الصحة والعافية حوالى 5 شباب وكلهم شباب زى الفل وقاعدين ومسكين بايب وبيشربوا مش عارفة بانجو ولا حشيش اللة اعلم الريحة كانت منيلة وانا مشربتش الحجات دى قبل كدة عشان احدد فالاول شكيت بس قلت عادى بيدخنوا هى دى حاجة غريبة بس الى اكدلى انهم بعد مخلصوا طلعوا سجاير وشربوها واتكدت انهم كانوا بيشربوا حاجة تانية غير التبغ طبعا لاطب دة اية بقى بالزمة يرضى ربنا الناس الى بتعمل كدة بقولهم حرام عليكوا نفسكوا وصحتكوا واهاليكوا احنا البنات بنخرج الصبح وبنتمرمت من الكلية للقرص التدريبى للشغل دائرة لا نخرج منها ابدا طب مش حرام لما شاب يرمى طاقتة وصحتة على كلام فارغ لا ومش بس كدة دة كمان الباشا بيدخن فى الحرم الجامعى يعنى بلوة تلنية نسى نفسة البية وزال احترام المكان من قاموسة واللة انا هعمل دعوة وياريت تساعدونى فيها الى بيحصل دة يبكى احنا كلنا نكافح التدخين وتناول المخدرات وياريت الناس الى بتدخن لما يقروا الموضوع يكون فى بينهم وبين نفسهم عهد انهم يمتنعوا عن التدخين نهائيا طبعا دة مش فى يوم ولا ليلة دة هيكون على مراحل ومع طبيب متخصص ولا تنسوا قول الرسول الكريم من راى منكم منكرا فيزلة

مشكوره اختى الغاليه لولو على الموضوع بس سمسمه عامله موضوع مشابه زى دا عن التدخين و اضراره
بس تسلمى يا قمر على المجهود
oza

اه بس مكنش فية الحاجات يا اوزه
انا حصل معايا الموقف ده برده يالولا
فى سنة تانية
كنت قاعد مع زمايلى فى المخزن تبع الجواله
وكان عندنا شغل بنعملوه للمعسكر الجاى
بعدين لاقيت واحد طلع علبة سجاير
وراح مفضى السجاير اللى فيها
انا فكرتة اتعبط او حيبطلها فجاه لاقيته بيمد ايده فى العلبة جوه
ولاقيته بيطلع حتة
اكيد حتة حشيش
انا مكنتش عارف ايه دى
فعرفت بعد كده باه
بس عندنا مش بيعملوها فى بايب يا لولا
هههههههههههههههههههههههههه
فلما بداوا يشربوها حسيت انى دخت شويه
بس رحت طالع بره على طول
ولو دول مكنوش زمايلى الانتيم من زمان
كان حيبقى فية تصرف تانى
فلما خلصوا
قلتلتهم لية يابنى كده
قالولى عشان نركزوا فى الشغل اللى بنعملوه
انا طبعا قولت كلام مقدرش اقول هنا
بس هم دلوقت الحمدلله بطلوا
فاضل بس السجاير يبطلوها
وربنا يهديهم

طولت انا فى الكلام
المهم هى ان جات ع السجاير يبقى 100/100
انما حشيش فى الكلية
اللى هى اسمها الحرم الجامعى
يعنى محراب علم
والله هزلت
بس حنعمل ايه باه


ميرسى ع الموضوع يا لولا

و الله هى حاجه اذا دلت
فبتدل على مدى الانحدار و الانحلال الى وصل ليه الشباب
بس انا شايف ان للاسف مفيش فايده
و دلوقتى اى حد بيشرب سجاير ممكن يشرب اى حاجه تانيه عادى يعنى
بس المصيبه مش فى كده و بس
دى فى ناس المفروض انها محترمه بتشرب الحاجات دى
يعنى لما ادخل لدكتور محترم فى عيدته و يكون بيشرب سجاير فيها بانجو و له حشيش
دى مصيبه منيله و دى حصلت معايه
بس انا مكنتش عارف انه بيشرب انما البركه فى واحد زميلى قالى السجاير دى فيها حاجه
عموما ربنا ياخدهم و ياريت نقدر فعلا نعمل حاجه

ميرسي لموضوعك الجميل لولا

ميرسى ليكى يااوزة ياعمرى بس انا مش بتكلم هنا على اضرار التدخين انا بتكلم على المكان الى بيعملوا فية كدة يعنى الشاب الى كان بيعمل كدة يرضى لاختة انها تشم حاجة زى دى وطبعا الواحد بيحزن لما يلاقى شباب زى دول زى الورد وكدة حرام تسلمى ياقمر على مرورك

على فكرة يا احمد انا بردة فى ستنة تانية والظاهر بقى ان هما عملين تحالف ضدنا لازم نرفع علم حركة لا اوك يلا معايا وجمد قلبك واوعى تجرى ماشى
هههههههههههه
ميرسى ياعسل على مرورك الكريم

واللة عندك حق تيتو طب احنا بنقول الطلبة مصيبة طب لو دكتور محترم عموما المفاسد عادتا لا تفرق بين احد فالحسنة تخص والسيئة تعم ودة المبدا الى نقدر نقولة على الموضوع دة فكلنا بنى ادم ولا استطيع ان اقول اكتر من كدة
اوك يابرنس تسلم على المرور الكريم

لا ماتخافيش انا معاكى
ولو لاقيتى حد بيجرى يبقى انا
ههههههههههههههههههههه
لا بهزر

تسلم يا قمربس بجد لازم نعمل حاجة يبقى شباب لشباب كدة التفاهم يكون اسهل بس مكونتش اعرف ان ليك فى الجرى ابقى خدنى معاك جايز اخس
ههههههههههههه

لا انا بجرى من زماان اوى يعنى مقولقيش
انا جراى قديم
وماله اهو نونس بعض فى السكة
ههههههههههههههههههه

ههههههههههههههههه
اذا كان علي الجري يا أحمد فكلنا بنجري
بس دي حاجه مقرفه جدا بقولك ايه يا لولا انتي في أداب طنطا؟
أصل الكلام ده مش بيحصل غير في أداب وطنطا بالأخص
دي بقي مصيبه بس الرك مش عليهم علي اللي سامحلهم بحاجه زي دي
لو واحد فيهم بس خد فصل أور رفد سنه من الكليه واتعرف كده
واتعلقت للي رايح واللي جاي الباقي هيتكسف علي دمه
ده الكتشينه بيعملوا عليها رفد وياويلوا يا سواد ليله اللي الحرس يشوفه
بيلعبها في الجامعه لو عملوا كده علي القرف ده هيتظبطوا
وبعدين يا لولا هنغيره ازاي هنضربهم علي اديهم ولا علي بقوهم ونقولهم كده غلط
يا ويل اللي ما يجي من نفسه!!!!
تسلمي يا قمر موضوع جميل

لا يازى زى انا اداب المنصورة وبعدين الظاهرة السيئة عادة لاترتبط بمكان اما بالنسبة للتغير فاكيد سمعتى عن الحملة الى اطلقها الداعية الاسلامية عمرو خالد عارفة انا من زمان لم اسمع عنها ولا عن نشاطتها يمكن نقدر نساعد وبالمناسبة الريحة يازى زى يوميها عملتلى دماغ يييييييللللللللللللللهههوىىىىىى
كنت عملة زى الفرخة الدايخة يا اختى كان شكلنا زفت واحنا شغلين ضحك كدة مع نفسنا
هههههههههههههه
يعنى هما مش لقيين الى ورانا وشغلين بالصلاة على النبى يلا ربنا يهدى يا بنتى بس الواحد بيحزن واللة عليهم اوى ونفسى بجد ناخد دور ايجابى اى حاجة بس نرجعهم لينا تانى تسلمى ياقمر على المرور الكريم