اية رايكم فى المصيبة دى

[ندعوك للتسجيل في المنتدى أو التعريف بنفسك لمعاينة هذه الصورة]الحب عبر الانترنت مش مصيبة دة مش مصيبة بس دة بلوة مسيحة يعنى اية واحد يحب واحدة على اساس الكتابة على البوردوخلاص الواد مش قادر ولو ماقبلهاش هيموت واول مايقابلها بس يلقيها مش حلوة شكلا خلاص يعنى الموضوع من الاول تسلية طيب راح فين الاحترام والامان الحب حاجة حلوة اوى لكن بالطريقة دى اسمها كدة كلام فارغ سلطة فتة اى حاجة ملهاش اى معنى اى بنت دلوقتى بس تخش على النت وتلاقى اللة اما صلى على النبى فصل وراها والعيال حبيبة بقى لازم يبقى فى التزام دة بقى خلاص لا فى ضمير ولا زمة هنفضل نايمين كدة كتير طب ممكن نصحة شوية اوك اية الى وصلنا لكدة اصلا الفراغ دة اول حاجة مش عافين نعمل حاجة نشغل وقتنا باى حاجة بس تكون مفيدة مفيش مسئولية مفيش حد بيسمعك يمكن تكون انسان ساذج وسهل يتغير رايك فى ثوانى يمكن حاجات كتير اوى عملت المصيبة دى المشكلة الاكبر ان الموضوع ساعات يقلب بجد ويتجوزوا ويستنوا يخلفوا وبعدين يطلقوا الحل بقى ان احنا نعرف ونفهم كويس اننا كبرنا كفاية عشان نوزن الامور ونفرق كويس وكمان نعرف حدودنا فين ولو حبينا بجد ممكن نحب حد لا شفنا ولا عرفنا على النت ماشى بس يكون الصراحة موجودة مش كل واحد مستخبى ورا قناع يا جماعة دى بلوة لما نشوف بنت لسة 12سنة وبتكلم واحد على النت دى وحدة لية لغينا التحكم بتاع زمان فين الام فين الاب فين الاهل فين الرادار الى ماكنش بيسبنا فى حالنا ولحد الان رغم انى خلاص كبرت لكن انا بعرف عنوان كليتى بالعافية لية احنا مش زى الاول هى دى الحرية هو دة التحضر احنا كدة برجع لورا لاننا بتخلى عن نفسنا دة احنا اتخلينا فعلا وكسرنا وراها قلة لازم يكون فى مبادىء النت حلو كويس بس لة قائمة من المصائب والكوارث شوية شوية النت دة هيدمر مجتمعنا اذا لم نستخدمة صح

حلو قوي يا لولا الموضوع ده بس مفيش حاجه اسمها حب علي النت
وأنا من رأئي طبعا ان اصلا البنت المفروض متكلمش حد متعرفوش علي النت
يعني مش أي حد تلاقيه عاملها اضافة تجري وتعمله اضافه وتتكلم بقي عادي جدا
لا عني لازم تبقي حد عارفاه وأنا حاليا بعد ما كبرت وعقلت طبعا بقيت بجد بقول حتي اللي عارفاه
البنت لو هتعد علي النت تعد تكلم صحابها البنات والله بتبقي حاجه لذيذه جدا وانتي حاسه نفسك بتستخدمي
النت وبتستخدميه بطريقه حلوه ومفيده مع بنات أصحابك والله وبحلف أحلي ميت مره من موضوع الشات مع الشباب
ويا لولا موضوع مش فاضيين ومش لاقين حد يسمعنا إحنا اللي بنخترعه مفيش حاجه اسمعا فاضيين احنا ورانا حاجات
كتير جدا لازم نعملها ووالله لو أعدنا عمرنا كله ما هنلحق نخلصها باتقان زي مثلا اننا نحفظ القرءان نعرف معناه نعرف ازاي نقرأه صح نشوف دينا ماشي ازاي والله ولا ما هيكفينا 1000 سنه بس انا الأسف عرفت الكلام ده متأخر وبرده كنت بقوا زيك مش لاقيه حد يسمعني وفاضيه بس يالا ربنا غفور رحيم وأنا بجد بنصح كل بنت نصيحه لوجه الله ما تعمل في نفسها حاجه زي دي هتعد حاسه بالذنب طول عمرها وطبعا لازم يكون في رقابه من الأهل والأم بذات ده طبعا غذا كانت البنت أضغر من 18 سنه بس بقي لو أكبر من كده يعني لازم تبقي رقيبه علي نفسها وأكيد بقي هتبقي عارفه ان ربنا شايفها
والكلام اللي كنا بناخده واحنا صغيرين ان مفيش مكان نستخبه فيه من ربنا
ويارب أكون وصلتلكوا اللي أنا عايزه أقولوا او تكونوا فهمتوا حاجه
تسلمي يا قمر وربنا يحفظنا جميعا ويحفط بنات المسلمين وشبابهم يارب

يرسى يازى على الكلام الحلو بس انا بجد بحب اقدم نماذج من الواقع اكتر من بنت سواء كنت على معرفة شخصية بيها او غير ففى الفترة الاخيرة طلب منى عمل استبيان حول موضوع نختارة نحن واخترت الموضوع دة ودى كانت النتائج يعنى دة سى واقعى مش كل صوابعك زى بعضها ياعسل انا شخصيا نفسى ابقى فاضية حتى وقت المنتدى بكون بعمل شغل وبدخل من باب الفصل لانى بكون مليت انتى عندك حق بس مين يسمع ولا يفكر انة يتناقش اصلا عشان كدة انا حابة المناقشة خلال المنتدى ميرسى ياقمر على مرورك وكلامك الجميل

انا مع زيزي فى كلامها
مينفعش اصلا بنت تتكلم مع حد كده
و ازاى اصلا ضفها على الايميل
و جاب الايميل ده منين
المشكله فعلا ان بقى الشباب عايز يتسلى على النت مع البنات
و البنات كمان عايزين يتسلوا شويه على النت و مع ولاد
و ده بقى واقع موجود على النت و كتير جدا من الطرفين
اما الحب بقى ده بيبقى حاجه سازجه اوى
ان اتنين مشفوش بعض و من مجرد الكلام حبوا بعض
ياحلاوه ده حب لاسيلكى ده بقى وله ايه
بس ارجع و اقول ده نتيجه للاستخدام الغلط للنت

وميرسي لولا لموضوعك الجامد ده
تحياتى

ميرسى تيتو على مرورك وحقيقى دى مصيبة كبيرة بس يا جماعة دة الواقع

فعلا كلامكوا صح يا جماعه
بس لازوم يكون عندنا كلنا وعى فى الكلام مع الناس على النت خصوصا اللى منعرفهمش
بس موضوع حيوى و واقعى اوى يا لولو تسلمى يا قمر
oza

بصى يا لولا
اولا بحييكى ع الموضوع الجميل ده
اللى بجد بقى مشكلة كبيره فى بيوت كتيره
اولا انا مبعترفش بحاجة اسمها حب ع النت
ده ناقص باه البت تشغل الكاميرا والواد يشغل الكاميرا
وابوهم وامهم ييجوا يقروا الفاتحة
عشان يجوزوهم
لازم يبقى فيه تفاهم فى الجواز
انا مش بطلع بره الموضوع
لان الحب المفروض اخرة الجواز
الا لو لا قدر الله محصلش نصيب
نرجع باه
طاب البنت والولد اللى بيتكلموا ع النت دول
مفكروش ايه المستقبل اللى مستنيهم
انا اعتقد ان دى قلة وعى من البنت
وتصرف زباله من الولد
ده اسمة لعب بالمشاعر
ماعلينا
ويعنى ايه واحد بيحب بالكلام اللى بيقراه
كده بسم الله ماشاء الله من غير مايشوفها
باين علية زارع شوية دره ولاقاهم ولعوا
فقال انا بحب
ده اسمة عبط

وميرسى ع التوبيك الجميل ده

ميرسى ليك محمد على المرور وعلى فكرة دة كان راييى اثناء تقديم التقرير النهائى بس طبعا مكتبتش كدة دة كنت ىسقطت وانا ما صدقت اخلص من اولى واخش تانية وكمان على الحركرك هههههه
اعمل اية نظام بحب شغل الديزين وبحب اشتغلة لنفسى او حتى لعميل طلبة هواية منيلة بعيد عنك
بس تسلم اوى يابرنس على المرور والكلام الجامد دة

ميرسى يا احلى انتيم ليا على مرورك ياقمر تسلمىلى على المجهود بس ابقى طمنينى عليكى سورى انتى عارفة الشغل والدراسة والقرص يعنى مقفلة على الاخر

اكيد لينا ونورتى يا قمر ولكم باااااك
وجهة نظرك صحيحة لينا بس المشكلة انة مش دايما بيحصل كدة يسلمو يا قلبى على مرورك العطر دة الف شكر نورتينى