الديموقراطية..و..الشورى

السلام عليكم ورحمة الله وبركاته ..

ازيكم يا شباب بالعربى ..

موضوعى النهارده بيتكلم عن الديمقراطيه والشورى ..

ما هي الديمقراطية :

الديمقراطية لفظاً مشتقة من اليونانية ، وهي من اجتماع كلمتين الشق الأول من الكلمة DEMOS وتعني عامة الناس والشق الثاني من الكلمة KRATIA وتعني حكم فتصبح DEMOCRATIA أي حكم عامة الناس ( حكم الشعب ) .

وتعرف الشورى، بأنها :

تقليب الآراء، ووجهات النظر في قضية من القضايا، أو موضوع من الموضوعات، واختبارها من أصحاب الرأي والخبرة، وصولاً إلى الصواب، وأفضل الآراء، من أجل تحقيق أحسن النتائج ؛ فهي آراء تتولد من خلاصة فكر وتجربة، وجهد وبحث، ودراسة، وعلم وخبرة، وذلك في إطار يتمشى مع العقيدة ولا يخالف الكتاب والسنة.

دلوقتى عرفنا معنى النظامين ..

انا هقارن بين الاتنين بالبلدى كده .. يعنى مقارنه حسب فهمى ليهم .. مع تحيزى لمبدأ الشورى ..

الديمقراطيه هى حكم الشعب .. يعنى اللى الشعب عايزه هو اللى يمشى ..

طيب هل رأى الشعب هيبقى متوافق فى كل القضايا .. مش معقول ال 80 مليون هيتفقو على حاجه واحده ..

ده حتى المثل بيقولك ( المركب اللى بريسين تغرق ) .. ما بالك بقى ب 80 مليون ريّس ..

اما الشورى تقليب الاراء من اجل تحقيق احسن النتائج .. يعنى مش هناخد رأى واحد .. احنا هناخد كل الاراء المطروحه ونفاضل بينهم ..

واللى فيه المصلحه ومش مخالف لديننا هو اللى هنمشيه ..

الديمقراطيه كلمه يونانيه .. يعنى النظام ده مش من عندنا .. ده جاى استيراد من برّه .. وطبيعى ان عاداتهم غير عاداتنا ..

انما مبدأ الشورى ده جاى لنا من القرآن وطبعا ده مفيش فيه كلام ولا نقاش .. قال تعالى ( وأمرهم شورى بينهم ) ..

انا خلّصت كلامى ودى وجهة نظرى فى النظامين ..

عايز أعرف رأيكم وأى نظام بتفضلوه .. ؟؟

أها يا أحمد الألوان بصراحه وحشه خالص
ياريت تغيرها وأنا هشوف الموضوع ده
أوكي يا باشا

مممممممممممممم
على شان كده كله فرحان باديموقراطيه
و يقول انا ديمقراطى
تسلم ايديك ياباشا

انا معاك يا احمد فى رايك بس مش معنى كده انى مش متحيزه لمبداء الديمقراطيه فى مواجهت الدكتاتوريه
يعنى انا فعلا شايفه ان نظام الشورى هو اللى لازم يمشى فى البلد اولا لان دا مع دينا و على منهج اللى اتربينه عليه من ايام رسولنا صلى الله عليه و سلم و كمان عشان زى ما انت قولت ان مينفعش كل الشعب يقول راى و يتفقوا كلهم عليه
بس الديمقراطيه لازم تكون موجوده عشان نقدر نجمع اراء الشعب و نخلى الراى شوره
و الا هنبقا بنقول قرارات و نفرضها على الناس باسم اننا تشاورنا فيها
افتكر كده انت فهمتى
تقبلى مرورى و راى اخى الغالى
oza

اكيد طبعا يا اوزة
شكرا على مرورك يا جميل

كلامك جميل جدا يا أحمد
وانا بصراحه موافقاك في كل حاجه
بس هي الديموقراطيه مع الشوري الاتنين بيكملوا بعض
ما هو انك تسيب الناس تعبر عن رأيها هي دي الدمقراطيه
ولما تاخد بالرأي اللي الأغلبيه عايزاه هي دي الشوري
تسلم علي الموضوع الجميل ده

واللة يااحمد كلامك منطقى جدا بس تفتكر ان الى بيحصل فينا دلوقتى كان نتاج يوم ولا يومين من الفساد والمنافسات غير الشريفة والانتخابات المزورة ياعم الشعب بتاعنادة اتكيف من زمان اوى كلة بيحب يخش فى اى حاجة عشان حجتين عنتزة او حصانة وطبعا فاهمنى ياباشا بس انا الى اعرفة ان الى اتعمل فى قرون زى الى عندنا دة محتاج ضعفهم ليتعدل على فكرة دى مش انهزامية بس محاكاة الواقع دائما ماتساعد صاحب المشكلة فى الوصول الى الحلول الصحيحة والسليمة على فكرة الحل بالظبط زى ماقالت اوزة بس ياعم احمد مين دة الىهيعمم الدين دة فى كل حاجة حتى القانون بتاعنا فى من الشريعة لكن تفتكر كلة كدة ولا فى اجتهاد بعض الشى
بس الموضوع معقد وعلى فكرة دخل دمغى سيبنى اجمع لة شوية داتا اعمق وهبعتهالك
تسلم يا جميل على المجهود والاراء الجامدة دى

اوك لولا
شكرا ليكى على ردك
وشكرا ليكى زيزي