ارجو الدخول....

النهاردة يا جماعة انا عامل موضوع ارجو ان كل عضو معانا في المنتدي يشارك فيه ويتكلم بصدق
والموضوع باختصار شديد...........
ما مواصفات فتاة احلامك؟
او ما مواصفات رجل ااحلامك؟
وانا هبدء
1-تكون محترمة جدا واخلاقها كويسة
2-تكون محجبة ولبسها كويس
3-تكون طيبة السمعة
4-تكون من اصل كريم ومش مهم تكون غنية او فقيرة
5-تكون علي قدر كبير من الجمال
6-تكون علي علاقة طيبة مع الله

وانا عارف ان في الزمن اللي احنا فيه صعب الواحد يلاقي المواصفات دي كلها
بس ان شاء الله اللي كاتية ليا ربنا هلاقيه
يلا بقي خشوا اتكلموا بصراحة وقوولولنا نفسكم في ايه؟؟؟؟؟؟؟؟؟

اولا مرسي كتيييييييير على الموضوع الجميل

ثانيا مواصفات فتى الاحلام
1_يكون محترم ومؤدب واخلاقه عاليه
2_يكون مستواه الاجتماعي عالي
3_يكون متفاهم وذو شخصيه متزنه
4_يكون مش بيدخن نهائي ولا اي حاجه من الحاجات دي


وانا عارفه ان في الزمن اللي احنا فيه صعب الواحد يلاقي المواصفات دي كلها
بس ان شاء الله اللي كاتبه ليا ربنا هلاقيه

شكرا علي مرورك يا اسماء
وربنا يوفقك وتلاقي اللي انتي عايزة
وتلاقي شاب يجتمع فيه كل الصفات اللي تتمنيها
وشكرا علي اهتمامك بالموضوع

بص بقى يا زميلى انا عاوز اقولك حاجه
هو الموضوع جميل ماشى
بس بالنسبه للى انت طالبه نصه مش متوفر ويارب تلاقى
ويارب يا اسماء انتى كمان تلاقى الشخص اللى نفسك فيه
انا باه
سيبك من الفلوس والكلام ده
المهم فى اى حاجه الحب الصادق
التدين
مش مهم قدر كبير من الجمال زى مابتقول كده المهم يكون فيه فهم بينى وبينها يعنى نبقوا فاهمين بعض كويس
مبقاش انا بفكر بطريقه وهى بتفكر بناحيه تانيه خالص
لان كده مش حنتفق
وكفايه كده علشان انا خنقتكوا
وشكرا على الموضوغ

لا يعم ولا خنقتنا ولا حاجة
وان شاء الله هدورلك علي المواصفات اللي انت قولت عليها
وان شاء الله هلاقيهالك

علي فكرة يابوحميد
انا لقيت اللي انت بتتمناه
وهوريك الصورة كمان
ابسط ياعم

[ندعوك للتسجيل في المنتدى أو التعريف بنفسك لمعاينة هذه الصورة]

هههههههههههههههه
لا ياعم انا عايزهال مش مدخنه

بس كدا
انت تأمر بس

الموضوع ده جميل جدا
شكرا ليك يا محمد
موضوعاتك مميزه واله وفكرتها حلوه
ومواصفات رجل المستقبل هى
1_متدين وبيحب الخير
2_مستواه الاجتماعى مناسب
3_بيحب باخلاص
4_مستواه المادى كويس
ياااااااااااارب يكون موجود

ان شاء الله تلاقية يا سمية
وشكرا علي مرورك

ماشى يا محمد
متشكرين ده بدل ماتقف جنبى

ههههههههههههههههههههههه
يعني اجبلك واحدة استعمال
انا بدورلك علي واحدة جديدة
معلش بقي يا مودي

هههههههههههههههههههههههه

هههههههههههههههههههههههه

ماشى يا بوب
لما تلاقيها ادينى رنه
ههههههههههههههههههههه

مرسي كتير يا محمد موضوع جميل
المواصفات:
1- يكون محترم ومتدين
2- مش بيدخن
3- مستوي اجتماعي عالي
4- مقبول شكلا
علي ما اعتقد مواصفات بسيطه والحمد لله لقيت الشخص اللي بيمتلكها
دعواتكوا بقي ربنا يتمملنا بخير

ربنا يتمملك بخير يا رب يا زيزي

ربنا يوفقك يا زيزى

ربنا يتمملك على خير يارب