ايه يا عم الحوت

الموضوع ده قريتة فى مصراوى

الموضوع مالوش لزمة بس تعليقات زوار الموقع خلت الموضوع له لزمة

نشوف الاول الموضوع

حوت أبيض طوله 17 مترا ويزن 6 أطنان على شاطىء البرلس 3/4/2008 3:51:00 PM


كفر الشيخ - قذفت مياه البحر المتوسط حوتا طوله 17 مترا ويزن حوالى 6 أطنان على الشاطىء أمام قرية مسطروه بالبرلس بمحافظة كفر الشيخ.

وكان أفراد حرس الحدود قد فوجئوا بجسم غريب وذو حجم كبير يطفو فوق المياه وتتقاذفه الأمواج.

وإنتقل على الفور اللواء محمد الفخرانى مدير أمن كفر الشيخ وبصحبته أجهزة الطب البيطرى والبيئة والمسطحات المائية وتم إعلان حالة الطوارىء على الشاطىء لساعات طويلة حتى أقترب الجسم من الشاطىء وتم سحبه بواسطة عدد من اللوادر بعد ربطة بالجنازير، وتبين أنه لحوت أبيض كبير الحجم فى حالة تعفن شديد.

وتم إبلاغ الأجهزة المعنية ووضع الحراسات اللازمة عليه، وقامت أجهزة الطب البيطرى بأخذ عينة من جسده لتحليلها وتبين إصابته بجرح نافذ فى البطن، حسبما ذكرت وكالة انباء الشرق الاوسط.

وأكد مسئول الطب البيطرى أنه سيتم حفر حفرة عميقة ودفن الحوت بها بواسطة الجير الحى وتغطيتها بالرمال.

جدير بالذكر أن ظهور هذا الحوت الكبير الحجم يعتبر ظاهرة فريدة لكون الحيتان تعيش فى مياه المحيطات.

ردود زوار الموقع


اها دا حوت زغنن جاى يشترى عيش عرف الا فيها فقرر الانتحار بدل مايرجع للبباه ومماته
دى الا بنسميها رسالة من تحت الماء بس دى رسالة استغاثة


......................................

طبعا لازم يموت ويعفن انت جاي على بلد الحيتان الكبيرة يا اهبل

.........................................

الحوت الأبيض بينفع في اليوم الأسود (أسود عليهم طبعاً).
طيب الحوت طلع أبيض علشان خرج من البحر الأبيض. ياتري لو كان خرج من البحر اأحمر كان بقي أحمر؟؟؟؟؟؟؟

..........................................

يا يعينى مات من الخضة لما شاف الحيتان اللى بجد ماشين على رجليهم
و اخر حاجة قالها..اروووح فين انا فوسط الحيتان دى..وسمعنى سلام الحوت الابيض ينفع فى البحر الابيض

........................................

هى البلد ناقصة حيتان ده كفاية الحيتان اللى عندنا اللى واكلينها والعة وممصمصين دم الشعب وسلملى على حوت الحديد

.......................................

حوت فقرى مش لاقى غير مصر

.....................................

تلاقي حد ادالة مطواة فى طابور العيش ؟؟ ولا يمكن لما شاف شعب مصر والمكان الى حيعيش فيه فضل الإنتحار عن الحياة مع مبارك و عائلته

..................................

وزنه 6 طن ربنا يستر والحكومة ما تطمعش فيه وتديه لحوت من بتوعها يقطعه ويبيعه للغلابة

.................................

خللوا بالكم:
(الحيتان ليها ودان)

..................................

يا جماعة الحوت دا سمحوا له بالإقتراب بالغلط لإعتقادهم إنه جاي يشارك في إنتخابات المحليات , فلما إكتشفوا إنه مش عضو في الحزب الوطنى قاموا معاه بالازم

..................................

أكيد الحوت عرف أن فرص الإستثمار في مصر مالهاش زي عشان كده جه طالب اللجوء أو طالب القرب
!!!

.................................

الحقيقة يا جماعه فيه كذا احتمال ممكن يكون هو سبب موت الحوت
الاول انه كان عاوز يهاجر هجرة غير شرعيه على ايطاليا فغرق
او انه اكل سمكه من السمك بتاعنا اللى شارب مية صرف و كيماوى لما طلع عينه
او انه كان عاوز باتنين جنيه عيش و مات من الجوع من كتر ما وقف فى الطابور و معرفش ياخد برضه
او انه كان نفسه يدفن فى مصر فلما حس بقرب الاجل خد اول طيارة على مصر
او انه معاه خط تليفون و لما عرف الفاتورة مات من القهر
او سمع اغنيه شيرين بتاعته مشربتش من نيلها فجه عشان يشرب بس مات بعد ما شرب عشان ميه الصرف
عمو ما الله يرحمه و يحسن اليه و اللهى بجد انا زعلت عليه

......................................

مصر فيها

حيتان بتوع حديد
وحياتن بتوع اسمنت
وحيتان بتوع ادوية

على كل لون يابتسطا

.....................................

محدش يتكلم في الموضوع ده


الحيتان لها ودان