الشقة....هل تقبل؟!

اولا اشكرك يا احمد على الموضوع
ثانيا بالنسبه للموضوع
لو شقه في بيت عيله ممكن بشرط ان الحياه تكون مستقله
مش اللي هو كل يوم نتغدي مثلا عند مامته او اني على طول ابقى قاعده مع اهله
لكن لو الشقه بتاعت اهله وكله سوا سوا معتقدش اني اوافق

وانه يوافق انه يعيش في والدي جايبها او يعيش مع اهلي اذا وافق في شقة واحده
ده ميقللش منه عندي ابدا

والف شكر ليك تاني احمد
وان شاء الله مكنش طولت عليكم

اولا موضوع جامد جدا وواقعى اوى
طيب وانتى ك بنت وضع طبيعى ان جوزك هو اللى يجيب الشقه ... طيب لو الشقه دى فى بيت العيله ... ؟؟
مبدائيا طبعا انا هجاوب على اسئلة البناتيت ... يعنى اولا كدة الموضوع هيفرق كتير من بنت لبنت يعنى انا مثلا نفسى اتجوز عن حب فظيع يبقا كدة اهو ضمنت الانسان اللى هعيش معاه حتى لو فى المريخ اما بالنسبة بقا لاهله اكيد هعرفهم وان شاء لو طلعوا كويسين يبقا مفيش ملكلة فى اى حاجة اما لو حسيت انى مش مرتاحة معاهم الموضوع هيختلف
يبقا لو انا متجوزة بنى ادم كويس وبيحبنى وبحبه واهله ناس كويسين مسكنش لية فى بيت العيلة .. ياعم هو حد لاقى اليومين دول ... اما لو واحد بالنسبة شخص عادى واهله هيقرفونى يبقا مش لازم اضحى واقبل الموضوع دة

يعنى عماره كلها العيله بتاعة جوزك وانتم ليكو شقه فيها ... هل تقبلى .. ولا تقولى لأ انا عايزه ابقى بعيد عشان اهله ميتدخلوش فى حياتى ... ؟؟
زى ما قولتلك لو بنى ادم كويس واهله كويسين معنديش مانع وساعتها كمان ان شاء الله اشيل اهله على راسى من فوق مدام هما كويسين اما بالنسبة انهم يتدخلوا فى حياتنا دية فالموضوع دة بإيدينا احنا احنا اللى نحكيلهم على كل حاجة واحنا اللى بنقفل على خصوصيتنا مفيش مانع يعرفوا الحاجات البسيطة لكن طبعا هيكون فى حدود وبرضه زى ما بقول مدام شقة تسترنا ونعيش فيها واحنا نملاها سعادة يبقا مش مشلكة تكون فين المهم الانسان اللى هعيش معاه
طيب لو فى شقة اهله بقى ... ؟؟ يعنى هتتجوزى مع والده ووالدته فى البيت ؟؟ هل تقبلى .. ؟؟؟
برضه الاجابة من ناحية تانية معنديش مشكلة برضه مدام اهله كويسين وهو هيسعدنى ياما ناس عاشة لو حديهم هما الاتنين وبعيد عن اهليهم وعندهم مشاكل بالهبل وكمان ناس كتير عايشين بعيد عن اهليهم وتلاقى التدخل فى حياتهم اكتر من لو كانوا عايشن معاهم ... اما لو واحد فى حياتى عادى ولسة معرفوش ومش مرتاحة مع اهله هعترض طبعا لكن لو حب اكيد الحب فى تضحيات علشان يعيش .. يا جماعة ناس كتير هتقول عليا مجنونة او انى بتكلم بس .. بس من اللى بشوفه حواليا واثقة فى كلامى يعنى تخيلوا معايا اتنين بيحبوا بعض وهو محترم جدا واخواته متجوزين وهو عايش مع مامته بس وكل حاجة تمام الا الشقة وطبعا لسة فى اول حياته ودلوقتى اقل الشقق مش هتقل عن 200 الف جنيه هيجبهم منين بقا ان شاء الله الا لو باباه سايبله ورث ولا حاجة غير كدة اية المشكلة بقا لما هو كويس وبيحب البنت اللى معاه ومامته كويسة وطيبة مش يتجوز احسن ويعيشوا مع مامته لغاية لما ربنا يرزقه ولا لازم نتفزلق وخلاص
طيب لو جوزك قبل يتجوز فى شقة والدك اللى جايبها .. أو فى شقة والدك ووالدتك معاكى فى شقه واحده ..
هل ده يقلل منه عندك ... ؟؟؟
لا طبعا اكيد هو لو عنده شقة مش هيستخسرها فيا يعنى لكن هى دية ظروف الشباب هنعمل هنقطعم ونزلهم يعنى وربنا يرزق الجميع ... يعنى الشباب يتجوز ويستقر ويكمل نص دينه ولا يصيع ويفضل يعاكس ويصاحب فى بنات الناس بسبب الموضوع دة
ولو واحد داخل على طمع اكيد بيقا واضح اوى ولو قلتوا الحب اعمى ليا اهل واكيد مش هتجوز من غير رضا اهلى يعنى
وبعدين فى حديث عن الرسول " صلى الله عليه وسلم " يقول: "إذا أتاكم من ترضون دينه وخلقه فزوجوه إلا تفعلوا تكن فتنة في الأرض وفساد عريض".
قال دين وخلق مش شقة بعيدة عن اهله
فالرسول زوج ابنته بأقل الأشياء وتزوج هو بأقل ما يمكن،
ياجماعة يسروا ولا تعسروا
وربنا يهدى الجميع ويوفقنا كلنا يارب
قولوا امين
معلش طولت عليك بس بجد الموضوع تحفة
تحياتى

الله ينور يا ساسو على رايك ده
انتى كنتى تعمليه موضوع باه
هههههههههههههههههههههههههه
انا بهزر والله

شكرا يا اسماء على رايك

بس الموضوع بجد مهم جدا

انا باه
هل تقبل ك شاب انك تتجوز فى شقة مراتك .. يبقى والدها هو اللى جايب الشقه ... ؟؟

انا عن نفسى مقبلش حتى لو ده مش حيقلل قيمتى عندها
عمرى مقبل اعيش فى شقه اسمها شقه مراتى

طيب هل تقبل تتجوز انت وزوجتك مع والدها ووالدتها ؟؟؟ فى شقه واحده يعنى ؟؟؟


طاب وليه ماتجيش هيا معايا


ولو يا جماعه فكرت وانى عشت معاهم
لازم يكون عندى شقتى الخاصة بيا
عشان كرامتى

مرسي كتير يا أحمد
موضوع جميل ومثير للنقاش
بس انا عن نفسي لا اقبل انتي اعيش في شقه في بيت عيله ولا مع مامته
وكمان لا اقبل انه يعد في شقه بتاعت بابايا امال هو بقي عمل ايه علشان يتجوز؟
وبرده بالنسبه لا والدتها ووالدها برده لا
في شقه مستقله نهائي عن اهلي واهلة
مرسي كتير يا أحمد

شكرا على رايك يا زيزي

ميرسى يا احمد بس انا شايفه انى ممكن اوافق فى حاله واحدة لو حماتى يعنى باذن الله تكون طيبه ومش تتدخل فى حياتى
وبس انا اتمنى انى اعيش فى بيت لوحدى واكيد هو اللى يجيب الشقه لان حتى لو انا وفقت هو ديما
هيبقى حاسس انه عاله عليه وعلى عيلى
ميرسى

شكرا على مرورك وعلى رايك لينة