((( عادة التدخين عند الفتيات موضه ام منافسة للشباب )))

اولا بحب اشكرك يا محمود على اثاره هذه النقطه
هذه الظاهره اللى بجد انا مش عرف هى انتشرت ازاى ولا امتى
الواحد مره واحده كده لقى البنا بتشرب سجاير وغيره من انواع التدخين
وده طبعا مش جدعنه خالص
وده زى متقول كده تقليد اعمى
شافوا الرجاله والشباب بيدخنوا
قالوا اشمعنى
وده لو يخضع لرقابه الاهل مكنش حصل
وغير كده كمان ...ده تهاون فى التربيه
لان ليه البنت بتدخن
بنحرق فيها
مش عارف ده احنا مخنوقين ودى بتفك عننا
طاب فهمنى ازاى
ماهو ياتقنعنى ياقنعك يعنى ولا ايه
كتير من الشباب المدخن بيقولك اهى حاجه
فالبنات باه ممكن يكونوا واخدين منالشباب قدوه
او ممكن تكون زى ماقولت نظام اشمعنى ده

وبالرغم من اثبتوا ان التدخين حرام شرعا
برده على راى سعد زغلول
مافيش فايده

اشكرك محمود على الموضوع
وانا من رأيي ان السبب في موضوع التدخين بالنسبه للبنت قد يكون احد الاسباب اللي انت ذكرتها في الموضوع او كلها ولكن في رأيي السبب الاكثر هو التحضر كما يعتقدو وكأن عدم التدخين شئ رجعي
وكمان زي ما قال احمد ده تهاون في التربيه

وانا ضد التدخين عامة لا شاب ولا بنت
لانه في الحالتين بيهلك الصحه وبيدمرها

انا بقي شايفه ان الاتنين غلطانين ومحدش فيهم ليه عذر في انه يشرب
هذا الاختراع اللعين سواء كانت بنت او ولد
انا نفسي اسال واحد او واحده بدخن بتستفيد ايه من انه يسيب حاجه طولها
لا يزيد عن 5 سم تتحكم في واحد طوله 160 سم
حاجه غريبه مش كده مفيش اي تفكير
يالا ربنا يهدي شباب وبنات المسلمين جميعا يارب قادر يا كريم

هى بصى مليون فى الميه السجاير حرام

اولا هى بتتنقع فى كحول (خمره يعنى
والخمره حرام
ثانيا بتيجى عالصحه وده حرام ان الواحد يفرط فى صحته
فى حاجه ملهاش لازمه

هل سمعت قبل كده ان المفروض انه قبل ماتشرب سيجارة تسمي قبلها اكيد لا برضه ..

الكلمه دى انا كنت بتريق بيها على زمايلى بقوله انت سميت قبل ماتشرب
بس لا طبعا مينفعش

انا شايفه ان البنت يعنى الخجل والاحساس بالانوثه بس لو البنت فقدت خجلها وانوثتها يبقى خلاص المجتمع ضاع
لان المراة نصف المجتمع يمكن دة كلام كله نظرى لكن بقى لو دخلنا فى الكلام العملى هو ان البنت اللى مش محترمه هى
اللى بتعمل كدة وكمان فى فرق مابين الحرام والعيب زى مثلا لما بيحسبوا البنت على ارتكاب الرزيله لكن الولد بيقولوا عادى
دة ولد دة اسمه عيب لكن ربنا لما بيحرم حاجه بيحرمها على الاتنين الذكر والانثى ودة اللى نفسى يحصل لمجتمعنا
وميرسى ليك يا محمود