عفوا ....... الشباب المصري غير متاح حاليا

معلش هو موضوع احتمال طبعه هجومي بس واقع

هل أنت مثقف؟؟

هل فكرت وغامرت واتهورت مرة وقريت كتاب؟؟

بتقرا حاجة غير مجلة ميكي ؟؟

عندك مصدر بتجيب منه معلومات غير قعدة القهوة و الكافتريه و ( السنكحه ) مع صحابك ع الكورنيش ؟؟

تعرف يعني إيه حزب؟؟

هل تعلم ماهى الليبرالية والفدرالية والإشتراكية ؟؟

يا ترى بتدخل ع النت ليه؟؟ عشان تتثقف؟؟

إذا كانت معظم إجاباتك هى ( لا ) لا تقلق عزيزي الشاب أنت طبيعى 100% ولا تحتاج إلى أي تحاليل أو إشاعات
فكل الدراسات والأبحاث تشير إلى أن الشباب المصرى عليه العوض و منه العوض وهو في أسوأ حالاته الثقافية في ظل أزهى عصور الحرية والديموقراطية والتقدم .......!!
- يعني احنا شباب تمام .... في العصر التمام -

انا لاقيت الاحصائيات دى ع النت و قولت لازم انقلها علشان تكمل فيها يمكن لعل و عسى يحصل تغير ( لا قد الله )

حيث تشير إحدى الدراسات إلى أن:

80% لا يقرأون الصحف و70% من الشباب الذين يشاهدون التلفزيون..أنهم يفعلون ذلك بدافع الهروب وقتل الوقت وتحتل البرامج الدينية المرتبة الأولى في قائمة البرامج التي لا يهتم الشباب بمشاهدتها بنسبة 64% - لا شباب متدين صحيح -

***********

أما في الصحافة

الصفحة الأولى التي يهتم الشباب بقرأتها هى..صفحة "الحوادث" تليها "الصفحة الرياضية"
..وإذا كانت علاقة الشباب بالإعلام كأحد مكونات المجتمع المصري تبدو ضعيفة..فإن علاقته بالمؤسسات السياسية تبدو مصيبة..

ففي البحث الذي أجري عن ثقافة الشباب المصري ذكر أن 10% من الشباب لا يعرفون بوجود أحزاب فى مصر من الأساس- يا حلاوة!! -

و الكارثة بجد هى وجود أكثر من 74 % من الشباب لا يعرف اسم أول رئيس للجمهورية - محمد نجيب يعني -

وذكر أيضاً أن 19 % يظنون أن مصر فيها حزب واحد فقط - أكيد قصدهم على حزب الكورة( اهلي - زمالك)- بينما أكد 17% من الشباب أن عدد الأحزاب في مصر هو ثلاث أحزاب..وأكتشف البحث أن 50% من الشباب لا يعرفون عدد الأحزاب الموجودة في مصر..مع العلم أن بها 22 حزب (يا ترى أنت كمان كنت عارف؟؟ ولا انت من الــ50%) _ على فكرة انا منهم

( مع إن الأحزاب في كل بلاد العالم تعتمد أصلاً على الشباب بشكل أساسي..ويستطيع الشباب من خلالها إقامة واسقاط الحكومات

فنجد أن الشباب الأوكراني وبالتحديد طلبة الجامعات هم الذين أسقطوا النظام الديكتاتوري في أوكرانيا من خلال ثورة شعبية أقامها هم

وهذا هو نفس سبب سقوط الحكومة في فرنسا حينما قام طلاب الجامعة هناك بمظاهرات حتى أسقطوا الحكومة عندما قدمت قوانين للعمل لا تناسبهم.. )

********

طب تعالوا نشوف ازاى الشباب المصرى بيستفيد من الإنترنت:

فحسب تصنيف مؤسسة أليكسا العالمية عن أكثر 100 موقع يدخله المصريون كان ترتيب هذه المواقع هى مواقع الشات..والمواقع والمنتديات الجنسية ثم مواقع تحميل الأفلام ومواقع نوادي الكرة ومواقع النغمات والبلوتوث ولم تشمل هذه القائمة سوى 4 مواقع إسلامية في حين أنها لم تشمل على أى موقع علمي!!!

لكن الكارثة الكبرى هى أن مصر تحتل المركز الثاني في قائمة أكثر 10 مناطق فى العالم بحثاً عن المواقع الإباحية على شبكة الإنترنت وفقاً لتصنيف محرك البحث جوجل !!..

فى وقت إن ناس غيرنا وشباب غيرنا هم اللي بيستفيدوا بمليارات الكتب والمعلومات الموجودة على الإنترنت .. ( عشان كده بيتقدموا.. )

فنلاقي مثلاً إن الهند تحتل المركز الأول على العالم فى البحث عن البرمجيات وده يفسر لنا ليه الهند هى الأولى على العالم فى صناعة البرمجيات الآن؟؟

*******

طب و بعدين ايه اللى حصل

اللى حصل بقى ان الكلام ده قلق ناس جامد وعارضوه بشده فقالوا لازم يطمنوا ويتعاملوا مع الواقع وبلاش كلام الاحصائيات الخايب ده ورفعوا شعار عمار يامصر و بلدنا لسه بخير و عايزنها تبقى خضرا ولازم يطمنوا علي الأرقام دي بنفسهم.. وعلى الشباب الجامعي المثقف..

فنزلوا للجامعة ( جامعه القاهرة ) وعملوااستطلاع لعينة عشوائية من طلاب الجامعه ( 20 طالب )

وكانت النتيجة ان معظم الطلاب 17طالب يستخدمون النت للشات ( مش لحاجه تانيه خااااالص لا سامح الله )
وإن 15 طالب لا يقرأون إلا الكتب الدراسية ( ده إذا كانوا بيفتحوها أساساً )
ونسبة قليلة 3 طلاب يقرأون الروايات الأدبيه العظيمة مثل رجل المستحيل وملف المستقبل ( الحمد لله أهو لقينا حد بيقرا حاجة ) ..

طبعاً مش لازم تبقى محمد حسنين هيكل..ولا لازم تكون فهمي هويدي ( مصيبة لا تكون مش عارف دول كمان )
لكن على الأقل تكون فاهم.. وعارف .. وداري باللي بيجرا حوليك
فاهم العالم ماشي إزاي ومين عايز إيه؟؟
ومين بيعمل إيه عشان يكسب إيه؟؟
و مين كويس و مين وحش ؟؟
وقبل كل ده تكون عارف كويس..أنت عايز إيه؟؟

لأن فعلاً جهلنا ثقافتنا في كل شئ خلانا أمة نايمة مش بتفكر ولا عايزة تفكر
.. دماغنا فاضية
.. مفيهاش أي حاجة
.. ولا أي قضية
.. ولا عايشين لهدف
.. وكل اللي نعرفه في حياتنا .. وكل معلوماتنا .. عن الممثلين والكورة
.. حتى ديننا منعرفش عنه إلا الوضوء والصلاة اللي اتعلمناهم واحنا صغيرين

.. فحين إن العالم كل بيتقدم بسرعة جنونية .. واحنا لسه محلك سر !!

.. يا ترى الفكرة وصلت؟؟ولا لسة؟؟

وملحوظه بسيطه بقى نسيت اقولها تبع الاحصائيات دى برضه

هنري بوتر هو اللذي اعاد الشباب المصري لقرائه الكتب وهو الكتاب اللي حقق اعلي مبيعات في مصر
بعدها تيجى سلسله كتب تفسير الاحلام و حظك اليوم و الابراج

ههههههههههه
تصدق يا أحمد والله عندك حق
غير متاح خالص
تسلم

لا حول ولا قوة الا بالله
ربنا يهيدم ويصلح حالهم
مرسي كتير احمد عالموضوع
تسلم

شكرا على مروركم
زيزي...اسماء

الله ينور يا احمد

شكرا علىمرورك محمد

ربنا يهدى بنات وشباب المسلمين يارب العالمين
ميرسى كتييير يااحمد

شكرا على مرورك يسرا

انا شايفه انك معاك حق فى كل كلامك

شكرا احمد
تسلم

للاسف كلامك مظبوط

لان شبابنا وبناتنا ماعندهمش هدف ولا طموح

وكل همهم اللبس الموضة والشعر والميكب وبس

ماعندهمش اولويات في الحياه ولا تحمل المسؤولية

ربنا يهدي

تحياتي

اوك ياحمد كلام جميل و بيحصل فعلا
بس تعتقد الشباب ده بايده ايه
احنا شباب ادمر و مش عارف حياته اللى جايه شكلها ايه
يعنى هو اللى هيقرى جرايد هيستفاد ايه اهو بيتسلى فى الرياضه
طاب اقولك انا فضلت فتره كبيره اوى اقرى الجرايد معارضه و حكوميه تبع الحزب طبعا
اتعقدت من الدنيا و اللى فيها جرايد الحزب بتضحك علينا بالكلام ايه (احنا حقننا نمو بمقدرا..... و ان شاء الله هيزيد بمقدار ....) كفايه كدب بقى و المعارضه تشتم و بسو مفيش حل و الواحد يتعكنن بطلت اقرى جرايد خلاص زهقت بقيت اقرى الرياضه و بس حتى الرياضه فلان رايح الزمالك و مضى تانى يوم تلقيه لابس فانله الاهلى و بيلعب
و له الكتب الادبيه هتفدنا بايه اذا ماكنش اصلا فى حد عند ادب
انا عارف ان خليت الدنيا سودا اوى بس هو ده فعلا الواقع
مفيش فايده يارب بس نفضل على كده و الموضوع ميطورش اكتر من كده وله ايه
احيك على موضوعك الرئع ياحمدبس ياريت لو وصلت لحل تقوله و انا معاك بقى

ياتيتو

الفكرة ان محدش عنده هدف او طموح

يعني في ناس كتير لما بيخلصوا مابيدوروش على شغل مثلا الحاجة اللي المفروض بيعملها

هتقولي فرص الشغل قليلة والواسطة والحوار ده سيبك منه مجرد انه يفكر انه يقوم يدور

دي في حد ذاتها مابيعملهاش...وفي الاقاويل اللي بتتقال وكله بيرددها سواء مر بيها او مجرد سمعها وبس

يعني هما اللي اشتغلوا خدوا ايه يعني انا لما اروح هتقبل لازم واسطة يعني ويعني ويعني...

طيب ما تعمل اللي عليك وخلاص ...ده مثال بسيط

الواحد مابقاش بيفكر في مستقبله وكل اهتماماته حاجات تافهة في المقام الاول

بالنسبة للقراية والكلام ده فهي ثقافة بتفيدك في حياتك اليومية المستقبلية حتى في شغلك

ممكن قرايتك لاي كتب من اي نوع تفيدك وتفيد اللي حواليك لما تقولها وتفيد ولادك في المستقبل

بس نسبتها مفيش قليلة ...بنقول زيك كده هنعمل بيها وهتفيد بايه

ابسط الحاجات اللي المفروض تكون عندنا اولوياتنا مش موجودة

كلهم بيهتموا حاجات مالهاش لازمة وبيدخلوا افكار مالهاش قيمة وبتتنشر

تحياتي

اوك
بس انا عايز اعرف هيجيب منين الطموح
يعنى الشاب يفضل يدرس كل ده و يطلع عينيه لغايه مايتخرجو بعدين يشتغل فى حاجه تانيه غير تخصوصه خالص
دا اذا لقى شغل اساسا و فى الاخير يقولولنا اشتغلوا فى اى حرفه علشان القطر ميفوتكش
معرفش شوفتى الاعلان ده وله لا بس كنت بضحك عليه اوى
ياجماعه مصر بتنهار و الشباب مش السبب لان هو نفسه حاسس انه الدوله بتحاربه
يعنى الواحد ياخد باكلريوس اينا كان و فى الاخر يكنس الشوارع و له يشتغل عامل فى اى مصلحه و بالاعداديه
و الله فى ناس بترضى بس و بعدين احنا برضوا عندنا عزت نفس
انا يمكن بحمد ربنا انى خلصت و خدت اعفى من الجيش و بعدها اشتغلت شغلانه محترمه
مع انها مش فى تخصوصى بالظبط بس انا كنت عاملها هدف ليا و ربنا سهل و اتحقق
اما بالنسبه لموضوع قرايه الكتب اوك الكتب العلميه اللى ممكن نخرج منها بمعلومه
انما كتاب فى الادب ممكن للى غاوى بقى انما واحد عادى هيستفاد ايه
هيطلع بحكمه .الدنيا بتدينا فى حكم ملهاش حصر
انا بقول الكلام ده لانى خلصت دراسه و صدقونى الواحد اما بيخلص بيتصدم بواقع صعب اوى
بس ارجع و اقول و الله الشباب ملوش زبن فى اللى بيحصل
هو شايف كل حاجه سودااااااااااااا و بيهرب منها بالتفاهاتاللى بنشوفها من الشباب دلوقتى و الدوله هى اللى عامله دى
يعنى المفروض هى اللى تتحاكم مش الشباب

هو الاحباط اللي بيجبنا ورا

مش بقولك احنا بنقول كلام هو موجود وصحيح

بس في ناس دورت واشتغلت يعني مش كله مش بيلاقي شغل

ومش كله محتاج واسطة ومش كله بيشتغل في شغل مش تخصصه

وشفت الاعلان واللي محتاج شغل يعمل المستحيل بمعنى المستحيل

ياتيتو في ناس كتير بيشتغلوا كل حاجة بمعنى كل حاجة عشان يعيش

واللي مضايقك ان الشباب بيتخرج وياما مش هيلاقي شغل يشتغب شغل مش تخصصه

هو عارف الوضع ...يعني الشباب مش خلاص احلامه وردية ويتصدم زي ماقلت

هما عارفين وشايفين وسامعين وده يخليه يجتهد ويحاول ومايجلوش احباط ويقعد

عالقهاوي وفي البيت ويغني ظلموه...معاك في حاجات كتير مش حلوة وحاجات تحبط بس مش تستسلم

واللي بيبقى عنده طموح رغم اي ظروف صدقني هيوصل وهيحقق اللي نفسه فيه

احنا ياتيتو شبابنا الغالبية منهم بيستنى شغل يجيله لحد عنده على طبق من دهب ودي استحالة

ومش عايز يتعب نفسه ويرهق نفسه عشان يوصل للي هو عايزه

زي ياتيتو مافي نماذج ناس مش لاقية شغل في ناس تعبت واتمرمطت بس وصلت

وفي ناس اتبهدلت واشتغلت بدل الشغلانة الف وفي الاخر بقوا في مناصب

احنا ليه دايما بناخد بالناس اللي اقل مننا ليه مابناخدش مثل باللي اعلى

يعني ليه مثلا لما اتكلمنا قلنا ان ناس كتير مش لاقين شغل ليه ماقلناش ان في حتى لو قليل

عرفوا يلاقوا...طب اللي لاقوا شغل دول احسن من الباقين في ايه ولا حاجة غير انهم

عندهم طموح وهدف وعزيمة فحققوا اللي هما عايزينه...ياتيتو ماتتكلمش جماعة وتقول جيل مظلوم ومالوش ذنب

لان الغالبية العظمى من الشباب تفكيرهم اتفه مما تتخيل ...كل تفكيرهم ازاي شكله يبقى مش عارفة ازاي

وانه لما يجيب سجاير هيكون واد جامد وانه لما يحط الجل والبنطلون والقميص وهكذا

ونفس الحوار عالبنات...فماتقولش جيل مظلوم لان اللي عايز يوصل هيوصل مهما كانت الظروف المحيطة

ماهو لو كل واحد قال الكلمتين دول اللي هما تبرير لموقف مش اكتر يبقى كله هيحط ايده على خده

ويبروز الشهادة في البيت ويقعد جنبها وده مش صح طبعا...بالدليل انك واحد من اللي اشتغلوا

يبقى مش كل الناس مظلومة ومش كل الناس بتحاول ياعيني ومش نافع برضه

احنا للاسف تفكير الشباب في الضييييييييييييياع مش بيفكروا اصلا لما يتخرجوا هيشتغلوا ايه

ولو فكروا مابيوصلوش لانهم ماعندهم اي هدف ولا اي حاجة في اي حتة

ومش كل الناس عقلياتها تمام وبيفكروا صح كله في الدمار وبيفكروا بنفس الكلام اللي بتقولوا

وبالتالي مابينجزوش وبيحبطوا ولو فكر والعياذ بالله انه يدور ولا حاجة يشوف مرة ويقول مفيش امل ويقعد

وخلصت والحياه سودا والبلد خربانة والعالم والكون وكله فاكر انه لما يشتغل برة مصر ياسلام يغتني

وكل ده في الهوا ليه لانه شايف ان البلد اللي هو فيها مش هتديه لكن برة هيدوه ودي نظرية مش اللي هي

واللي هتاخده هيخلص ولا كانك عملت حاجة يعني مش كل اللي سافر رجع غني او فاحش الثراء

يعني دي فكرة سايدة وبس ...كل واحد بيفكر بطريقته ده لو فكر وتعب نفسه اساسا

وكلمة مظلوم دي انت بتبرر بلالالالالالالالالالاوي بيعملوها الشباب ...وده مش صح طبعا

اما القراية في اي مجال فهي مفيدة في اي وقت واي موقف واي مكان مش شرط الادب

تحياتي

انا قولت القرايهه اللى تفيده علشان موضه ان الكتب الادبيه ملهاش قيمه لاها فعلا فى الوقت ده مش ناقصاها
انت دلوقتى قولتى الشباب بيعمل بلاوى مهو ليه
هو انت مفكره ان مفيش حد بيدور على شغل
انا مشوفتش حد قاعد مبيدورش و لما بيلاقى اى حاجه بيروح
بس هل كل الناس هتستحمل الشغل ده
يعنى يروح يشتغل فى مخزن ويشيل هو مين فينا اللى هيعمل كده فى حد يستحمل
بلاش الكلام الكبير قوى ان لازم يتبهدل و يتمروط بس يكون فى حاجه يقدر يعملها
مش فوق طاقطه و ميفهمش فيها
و بعدين هو اللى هيشتغل ده هياخد كام و يكفوا ايه وله ايه
اعتقد انك مش عايشه فى مصر لو كنت هنا مكونتيش قولتى ده
يعنى لو افترضنا ان فى اب و ام بيشتغلوا فى اسره
تعتقدى ان مرتباتهم بتكفى يعيشوا هى ماشيه بالبركه من عند ربنا و ديون من هنا و هناك
يبقى الشاب ده بقى لما هيشتغل هيجيب شقه منين و يتجوز ازاى و لما يتنجوز هيصرف على عياله منين
دا اللى احنا كاشباب بنشوفه و بتنفكر فيه يعنى نروح نسرق
انت مشوفتيش عمرو اديب اما قال واحده ست بتقولوا انها بتقول لجوزها الفلوس مش مكافيه و مش عارف اغطى مصريف البيت زود المصروف شويه رد جوزها قالها يعنى اعمل ايه اسررررررررررق
الشباب مش بيبوظ من شويه و لابيدمن من حاجه قليله بال بالعكس
اغلب الشباب اللى بيكون مدمن و يشرب ساجاير هما ولاد الناس الاغنيه
و بعدين اقولك على حاجه من غير زعل انت مهام كان بنت
يعنى مش مطلوب منك مسؤليه زى الولد اللى هيتجوز و يشيل البيت كله على دماغوا
بصى انا كل زاميلى بيشتغلوا شغل كويس اوى
بس ان شاء الله علشان يتجوز ويشيل مسؤليه بيت عايز 20 سنه و اهو شغال
و متفكريش ان اللى قاعد من غير شغل مبسوط انا جربت الموضوع ده بين الكليه و الجيش
بيبقى الواحد مش طايق نفسه و بيدور و اما بيلاقى بيمسك فى الشغل ده بايدوا و سنانو كمان
ليه علشان احنا فى مصر البلد اللى مش هتخليك تغمض عينيك
و شكرااااااا

هو مين فينا اللي كلامه كبير

مبدئيا انت ماشفتش بقى الناس اللي اشتغلوا كل حاجة بمعنى كل حاجة

وبعدين ماهو كل واحد بيشتغل فاتح بيت ومتجوز ومخلف وبيقضي بيته واهله

هو الجواز بالساهل ولا هو المفروض انه لما يجي يشتغل يبقى وزير عشان يصرف ويكفي ويتجوز

كل واحد عارف ازاي يكفي نفسه وبيته وازاي يتاقلموا مع ده

((اعتقد انك مش عايشه فى مصر لو كنت هنا مكونتيش قولتى ده))

..نقطة مهمة انا عايشة في مصر والا ماكنتش قلت الكلام ده لاني شفت وسمعت

((انا مشوفتش حد قاعد مبيدورش و لما بيلاقى اى حاجه بيروح ))
... بس انت ماشفتش كــــــــــــــل الناس والشباب وده معناه ان كلامي صح برضه...

..يعني برضه مش كل الشباب بيدوروا وليهم هدف وعايزين يحققوه..

..زي مانت شفت اللي بيدوروا انا كمان شفت اللي مابيدوروش لان طبيعي في كده وكده..

((الشباب مش بيبوظ من شويه و لابيدمن من حاجه قليله بال بالعكس
اغلب الشباب اللى بيكون مدمن و يشرب ساجاير هما ولاد الناس الاغنيه ))

وده معناه ايه بقى ...هل اعتبره تبرير منك للي بيدمنوا وبيشربوا سجاير
ولا ده على اساس ان اللي مش اغنيا مش بيشربوا ده في ناس معاهمش 10 جنيه على بعض
وبيشتري سجاير...ولا ده على اساس ان خلالالالالالالالالالالالالاص كل اللي بيشربوا وبيدمنوا
بيدمروا نفسهم وبيعملوا حرام وغلط ياحرام عشان مش لاقين شغل...انت بتتكلم كده ازاي
خلاص هل دي قاعدة مش لاقي شغل يروح ينتحر ولا يدمن ويبقى عادي حلال...وانه انحرف بسبب كده
لا طبعا في ناس بتعمل كل ده ومش فارقة وبدون سبب مش عشان مش لاقي شغل
طب وان شاء الله اللي لسة طالب وابوه بيصرف عليه وطالع عينه عشان يصرف عليه ده بيشرب ليه سجاير
]وهو لسة لا خلص ولا دور على شغل ولا شال هم ...ده تبرير جامد اوي يودي في داهية ويبرا ناس بيعملوا غلط
وبيظلم ناس كمان

((بعدين اقولك على حاجه من غير زعل انت مهام كان بنت
يعنى مش مطلوب منك مسؤليه زى الولد اللى هيتجوز و يشيل البيت كله على دماغوا))

ده صحيح بس ماتنساش ان بنات كتير اشتغلوا وساعدوا مع اجوازهم في البيت كمان
وماتنساش برضه ان نسبة كبيييييرة من البنات اشتغلوا ويمكن اكتر من الولاد
وبما ان دي وجهة نظرك يبقى ده بيثبت كلامي ان عشان المفروض الشاب او الراااااااااجل يفتح بيت ويشيله على دماغه...يبقى المفروض يفكر صح ويجتهد ويعمل المستحيل ده لو عايز يفتح بيت بجد ويصرف ويعيش زي مابتقوول...والا بلاش احسن ويقعد ويندب في حظه

((بصى انا كل زاميلى بيشتغلوا شغل كويس اوى
بس ان شاء الله علشان يتجوز ويشيل مسؤليه بيت عايز 20 سنه و اهو شغال))

هي صعبة مش سهلة بس 20 مبالغة ...ثانيا اللي بتجوز حد بتكون عارفة امكانياته وعارفة ازاي هتعيش
وهو بيبقى عارف ازاي هيدبر ويتصرف والا لو على كلامك كان الشعب كله حاجة من الاتنين
ياانتحروا ياما عنسوا ومفيش حد اتجوووووووووز خااااااااااالص
اللي عايز يعيش بيعيش وبيعمل كل حاجة عشان يعيش...

((متفكريش ان اللى قاعد من غير شغل مبسوط انا جربت الموضوع ده بين الكليه و الجيش
بيبقى الواحد مش طايق نفسه و بيدور و اما بيلاقى بيمسك فى الشغل ده بايدوا و سنانو كمان
ليه علشان احنا فى مصر البلد اللى مش هتخليك تغمض عينيك))

ده من وجهة نظرك انت بس مش من وجهة نظر كل الشعب وكل الشباب ...ده انت واللي شفتهم..
يعني مش كلهم بيدوروا وبيتخنقوا من الفضى وخلاص كل يوم هيموتوا عالشغل ولا كلهم بيفكروا
ولا كلهم هاممهم في ناس منفضة ومتبعة مبداك ده والنظرة المحبطة التشائمية دي
وده على اساس انك لو مش في مصر هتغمض عنيك

هههههههههههههههههههههههههههههههه

تقدرى تقوليلى اما الشقه تبقى ب100 الف جنيه مين اللى هيجبها

اكيد ابن وزير و حرامى وممكن يكون بابى اللى جابهالوا بقى لانه بقالوا كام سنه بيشتغل بره

معتقدش ان محدش مش بيدور على شغل اللى بقى اذا كان مش محتاجه
يعنى مفيش واحد هيستنى كل يوم مصروفه من بابا
ولو شفتى حد مش بيدور على شوغل قولى فين و مبيدورش ليه
ايه كل اللى عاوزه بيجيله اكيد بابى اللى معوده على كده هيعوز شغل ليه بقى

و اللى بيدمن ده مهو واحد قاعد مش لاقى حاجه هيتمل على مليون واحد زيه هيعملوا ايه غير الزفت ده
و اللى بيشرب سجاير ده ممكن يكون بيقلد ابوا او واخده رجوله وده بيبقى ابتدى الانحراف بدرى بس بردو
مش هيطلع يعد فى البيت بيشوف هو كمان شغل

ايه بقى المستحيل اللى من وجهت نظرك اللى هيخلى الراجل يفتح بيت
ياريت مثال بس علشان انا مش عارف
و ان شاء الله هى الواحده هى اللى هتفتح البيت اهى بتساعد
انما لو فيش بقى مين اللى هيتصرف اكيد الست هتنزل تلف فى الشارع و تخبط الارض تطلع بطيخ

و بعدين بلاش 20 سنه نحسبها
لو واحد حوش كل شهر الف جنيه
نقول مثلا هيعوز 150 الف زى بعضوا علشان يتجوز
يعنى عايز 150 شهر و السنه فيها 12 شهر يبقوا كام سنه
و معبال ميحوشهم هتكون الاسعار انضربت فى اتنين

و مين بردوا اللى منفض للشغل مهو اكيد واحد مش محتاج
اهلوا بيصرفوا عليه و مش مخلينوا محتاج حاجه
يشتغل ليه بقى

و من الاخر اذا كان الشباب المصرى غير متاح
فدى عشان الظروف الاقتصاديه اللى زى الزفت
و شوفى الفرق بين شباب الخليج و شباب مصر

انت ليك وجهة نظرك وانا ليا وجهة نظري بس المشكلة انك مصر على النظرة

ولعلمك مش كل اللي مابيدورش غني او مش محتاج وليه بقى هو بس اللي يعرفها

يمكن كسل او تشائم او لانه اتخرج مابيفهمش حاجة في حياته فعارف انه مش هيعرف يشتغل

لو عملوله اختبارات للشغل لانه مش فاهم حاجة

او شايف زيك كده انه مش هيشتغل اصلا ومش هيلاقي طب يدور ليه بقى بلا وجع

150 شهر وماله هنعديها..بس انا كلامي صح وانت في حاجات في كلامك صح

برضه مش كل اللي بيدخن عشان قاعد في البيت ومش لاقي شغل وبيدور
وزي ماقلت ياما تقليد يافضى يافاكرها رجولة ...يعني مش برضه كلهم عشان الشغل

هو انا مش قلتلك ان الست لما اشتغلت ساعدت الرجالة في البيت واضحة دي مافيهاش حاجة

تقدر انت تقولي كل اللي فاتحين بيوت من الشباب ومتجوزين وبيصرفوا كلهم حرامية وولاد وزرا وبابي جابلهم شقة وعربية

وبعدين احنا الغالبية العظمى مننا بندرس لمجرد ان احنا بندرس بنتخصص لمجرد ان احنا نتخصص عشان نكمل المشوار

حتى لما التعليم وحش او البعض مش بيشرح احنا كمان مش فكر وماعندناش استعداد نعرف او نتعلم طالما ماتعلمناش

بس ازاي وسط التعليم الفاشل طالع ناس زي الفل واذكية ومتفوقين مع ان ظروفهم المحيطة هي هي اللي حوالينا

احنا مش بنفكر ندرس ايه صح او ايه اللي بنحبه احنا بنذاكر وبنصم عشان ننجح وندخل اي كلية وفي النهاية شهادة وادور على شغل

وبرغم ده زي مافي المجموع اتحكم في ناس وكانوا مظلومين او لا زي مافي ناس هما اللي اتحكموا في المجموع

كفاية كده,...وفي الاخر دي وجهات نظر وكله مصمم على رايه ومقتنع بيه

جايز في ظروف كتير بتساهم في الاحباط وحاجات كتير...لكن ده مايمنعش ان برضه في جزء عالشباب برضه

» فيلم اميتابتشان الجديد حاليا بالاسواق
» الى الشباب الروش طحن.....ملطوش
» بصوا غرف الشباب