Admin
المديــر العــام
عدد الرسائل : 16202
العمر : 37
احترامك لقوانين المنتدى : 
اوسمة : 
دعاء : 
السٌّمعَة : 3
نقاط : 1153
تاريخ التسجيل : 06/05/2007
 | | موضوع: ابويا عاوز ب2 جنيه طعميه طاب وانا مالى....م.ل.ط.و.ش الثلاثاء فبراير 05, 2008 12:52 pm | |
| ماشى من يومين فى الشارع رايح اجيب طعمية لابويا من واحد فى آخر الدنيا عشان ابويا قفلت معاه ياكل من عنده .. وطبعا طالما فى خدام قاعد تحت رجليه فى البيت لازم يطلب ويتشرط ويتأمر !!
وقفت 10 دقايق كامله .. افكر .. بتاع الطعمية ده مشوار .. اركب تاكسى لزوم الوجاهة الاجتماعية .. ولا الم الدور واركب ميكروباص عشان الاقى فلوس ارجع بيها ... وفى الآخر استقريت ان الوجاهة بتروح وتيجى المهم ان القرش هو اللى بيسندك وقت زنقتك وقررت اركب اول سيرفيس فى وشى
انا مشاورا : ميكروباص ...
الكمسارى من داخل الميكروباص : اجرى يا بيه مد شوية
ونطيط فى الميكروباص وهو ماشى لانه كعادة معظم ميكروباصات المدينة فهى لا تتوقف لأحد الا اذا كان ظابط مرور !!
المهم اول ما نطيط فى الميركروباص لبست فى واحدة ست كانت واقفة جوة من شدة اندفاعى
الست : طراااااخ ( قلم على وشى )
انا : ايه يا وليه ؟؟ .. فى ايه ... مانتى اللى واقفة فى سكة اللى طالع !!!
الست : اختشوا على دمكوا بقى ... هو كل يوم كدة ؟!!!
انا : آآآآآه ... ده انتى متعودة بقى !!
الست : متعودة على ايه يا بن المبقعة انت ؟!!! ...
انا : احترمى نفسك يا ست انتى انا مش عايز امد ايدى عليكى عشان انتى قد أمى
الست : أمك ؟؟ ... هى فين أمك دى اللى خلفت حيوان زيك كدة !!
انا : وبعدين بقىىىىىى يا وليه اتلمى ... بدل ما أروح فيكى القسم
الكومسارى السكران : خلاص يا بيه خلاص يا آنسه .. المشاكل دى تبقوا تحلوها فى البيت .. خلونا بقى نشوف اكل عيشنا
انا والست : فى البيت ؟!!!!!!!!!!!!!!!!!!!!!!!!!!!!
السواق مصححا : معلش يا حاجة اصل الكومسارى ده مطسوس فى عينه شوية ... هو قصده يقول يعنى تحلى مشاكلك مع ابنك فى البيت
الست : ده انت اللى مطسوس بلورى فى ودانك
السواق : يعنى انا الحق عليا انى بهدى النفوس يا وليه يا حيزبونه انتى !!!!
انا اسقف بيدى فرحا فى الست : هيييييييييييييييييييييه
وبدأ الناس فى الاجتماع حولنا واللى يقول صلوا على النبى واللى يقول استهدوا بالله والست تقول عليا وعلى اعدائى وانا اقول انا مجنون وممكن اعورك
وفى ثانية راح السواق معلى الكاسيت عشان يغطى على صوت الخناق ... وفعلا بدأت الناس تسكت لان صوت ( السرسعة ) بتاع الاغنية غطى على الجميع ...
ولكم جزء من الاغنية : ياجارحني بلقمة ناشفة .. ومعاك العيش طري .. تقلان عليا ليه .. ما تحن يا مفتري!!!
ولقيت الكمسارى بيعيط من فرط احساسه بالاغنية قائلا : يا عينى عليك يا شكمان ( تقريبا شكمان ده اسم المغنى !! )
ماعلينا ...
الكمسارى : حد نازل التحرير
انا : ايوا على ايدك يا اسطى ... ونزلت قفزا بنفس الطريقة اللى ركبت بيها !! ... وكانت ساعتها الست اللى كنت بتخانق معاها نامت على الكرسى من فرط الارهاق الناتج من الخناق مع الميكروباص كله !!
ونزلت .. ووصلت لمحل الطعمية الشهير ... وياريتنى ماوصلت ... لأنى اكتشفت انى جاى افتح عكة !! ... فمنظر المحل من الخارج ولا كأنها جمعية استهلاكية ساعة وصول الفراخ !!
فها هو رجل الطعمية الاول ( كما يطلقون عليه ) يقف وقفة هتلر امام الطاسة الشديدة السواد والناس كلها تنظر له فى لهفة ويواردها امانى بأن تحظى بشرف نيل ولو بنص جنيه من اللى فى الطاسة !!
وقفت بدورى اقطع بونن عشان اشترى ..
ووقفت بعد كدة قدام رجل الطعمية الاول
انا : ادينى لو سمحت بـأتنين جنيه طعمية محشية وحياة والدك
الراجل : اقف فى الطابور ياسيد
انا : طابور ايه يا عم دى الناس واقف عليك بشكل هرمى ( الشكل الهرمى هو احد الاشكال المرسومة فى كتاب الادارة الخاص بطلبة كلية تجارة )
الراجل : هرم مين يا استاذ احترم نفسك ... ماالناس كلها واقفة بمنتهى الاحترام اهيه .. انت اللى قور يعنى ؟!!!
انا : ياعم وانا قلت حاجة انا بقولك الناس واقفة بشكل هرمى ... دول عايزين اورجانيزر ( organizer ) !!
الراجل : ها هاااااااااى ... جرانديزر مين ياض ... والله العظيم انت شكلك عبيط ...
انا متهكما على طريقة الواد بتاع ميلودى تتحدى الملل : جرانديزر ؟!! ... ظريف اوى .. اكيد مامى نحلة عشان تجيب العسل ده كله !!
الرجل بجملة جديدة : وأكيد مامى جاموسة عشان تجيب العجل ده كله !! .. اترمى بقى على جنب بدل ما احطك فى الطاسة !!!
انا : تحط مين فى الطاسة ... يا شبيه التوربينى انت ؟!!
الراجل : طب تعالى ( وراح سايب اللى فى ايده وطالعلى وراح ماسك فى خناقى )
احد الزباين : خلاص ياعم سيد انت الكبير بارضو .. تعالى بقى هاتلى بجنيه طعمية نص سوا !!
زبون 2 : ياعم سيد سيبك منه ده شكله غلبان ... هو انت كل يوم تنزل تمسك فى خناق زبون وتسيب اكل عيشك
عم سيد : زباين زبالة ناقصة ربايه ...
انا مهلفطا وانا اجرى بعيدا عن المحل مثل المتسولين بعد ان تقطعت ملابسى تماما : انا هاوريك يا سيد يابن بديعه الهبلة .. ودينى مانا سايبك !!!
روحت البيت وخبطت على الباب .. ابويا فتحلى ... ولقيته بيسمع اغنية ... لسيد درويش ... اسمها حرج عليا بابا ... الاغنية دى بقى بتجيبلى انهيار عصبى ...
انا : يا عم الحاج .... حرام عليك مش هايبقى انت والشعب عليا ..
ابويا : ايه ده .. انت عامل كدة ليه ... انت وقعت فى البكابورت اللى تحت تانى ؟!!
انا : انا اتثبتت فى الشارع !!
ابويا : وايه الجديد ؟ .. هى اول مرة يعنى ... المهم فين الطعمية ؟!!
انا : ممكن بس تطفى الراديو ده عشان انا متبهدل خلقة !!
ابويا : اولا ده جرامافون يا جاهل .. ثانيا .. مش طافيه .. ثالثا فين الطعمية !!
صوت سيد درويش خارج من الجرامافون : حرج عليا بـــابـــا ... ماروحش السينيما ... انا من رأيى تجادلنى .. وأجاوبك .. وتجاوبنى .. وفى أى يوم تطلبنى ... تلاقينى فى غمضة عين ... حرج عليا بابا ماروحش السينما !!!!!!
انا : آاااااااااااااااااااااااااه
ابويا : يعنى ماجبتش الطعمية .. وكمان اتسرقت ؟!! انا نفسى مرة واحدة استفيد منك بحاجة .. وله .. انا زهقت منك ..
ونزل فيا خناق وضرب .. والست عدلات جارتنا طلعت على الصوت .. وحاولت تفضى بنا ... بس ابويا عشان نظره ضعيف.. وبيلبس نضاره كعب كوبايه .. ناولها بوكس بدل ما يناولهولى انا .. !!!!!!!
الست عدلات لأبويا : يا نهار ابوك اسود .. انت بتمد ايدك عليا ؟!! .. ده انت ليلتك طين انت وابنك ..
وطاااااخ ... طيييييخ ... بووووووم
انا : الحقونااااااااااااااااااااااااااااااااا
ابويا : الغـــــــــــــــوث !!
الست عدلات بتولول وهى بتضربنا كنوع من تشجيع النفس : يالاااااااااااااااااااااهوى
سيد درويش : ولما صحابى ينادونى .. اقول حرج عليا بابا ماروحش السينما ...
من داخل مستشفى المجانين ...
انا : انا مش قصير قزعة ... انا طويل وأهبل .. انا مش قصير قزعة ... انا طويل وأهبل ... تووووووووووووووووووت !!
آآآآآآآآآآآآآآآآآآآآآآآآآآآآآآآآآآآآآآآآآآآآآآه | |
|
the matrix
نائب المديــــر
عدد الرسائل : 7937
العمر : 34
Localisation : damanhour
دعاء :
السٌّمعَة : 3
نقاط : 24
تاريخ التسجيل : 07/05/2007
| | موضوع: رد: ابويا عاوز ب2 جنيه طعميه طاب وانا مالى....م.ل.ط.و.ش الأربعاء فبراير 06, 2008 1:30 am | |
| ههههههههههههههههههههههههههه
توبة يا عم
انا عمرى ماهروح اشترى طعمية لابويا من هنا ورايح
العمر مش بعزقة يا عمنا
ههههههههههههههههههه
الله ينور بجد يا احمد
موضوع جااااااااااامد
تسلم | |
|
Admin
المديــر العــام
عدد الرسائل : 16202
العمر : 37
احترامك لقوانين المنتدى :
اوسمة :
دعاء :
السٌّمعَة : 3
نقاط : 1153
تاريخ التسجيل : 06/05/2007
| | موضوع: رد: ابويا عاوز ب2 جنيه طعميه طاب وانا مالى....م.ل.ط.و.ش الأربعاء فبراير 06, 2008 11:18 am | |
| ههههههههههههههههههههههههههه
ولا تروح تجيب فول لان ممكن برده يحصلك كده
هههههههههههههههههههههههههههههههههههههههههههه
شكرا لعى مرورك محمد | |
|
kitkat
مشرفـــــه
عدد الرسائل : 11011
العمر : 38
احترامك لقوانين المنتدى :
الدوله : 
دعاء :
السٌّمعَة : 4
نقاط : 733
تاريخ التسجيل : 03/07/2007
| | موضوع: رد: ابويا عاوز ب2 جنيه طعميه طاب وانا مالى....م.ل.ط.و.ش الخميس فبراير 07, 2008 5:25 am | |
| ههههههههههههههههههههههههه
ههههههههههههههههههههههه
كل ده علشان الطعميه
الحمد لله ان انا مش بحبها
ههههههههههههههههههه
شكرا يا احمد | |
|
Admin
المديــر العــام
عدد الرسائل : 16202
العمر : 37
احترامك لقوانين المنتدى :
اوسمة :
دعاء :
السٌّمعَة : 3
نقاط : 1153
تاريخ التسجيل : 06/05/2007
| | موضوع: رد: ابويا عاوز ب2 جنيه طعميه طاب وانا مالى....م.ل.ط.و.ش الخميس فبراير 07, 2008 11:44 am | |
| ههههههههههههههههههههههه
احسن برده يا اسماء
شكرا على مرورك الجميل | |
|
