دردش دردشة

موضوع: دردش دردشة الأربعاء سبتمبر 26, 2007 8:14 am

كل واحد فرحان تعبان

زهقان متضايق

لقى مشكلة او حصل موقف زعله

حصلت حاجة مش فاهمها

يفضفض ويدردش

جت حاجة على باله

مستغرب من موقف ناس من كلام ناس

اي حاجة جت على بالك اكتبها

تعالى هنا واكتبها كانك ماسك ورقة وقلم وبتشخبط

يكتب هنا

وابدا انا

كل واحد فينا بيلاقي حاجات غريبة وساعات حاجات بتصدمه

انا بقى شفت ناس كتير واتعاملت مع ناس كتير

شفت اطباع وشخصيات وتعاملات وعقول مختلفة

بس الغريب لما تلاقي ان الاغلبية عقلهم صغير تبقى غريبة

لو حد صغير في السن اهو لسة بكرة هينضج وعقله يكبر ويكون عقله بقى متفتح

انا شفت من الناس دي كتير واستغربت منهم وزعلت عليهم

لقيت تصرفات طفولية افعال واقوال مش منطقية وكاننا بنتعامل مع اطفال

اطفال ..ظلمتهم الاطفال النهاردة بقول جيل نت وعقلهم اكبر من كده

لقيت غلطات ومشاكل كتير من الناس دي مش 1 2 3 كتير في حياتنا

حوالينا اتعاملنا معاهم وبيعاملونا في شغلنا في دراستنا في الشارع في كل حتة

هتلاقي الناس دي ...مشاكل غريبة وغلط كتير وعدم استفادة بالغلط

كل واحد فاكر نفسه صح واللي حواليه هما اللي غلط هو تمام واللي حواليه وحشين

اي تصرف منك محسوب عليك لكن اي تصرفات منهم "مش محسوب"

ولو حسبته تبقى انت غلطان وحقود وقلبك اسود ومش بتنسى الاسية او الغلط

وان احنا بشر والبشر بيغلطوا اصلنا مش ملايكة... ده صح...بس نسيوا ان في حاجة

اسمها اتعلم من غلطي وماكرروش تاني...مش اغلط واعيد واغلط ماهو عادي بقى بشر

نسيوا ان مش كل الناس هتعدي وتسامح وتصبر على طول...نسيوا اختلاف الطبع

والشخصية وان كل واحد وليه طاقة تحمله وصبره وحتى حدود تسامحه

ايوة حدود تسامحه..في ناس مش هتقدر تسامح وتعدي مشاكل كتييييير

ومش هتقدر كمان تنافق ...وهتوصل لحد عدم التعامل...نسيوا ان في حساب للكلام قبل

مايتقال...عشان مانغلطش نجرح حد ويوم مانتاسف نكتشف انه مش قادر يسامح

ونخسره عشان غلطة او كلمة...ناخد بالنا من كلامنا وتصرفاتنا ونكبر عقلنا

عادي ناس خسرونا وخسرنا ناس لكتر المشاكل بس ياخسارة..

لو بس خدوا بالهم مكناش خسرناهم ولا خسرونا

تحياتي وكله يكتب يلا

مرسي كتير يا سمسم
موضوع حميل
وانا ان شاء الله لو قابلتني مشكله
أكيد هدخل هنا وأخد رايكوا

هايل يا سمسمه
انا كمان لما اتضايق او اى حاجه
حدخل هنا على طول

موضوع: رد: دردش دردشة الخميس سبتمبر 27, 2007 4:55 am

اكيد طبعا يا زيزى ويا احمد
لو قابلتنا مشكلة نكتبها عشان كلنا نحلها مع بعض لو نقدر

مرسيه

وربنا مايجبش مشاكل

ارق تجياتي

امين يا رب
ان شاء الله مافيش

تمام

مش شرط مشاكل يعني حاجة عالبال كده

ان شاء الله لو فى حاجة جات على بالنا
مشكلة اى حاجة
هنكتب هنا

طبعا يا جماعه كلنا عارفين الخنقه اللى بتبقى فى المحاضرات
والمحاضره المفروض انها تقعد ساعتين فى الايام العاديه
انما باه لما ييجى رمضان بيقللوها ساعه على الاقل
اللى يخنق الواحد باه انهم مايمشوش مع اللايحه
ويدوا ساعتين كاملين فى رمضان
لا وايه بيزودوها كمان ويقولك احنا متاخرين
متاخرين فين يا عم الحاج ده احنا لسه بادئين مافيش يومين
اتاخرنا امتى
ابقى ارفع شكوى لوزير التعليم العالى
لا وايه ييجى يقول السكشن حيطول
يهديك يرضيك
ماليش دعوه اتصرفوا مع المعيد
ياعم الحاج مش انت دكتور الماده برده
ولا بتبيع بطيخ بعد المحاضره ولا ايه بالضبط

حاجه تخنق الواحد برده
خاصه ان فيه سفر
وقابلنى باه لو لاقيت مواصلات

ده اكيد ياادمن

شئ عادي جدا

ماهو ياكده ياكده

يعني تلاقي تقعد 3 4 ساعات وانت وحظك يابيعرف يشرح بعد كل ده

يااما هتقعد تسمع حواتيت وهتنام منه في الاخر

ياما هتلاقي حد 10 دقايق محاضرة ياسلام سلامات كلمتين وسلام

يعني مفيش وسط عند الناس دي

وللاسف الاغلبية محدش بيفهم منهم حاجة وكانهم بيسمعوا وبس عشان يبقى عملوا اللي عليهم

فهمنا بقى لا مش هتفرق معاهم

معلش بقى كلنا يالا مش دي اخرة سنة خلاص استحملها وخلاص

وربنا يوفق الجميع

اصله حتى يا ريت يكون الزياده دى مثلا بتزود استيعابنا
لا دى بتنسينا اللى احنا اخدناه من كتر الملل اللى شايفينوه
وييجوا يقولوا انتوا مابتذاكروش ليه

معلش يا احمد
وربنا يستر عليا بقى
انا لسة هروح
انت هتعقدنى من اولها ولا ايه
هههههههههههههههههه

عادي انا اتعودت على العك ده

للاسف الكليات مفيهاش مسؤلية اوي او الدكاترة مش كلهم

عندهم حتة الاهتمام..هو وقت زيادة وخلاص

انا كنت متاكدة من كده لما جيت ادخل الكلية

بل بالعكس انا حسيت ان المدرسة مسؤلية المدرسين واهتمامهم اكبر كتير

لو مافهمتش يعيدلك وكده ..لكن ده مش موجود في الكليات ليه ماتفهمش

ده على اساس ان ده دكتور وده بياع بطاطا ليه ماكلهم بيدرسوا

يالا بقى هنقول ايه اهي شوية سنين وبنقضيهم وربنا يوفقنا فيها

على رايك

لما تلاقي ناس مش مقدرين مجهود الناس

او حتى مجهودك وتعبك اكيد حاجة تزعل

لما بقى تلاقي لكل غلط مبرر ولكل تصرف سبب

وكله في الهوا والكلام كله في الحقيقة كله غلط في غلط

بس عندهم هما صح وكله باسبابه

لما تشوف ظلم وتدافع عن الحق وتكتشف في الاخر ان تدخلك زي قلته

وان اللي حصل حصل وان تدخلك كان عالفاضي ومفيش حاجة بتتصحح

ولا الغلط بيبقى صح ولا الحق اصحابه بياخدوه ولا حد عنده استعداد يغير

لما فجاة تخاف من ان حقك انت كمان يضيع وماتعرفش تجيبه زي غيرك لما حقه ضاع ومارجعلوش

لما تيجي في وقت مش عارف الناس دي ايه نظامها عايشين ازاي

كدب غش خداع وكله عادي عندهم...لما تكتشف ان مددحك كان كدب تقديرك كان كلام

لما تعرف ان كل واحد بيعيش حياته وكل واحد بيتكلم عنك اهو بقى بخير بشر وكله كلام

لما تلاقي بعد فترة طويلة ان كل اللي حواليك غشوك ضحكوا عليك وبرضه كله كلام

لما تلاقي غلط وتعترض فدي في النهاية غلطتك مش غلطتهم...ده ازاي؟؟

لما تقول الحق تبقى وحش اخص عليك ده انت عايز الضرب..

لما تحس انك ندمان انك عرفت واتعاملت مع ناس ولو للحظة ونفسك يرجع بيك

الزمن عند وقت تعرفك بيهم عشان تلغيه وماتعرفهمش عشان دول ناس ماتستاهلش اصلا

لا معرفتك ولا تعاملك معاهم ولا اي حاجة منك

لما تزهق من كتر ماتكلمت وقلت وتقترح وتعمل ووووو...وتبقى في الاخر

عارف ان اي حاجة هتحصل غلط صح لو اتكلمت فانت كلامك كله في الهوا

كله كلام مدحك كلام كرهك كلام الحق كلام الظلم كلام ويمكن يكون حقيقة بس تبريراتها هي اللي كلام

ان معنى الضمير والاخلاص والوفاء ووووو كله كلالالالالام

تحياتي للجميع

موضوع: رد: دردش دردشة الخميس أكتوبر 25, 2007 8:46 pm

مافي وفاء ولا صدق ولما ألاقيهم بيبقى نادر وإن لاقيتهم بأكون فرحانة كتير وبألإرح لما ألاقي صديقتي قدامي وبتساعدني أو حد من أهلي

موضوع: رد: دردش دردشة الجمعة أكتوبر 26, 2007 2:31 pm

بصى يا سمسمه
احنا كل يوم بنقابل المواقف اللى زى دى
بالذات فى الكليه والدراسه اى كان مكانها
انا بصراحه مش عارف بيحصل ليه كده
ليه بنقطع فى بعض
بالرغم من ان احنا ممكن نقعد مع اصحابنا اكتر ما بنقعد فى البيت
انا بصراحه كل يوم لازم اقابل ناس من دول
بس بينى وبينك اللى بعرف ان هو كده بحاول اتحاشى التعامل معاه

بس ممكن اصبر عليه

اتعدل معايا فى المعامله كان بها
بس برده باخد حذرى منه

وهى دى الدنيا سمسمه

موضوع: رد: دردش دردشة السبت أكتوبر 27, 2007 5:16 am

تمام

بس المشكلة بقى انك تلاقيهم كويسين وفي نفس الوقت لا

يعني يبينوا انهم ماحصلوش وفجاة تلاقي المواقف دي

فبتكتشف بس متاخر

تحياتي

خدت رقم الجلوس والجدول مقلق المادة اللي انا بقلق منها هي اول يوم قلقانة خالث نعمل ايه في الامتحانات والكليات دي ياجماعة ربنا يستر بقى

بصى يا سمسمه
مادام انتى بتذاكرى وعامله اللى عليكى
يبقى سيبيها على الله وباذن الله يسهلك الامتحان

موضوع: رد: دردش دردشة السبت ديسمبر 15, 2007 2:44 pm

يارب ياادمن مرسيه وربنا معانا كلنا ويوفقنا كلنا في الامتحانات

موضوع: رد: دردش دردشة الأحد ديسمبر 16, 2007 3:26 pm

اصل دى مش اول مره امتحن فيها يا سمسمه
هى بس الفكره كلها فى شده الاعصاب
بصى انا اتهريت امتحانات
فمبقت فارقه معايا
انتى بس ذاكرى كويس
ومتوتريش نفسك

صح يا سمسم أحمد عنده حق
انا كنت بنزل الامتحان مش خايفه خالص
مع اني برده مكنتش ببقي مذاكرة كويس تقريبا
كنت ببقي لسه ببص في حاجات وانا في الطريق للكلية
والله كانت ايام يا ليت الشباب يعود يوما
ربنا معاكوا ويوفقكوا
ياااااااااااااااااارب

موضوع: رد: دردش دردشة الأحد ديسمبر 23, 2007 12:40 pm

يارب يازيزي

ههههههه بس مافتكرش انك عجزتي اوي كده

تحياتي